Join with Health.com.kh on Telegram

ខណៈពេលដែលយើងចង់ឲ្យស្បែកមើលទៅមានភាពស្រស់ស្អាត តែស្បែកក្នុងរដូៈរងារនេះងាយនឹងស្ងួតណាស់ បើសិនជាមិនបានលាបក្រែមផ្តល់សំណើមរាល់ថ្ងៃទេ ព្រមទាំងអាចនាំឲ្យរមាស់ធ្ងន់ធ្ងរថែមទៀត។

ដើម្បីចៀសវាងរឿងនេះ យើងខ្ញុំមានគន្លឹះ ៧ យ៉ាងដែលអាចជួយថែរក្សាស្បែកឲ្យទន់ និងស្រស់ស្អាតសម្រាប់រដូវរងានេះ៖

ផលិតផលលាងសម្អាត

អាកាសធាតុវាបានបង្កបញ្ហាលើស្បែករបស់អ្នករួចទៅហើយ។ ការពឹងផ្អែកទៅលើផលិតផលធម្មជាតិមួយចំនួន និងគ្មានក្លិនក្រអួប អាចជាទម្លាប់ថែរក្សាសុខភាពស្បែកប្រចាំថ្ងៃដ៏ល្អ។ ដើម្បីប្រាកដថា អ្នកទទួលបានប្រយោជន៍ខ្លាំងពំផុតនៃផលិតផលថែរក្សាស្បែកបែបធម្មជាតិ ចូរព្យាយាមប្រើប្រាស់ផលិតផលធម្មជាតិណាដែលជាចំណូលចិត្តរបស់អ្នក។ អ្នកក៏អាចប្រើការងូតទឹកក្តៅជាមួយនឹងប្រេងលាបផ្តល់សំណើមលើស្បែកជាមួយគ្នា។ រឿងនេះនឹងជួយឲ្យស្បែកមិនឲ្យស្ងួតបានទេ។ 

(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)

ផលិតផលជម្រុះកោសិកាងាប់ៗចោល

អ្នកក៏គួរតែបញ្ចូលផលិតផលជម្រុះកោសិកាងាប់ៗមួយចំនួនទៅក្នុងទម្លាប់ថែរក្សាស្បែកផង ជាពិសេសនៅពេលអ្នកកំពុងតែងូតទឹកតែម្តង។ វានឹងជួយកំចាត់ចោលកោសិកាស្បែកងាប់ៗ និងថែរក្សាស្បែកឲ្យមានសុខភាពល្អ។ 

ផលិតផលផ្តល់សំណើម

ចូរបន្ថែមផលិតផលផ្តល់សំណើមក្នុងទម្លាប់ថែរក្សាសុខភាពស្បែកអ្នកផង។ ក្រោយពីលាងសម្អាតស្បែករួច ចូរប្រាកដថា អ្នកបានប្រើប្រាស់សេរ៉ូមផ្តល់សំណើមដល់ស្បែកបន្ថែម។ ការផ្សំចូលគ្នានៃសេរ៉ូម និងក្រែមផ្តល់សំណើមក៏នឹងួជយថែរក្សាស្បែកមុខឲ្យស្រស់ថ្លា ក្មេងជាងវ័យ និងមានសុខភាពល្អ។ ចូរប្រើប្រាស់ប្រេងលាបមាត់ដែលមានធាតុផ្សំផ្តល់ជាតិទឹក និងវីតាមីនសំខាន់ៗ។ 

ងូតទឹក

ចូរចៀសវាងការងូតទឹកយូរៗ ទឹកក្តៅ ព្រោះវាងាយនឹងជម្រុះជាតិសំណើមចេញពីស្បែក ដែលជាហេតុធ្វើឲ្យវាទៅជាស្ងួតបាន។ ចូរធ្វើយ៉ាងណាមានទម្លាប់ថែរក្សាស្បែកឲ្យបានលឿន។ ក្រោយពីងូតទឹកយ៉ាងលឿនរួចមក ចូរជូនស្បែកដោយប្រើកន្សែងពោះគោ និងលាបផលិតផលផ្តល់សំណើម និងសេរ៉ូមផ្តល់ជាតិទឹកដល់ស្បែកភ្លាម។ វានឹងជួយថែរក្សាស្បែកឲ្យមានសំណើម និងបឺតស្រូបជីវជាតិដែលលាបពីលើបានយ៉ាងល្អ។ 

ផលិតផលធម្មជាតិ

ផលិតផលធម្មជាតិគួរតែបញ្ជ្រាប់ចូលជាមួយនឹងទម្លាប់ថែរក្សាស្បែកក្នុងរដូវរងារផង។ ចូរប្រើប្រាស់ប្រេងដូងសរីរាង្គដើម្បីផ្តល់សំណើមដល់ស្បែក និងសក់។ ចូរគ្រប់គ្រងភាពស្ងួត ស្បែកដែលរលាក ហើយក៏គ្មានអ្វីល្អជាងប្រទាលកន្ទុយក្រពើដែរ។ 

ម៉ាសបិទមុខធ្វើដោយខ្លួនឯង

ចូរប្រើប្រាស់ម៉ាសបិទមុខធ្វើដោយខ្លួនឯងដើម្បីថែរក្សាសំណើមនៅលើផ្ទៃមុខ។ ម៉ាសមានសំណើមទាំងនេះអាចផ្តល់នូវសំណើមយ៉ាងច្រើនតាមតម្រូវការរបស់ស្បែកបាន។ ដើម្បីធ្វើម៉ាសនេះ ចូរមានគ្រឿងផ្សំដូចជា ទឹកឃ្មុំ ផ្លែប័រ យ៉ាអួ ប្រេងអូលីវ ប្រេងអាលម៉ុន ចេក ប្រទាលកន្ទុយក្រពើដើម្បីលាបលើស្បែក។ អ្នកអាចលាយគ្រឿងផ្សំទាំងនេះចូលគ្នាដើម្បីបង្កើតជាម៉ាសបាន។ ចូរបិតវា ១០ ទៅ ៣០នាទីចាំលាងជម្រះចេញ។ 

វីតាមីនចម្រុះ និងអាហារតាមរដូវកាល

ការថែរក្សាសុខភាពទូទៅគឺជារឿងដ៏សំខាន់មួយនៃការថែរក្សាស្បែកឲ្យមានសុខភាពល្អក្នុងរដូវរងា។ ក្រោយពីពិគ្រោះជាមួយគ្រូពេទ្យរួច អ្នកអាចលេបថ្នាំវីតាមីនចម្រុះ A, B complex, E ។ល។ បានដែលវានឹងជួយទាញជាតិសំណើមពីខាងក្នុងមកខាងក្រៅបាន។ ចូរញ៉ាំផ្លែឈើ និងបន្លែតាមរដូវកាល ជាពិសេសការបន្ថែមផ្លែឈើក្រៀមក្នុងរបបអាហារតែម្តង។

(អាន:ថ្នាំងងុយគេង ពេលអ្នកគួរប្រើ)

ប៉ុន្តែកុំភ្លេចបន្ថយការញ៉ាំប្រៃផង។ 

ជាមួយគ្នានេះដែរ ចូរប្រាកដថា អ្នកញ៉ាំទឹកបានច្រើនៗ និងកុំញ៉ាំតែភេសជ្ជៈក្តៅៗដូចជាតែអី។ ប៉ុន្តែទឹកក្តៅឧណ្ហៗតិចតួចជាមួយនឹងក្រូចឆ្មាអាចផ្តល់ភាពស្រស់ស្រាយបំផុត បង្គ្រប់ជាតិទឹកក្នុងខ្លួន និងច្រោះជាតិពុលក្នុងខ្លួនផង៕