អាយុជាមធ្យមដែលក្មេងស្រីចាប់ផ្តើមមានរដូវ គឺអាយុ ១២ ឆ្នាំ។ ទោះជាយ៉ាងណាក៏ដោយ នេះមិនមានន័យថា ក្មេងស្រីទាំងអស់ចាប់ផ្តើមមាននៅអាយុដូចគ្នានោះទេ។ ក្មេងស្រីអាចចាប់ផ្តើមមានរដូវគ្រប់ពេលដែលមានអាយុចន្លោះពី ៨ ទៅ ១៦ ឆ្នាំ។ ការមករដូវនឹងមិនកើតឡើងទេរហូតដល់ផ្នែកទាំងអស់នៃប្រព័ន្ធបន្តពូជរបស់ក្មេងស្រីបានធំពេញវ័យ ហើយកំពុងធ្វើការជាមួយគ្នា។ ដូច្នេះ ក្នុងនាមជាម្តាយ អ្នកគួរលៃលកពេលវេលា និងពន្យល់ប្រាប់កូនស្រីជាមុន ដើម្បីការពារកុំឲ្យកូនខ្មាសអៀន ឬភ័យខ្លាច ពេលគេមករដូវ។

(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?

តើស្ត្រីមានរដូវដល់ពេលណា?

ជាធម្មតា ស្ត្រីបន្តមានរដូវរហូតដល់អស់រដូវ។ ការរាំងរដូវ កើតឡើងនៅអាយុប្រហែល ៥១ ឆ្នាំ។ នេះមានន័យថា អ្នកលែងបញ្ចេញពងអូវុលហើយ ដូច្នេះមិនអាចមានគភ៌បានទៀតទេ។

ដូចជាការមករដូវ ការអស់រដូវអាចប្រែប្រួលពីស្ត្រីម្នាក់ទៅស្ត្រីម្នាក់ហើយអាចចំណាយពេលច្រើនឆ្នាំ។ ស្ត្រីខ្លះអស់រដូវឆាប់ដោយសារការវះកាត់ ឬប្រភេទព្យាបាលផ្សេងទៀត ឬសូម្បីតែជំងឺទៀតផង។

(អាន:ថ្នាំងងុយគេង ពេលអ្នកគួរប្រើ)

ពេលណាអ្នកត្រូវទៅជួបគ្រូពេទ្យអំពីការមករដូវរបស់អ្នក ឬកូនស្រីអ្នក?

អ្នកគួរតែពិគ្រោះជាមួយអ្នកផ្តល់សេវាថែទាំសុខភាពរបស់អ្នក ប្រសិនបើអ្នកជួបបញ្ហាដូចខាងក្រោមនេះ ៖

  • ប្រសិនបើអ្នកមិនបានចាប់ផ្តើមមានរដូវនៅអាយុ ១៦ ឆ្នាំ
  • ប្រសិនបើរដូវរបស់អ្នកបានបញ្ឈប់ភ្លាមៗ
  • ប្រសិនបើអ្នកកំពុងហូរឈាមច្រើនថ្ងៃជាងធម្មតា
  • ប្រសិនបើអ្នកកំពុងហូរឈាមច្រើនពេក
  • ប្រសិនបើអ្នកមានអារម្មណ៍ឈឺចាប់ធ្ងន់ធ្ងរអំឡុងពេលមករដូវ៕