ជារឿយៗ ការឈឺចង្កេះ កើតមានដោយមិនមានមូលហេតុច្បាស់លាស់ ដែលគ្រូពេទ្យអាចកំណត់បានជាមួយនឹងតេស្ត ឬការថតចង្កេះនោះទេ។ បញ្ហាដែលផ្សារភ្ជាប់ទូទៅទៅនឹងការឈឺចង្កេះ រួមមាន ៖
– ការយារសរសៃតឆ្អឹង ឬសាច់ដុំ ៖ ការលើករបស់ធ្ងន់ៗ ដដែលៗ ឬការធ្វើចលនាដែលមិនត្រឹមត្រូវភ្លាមៗ អាចធ្វើអោយទាញសាច់ដុំចង្កេះ និងសរសៃតឆ្អឹង ដែលមាននៅនឹងឆ្អឹងខ្នង។ ប្រសិនបើអ្នកមានកាយសម្បទាចុះខ្សោយ បញ្ហានេះអាចបណ្តាលអោយសាច់ដុំគាំងជាប់ និងឈឺ។
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
– រហែកសន្ទះឆ្អឹងខ្នង ៖ សន្ទះឆ្អឹងខ្នង មានសកម្មភាពដូចទៅនឹងដុំមួយទន់នៅចន្លោះឆ្អឹងកងខ្នងនីមួយៗ។ វត្តមាននៃការរបូតចេញ ឬរហែកសន្ទះឆ្អឹងខ្នង ដោយមើលឃើញដោយការថតកាំរស្មីអ៊ិច មិនមែនមានន័យថា មានការឈឺចង្កេះនោះទេ។ ជំងឺនៃសន្ទះឆ្អឹងខ្នង ជារឿយៗ ត្រូវបានរកឃើញដោយចៃដន្យ។ មនុស្សជាច្រើនដែលមិនមានការឈឺចង្កេះ ប្រែជាមានការរបូត ឬរហែកសន្ទះឆ្អឹងខ្នងនោះ នៅពេលដែលពួកគេថតកាំរស្មីអ៊ិចលើឆ្អឹងខ្នង ដោយមូលហេតុដទៃទៀត។
(អាន:ថ្នាំងងុយគេង ពេលអ្នកគួរប្រើ)
– ជំងឺរលាកសន្លាក់ឆ្អឹង ៖ ជំងឺរលាកសន្លាក់ឆ្អឹង អាចប៉ះពាល់ដល់ចង្កេះ។ ក្នុងករណីមួយចំនួន ជំងឺរលាកសន្លាក់ឆ្អឹងនៅនឹងឆ្អឹងខ្នង អាចនាំអោយស្ទះលំហរចន្លោះពីឆ្អឹងខ្នងនីមួយៗ។
– ភាពខុសប្រក្រតីនៃឆ្អឹង ៖ ការឈឺចង្កេះ អាចកើតមានឡើងប្រសិនបើឆ្អឹងខ្នងកោងខុសពីធម្មតា។ ឆ្អឹងខ្នងកោង អាចនាំអោយឈឺចង្កេះ ប៉ុន្តែ ជាទូទៅកើតមានប្រសិនបើការកោងនោះខ្លាំងប៉ុណ្ណោះ។
– ជំងឺពុកឆ្អឹង ៖ ការបាក់ឆ្អឹងខ្នង អាចកើតមានឡើងនៅពេលដែលឆ្អឹងក្លាយជាផុយ ឬស្រួយ៕