ស្រ្តីតិចមិនដឹង គឺមានសំឡីអនាម័យបែបបន្ទះធម្មតា និងបែបឆ្នុក

នៅពេលអ្នកមករដូវ អ្នកត្រូវប្រើអ្វីមួយដើម្បីត្រាំយកឈាមពេលមានរដូវ។ ជម្រើសរបស់អ្នក គឺសំឡីអនាម័យជាបន្ទះធម្មតា (pad) ឬជាសំឡីអនាម័យបែបឆ្នុក (tampon)។ សំឡីអនាម័យបែបឆ្នុក (tampon) ស្រ្តីខ្មែរប្រហែលជាមិនសូវស្គាល់ និងប្រើនោះទេ ពោលគឺពួកគេប្រើបន្ទះសំឡីអនាម័យធម្មតាប៉ុណ្ណោះ។ ប៉ុន្តែ ប្រសិនបើអ្នកចូលនៅហាងទំនើប ឬឱសថស្ថានទំនើប អ្នកនឹងឃើញពួកវានៅលើធ្នើរហាង ហើយអ្នកនឹងដឹងថាមានសំឡីអនាម័យជាច្រើនដែលអ្នកអាចជ្រើសរើសបាន។

(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) 

តើមួយណាសមនឹងអ្នក? សូមចាប់ផ្តើមដោយការពន្យល់យ៉ាងច្បាស់អំពីរបស់ទាំងនេះម្តងមួយៗ។

បន្ទះសំឡីអនាម័យធម្មតា (pads)

បន្ទះសំឡីអនាម័យធម្មតា (pads) មានជារាងចតុកោណ ដើម្បីបិទភ្ញាប់នឹងផ្នែកខាងក្នុងនៃខោក្នុងរបស់ស្រ្តី។ មនុស្សស្រីភាគច្រើនប្រើវា។

(អាន:ថ្នាំងងុយគេង ពេលអ្នកគួរប្រើ)

សំឡីអនាម័យបែបឆ្នុក (tampon)

សំឡីអនាម័យបែបឆ្នុក (tampon) ក៏អាចស្រូបយកឈាមរដូវដែរ ប៉ុន្តែវាធ្វើការពីខាងក្នុងទ្វារមាស។ វាមានរាងជាស៊ីឡាំងតូចវែងមួយ។ សំណួរដែលក្មេងស្រីទាំងអស់ឆ្ងល់គឺ – តើអ្នកដាក់វាដោយរបៀបណា? សំឡីខ្លះមានភ្ជាប់ជាមួយនឹងដងសម្រាប់រុញចូលទ្វារមាស ខណៈផលិតផលផ្សេងទៀត អ្នកត្រូវប្រើម្រាមដៃរុញបញ្ចូលក្នុងទ្វារមាស។ មនុស្សស្រីជាច្រើនចូលចិត្តបន្ទះសំឡីអនាម័យធម្មតា ប៉ុន្តែប្រហែលជាចង់ប្រើឆ្នុកនោះវិញនៅពេលពួកគេលេងកីឡា ឬហែលទឹក៕