លើសពីការផ្តល់នូវការចិញ្ចឹមបីបាច់ និងការជួយការពារកូនរបស់អ្នកពីការមានជំងឺ ការបំបៅដោះកូន ក៏អាចជួយអ្នកក្នុងការសម្រកទម្ងន់ ដែលបានកើនឡើងក្នុងអំឡុងពេលមានផ្ទៃពោះបានផងដែរ។
(អាន:ថ្នាំងងុយគេង ពេលអ្នកគួរប្រើ)
នៅពេលដែលអ្នកបំបៅដោះកូន អ្នកបានប្រើប្រាស់កោសិកាខ្លាញ់ ដែលស្ថិតនៅក្នុងខ្លួនរបស់អ្នកអំឡុងពេលមានផ្ទៃពោះ រួមជាមួយកាឡូរីពីរបបអាហាររបស់អ្នក ដើម្បីជម្រុញដល់ការផលិតទឹកដោះ និងចិញ្ចឹមកូនរបស់អ្នកបាន។ ការស្រកទម្ងន់ក្នុងអំឡុងពេលបំបៅដោះកូន អាចកើតឡើង សូម្បីតែនៅពេលអ្នកធ្វើតាមការណែនាំ ដែលអោយបរិភោគបន្ថែមពី ៤០០ ទៅ ៥០០ កាឡូរីក្នុងមួយថ្ងៃ ដើម្បីរក្សាថាមពលក៏ដោយ។
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
ទោះជាយ៉ាងណា បន្ទាប់ពីពេលឆ្លងទន្លេរួចភ្លាម អ្នកអាចស្រកទម្ងន់បានប្រហែល ៦,៨ គីឡូក្រាម។ ការស្រកទម្ងន់មានសភាពបន្តិចម្តងៗ ដែលប្រហែល ០,៤៥ ទៅ ០,៩ គីឡូក្រាមក្នុងមួយខែ សម្រាប់ ៦ ខែដំបូង បន្ទាប់ពីការឆ្លងទន្លេ និងថយចុះបន្តិចម្តងៗចាប់ពីនោះតទៅ។
ជាញឹកញាប់ អ្នកត្រូវចំណាយពេល ៦ ទៅ ៩ ខែក្នុងការសម្រកទម្ងន់ ដែលបានកើនឡើងក្នុងអំឡុងពេលមានផ្ទៃពោះ៕