Join with Health.com.kh on Telegram

ជាធម្មតា ការរលាកសរសៃប្រសាទភ្នែក តែងតែប៉ះពាល់លើភ្នែកតែម្ខាង។ ចំណែកឯរោគសញ្ញា អាចមានដូចជា ៖

(អាន៖ ថ្នាំងងុយគេងពេលអ្នកគួរប្រើ)

• មានការឈឺចាប់ ៖ មនុស្សភាគច្រើនដែលរលាកសរសៃប្រសាទភ្នែក មានការឈឺចាប់នៅនឹងភ្នែក ពេលធ្វើចលនាភ្នែក។

• ងងឹតភ្នែក ៖ មនុស្សភាគច្រើន តែងតែមើលមិនច្បាស់ក្នុងរយៈពេលខ្លីមួយ ឬអាចឈានដល់ខ្វាក់ភ្នែក។ ការកត់សំគាល់ឃើញថា ការបាត់បង់ការមើលឃើញ អាចកើតមានក្នុងពេលប៉ុន្មានម៉ោង ឬ ២ ទៅ ៣ ថ្ងៃ។ ការហាត់ប្រាណ ឬការងូតទឹកក្តៅ ឬងូតទឹកផ្កាឈូក ក៏អាចធ្វើអោយអ្នកងងឹតភ្នែកមួយភ្លែតបានដែរ។ ដូច្នេះ បញ្ហាងងឹតភ្នែក គឺអាស្រ័យទៅតាមស្ថានភាពជាក់ស្តែង។

(អាន៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)

• ងងឹតពណ៌ ៖ ការរលាកសរសៃប្រសាទភ្នែក តែងតែប៉ះពាល់ដល់ការបែងចែកពណ៌។ អ្នកអាចសម្គាល់ឃើញថា ពណ៌ដែលអ្នកឃើញមានលក្ខណៈខុសធម្មតា ដូចជា ស្រាលជាងមុនជាដើម។

• ពន្លឺភ្លើង ៖ អ្នកដែលរលាកសរសៃប្រសាទភ្នែក ភាគច្រើន តែងតែឃើញពន្លឺភ្លើង ទោះបីជាមិនមានពន្លឺភ្លើងចាំងមកក៏ដោយ៕