នាង Shelby Hadden ដែលចាប់ផ្តើមមានរោគសញ្ញាដំបូងនៅអាយុ ១៤ ឆ្នាំបាននិយាយថាការត្អួញត្អែររបស់នាង ត្រូវបានមើលរំលងដោយគ្រូពេទ្យជាច្រើន។
អ្នកផលិតខ្សែភាពយន្តអាយុ ២៥ ឆ្នាំម្នាក់ ដែលការងាររបស់គាត់គឺស្វែងយល់ពីបញ្ហាយេនឌ័រនិងអត្តសញ្ញាណ បានបើកចំហរអំពីបទពិសោធន៍ផ្ទាល់ខ្លួនរបស់គាត់ ជាមួយនឹងស្ថានភាពឈឺអាងត្រគាក ដែលបានរារាំងគាត់ពីការរួមភេទ។
នាង Hadden បាននិយាយថា នាងបានទទួលការឈឺចាប់យ៉ាងខ្លាំងជាលើកដំបូង នៅពេលដែលនាងព្យាយាមបញ្ចូលសំឡីអនាម័យ (tampon) ក្នុងទ្វារមាស ហើយថានាងមិនអាចប្រើវាបានទេរហូតដល់អាយុ ២១ ឆ្នាំ។ នាងត្រូវបានគេធ្វើរោគវិនិច្ឆ័យថា ការកន្ត្រាក់ដោយអចេតនាលើសាច់ដុំអាងត្រគាក ដែលវាបានរឹតបន្តឹងទ្វារមាស បង្កឲ្យមានការឈឺចាប់ និងបញ្ហាជ្រៀតចូលក្នុងទ្វារមាស ហើយអសមត្ថភាពក្នុងការរួមភេទ។
សម្រាប់ភាគច្រើននៃវ័យជំទង់របស់នាង Hadden នាងបានអះអាងថា វេជ្ជបណ្ឌិតបានប្រាប់នាងឲ្យសម្រាក ហើយមិត្តភក្តិបានប្រាប់នាងឲ្យព្យាយាមផឹកស្រា ដើម្បីជួយរឿងនេះ។
ជំនួសឲ្យការផ្តល់ការគាំទ្រ និងការយល់ដឹង នាងនិយាយថា នាងត្រូវបានគេផ្តល់នូវ “ដំបូន្មានអាក្រក់ និងការយល់ចិត្តតិចតួច”។
មិនតែប៉ុណ្ណោះ នាងបានជួបជាមួយនឹងការខ្វះការយល់ដឹងពីគ្រូពេទ្យ និងមិត្តភក្តិ។
នាងបាននិយាយថា “Vaginismus គឺជាមូលហេតុដែលខ្ញុំមិនដែលមានទំនាក់ទំនងស្នេហា ឬធ្លាក់ខ្លួនស្រលាញ់នរណាម្នាក់ ឬក៏ធ្លាប់រួមភេទ៕
