Join with Health.com.kh on Telegram

បើទោះបីជាគ្រូពេទ្យបានចេញវេជ្ជបញ្ជាអោយប្រើថ្នាំបញ្ចុះសម្អាតពោះវៀនធំ សម្រាប់ការត្រៀមធ្វើនីតិវិធីវេជ្ជសាស្រ្តណាមួយ ដូចជាការឆ្លុះមើលពោះវៀនធំ តែភាគច្រើន មិនមែនដើម្បីសម្អាតពោះវៀនធំ សម្រាប់បន្សាបជាតិពុលឡើយ។ ហេតុផល គឺសាមញ្ញ។ ប្រព័ន្ធរំលាយអាហារ ជាកន្លែងបញ្ចេញកាកសំណល់ និងបាក់តេរី ដូច្នេះ រាងកាយរបស់យើងមិនត្រូវការលាងសម្អាតពោះវៀនធំ តាមវិធីណាផ្សេងទៀតនោះទេ។

(អាន:ថ្នាំងងុយគេង ពេលអ្នកគួរប្រើ)

មានការគាំទ្រថា ជាតិពុលដែលមាននៅប្រព័ន្ធរំលាយអាហារ អាចបង្កអោយមានបញ្ហាសុខភាពផ្សេងគ្នាជាច្រើន ដូចជាជំងឺរលាកសន្លាក់ អាលែកស៊ី និងជំងឺហឺត។ ពួកគេជឿថា ការប្រើថ្នាំបញ្ចុះសម្អាតពោះវៀនធំ អាចធ្វើអោយសុខភាពមានភាពប្រសើរឡើង ដោយសារវាអាចយកចេញនូវជាតិពុល ជម្រុញដល់បាក់តេរីល្អក្នុងពោះវៀនអោយមានសុខភាពល្អ បង្កើនថាមពល និងបង្កើនប្រព័ន្ធការពាររាងកាយរបស់អ្នក។ ទោះយ៉ាងណា នៅមានភ័ស្តុតាងតិចតួចនៅឡើយ ចំពោះការលើកឡើងបែបនេះ។

(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)

ជាការពិតណាស់ ការប្រើថ្នាំបញ្ចុះសម្អាតពោះវៀនធំ ពេលខ្លះ អាចនាំអោយមានគ្រោះថ្នាក់។ ការប្រើថ្នាំបញ្ចុះសម្អាតពោះវៀនធំ អាចបណ្តាលអោយមានផលប៉ះពាល់ដូចជា ចុកពោះ ហើមពោះ ក្អួតចង្អោរជាដើម។

ការព្រួយបារម្ភធ្ងន់ធ្ងរបន្ថែមទៀតនឹងការប្រើថ្នាំបញ្ចុះសម្អាតពោះវៀនធំ គឺអាចមានដូចជា ៖

• បង្កើនការប្រឈមខ្ពស់នឹងការបាត់បង់ជាតិទឹក
• អាចនាំអោយធ្លាយពោះវៀនធំ
• បង្កើនការប្រឈមនឹងការឆ្លងមេរោគ

• ការប្រែប្រួលពពួកអេឡិចត្រូលីត ដែលអាចមានគ្រោះថ្នាក់ ប្រសិនបើអ្នកមានជំងឺតម្រងនោម ឬមានបញ្ហាសុខភាពផ្សេងទៀត៕