យោងតាមក្រុមអ្នកវិទ្យាសាស្ត្របានឲ្យដឹងថា ពួកគេបានបង្កើតវិធីត្រឹមត្រូវជាងមុនក្នុងការវាស់កម្រិតសារធាតុគីមី bisphenol A (BPA) ដែលត្រូវបានគេប្រើជាទូទៅនៅក្នុងរាងកាយរបស់មនុស្ស គឺខ្ពស់ជាងការគិតម្តងៗ។
BPA ត្រូវបានគេប្រើនៅក្នុងផលិតផលផ្លាស្ទិចជាច្រើនរួមទាំងប្រអប់ចំណីអាហារ និងភេសជ្ជៈ ហើយការសិក្សាពីសត្វបានបង្ហាញថាវាអាចរំខានអ័រម៉ូន។ ការប៉ះពាល់នឹង BPA នៅក្នុងស្បូនត្រូវបានផ្សារភ្ជាប់ទៅនឹងការលូតលាស់មេតាប៉ូលីស ឥរិយាបថ និងបញ្ហានៃការមានកូន ក៏ដូចជាការកើនឡើងហានិភ័យនៃជំងឺមហារីក។
(អាន:ថ្នាំងងុយគេង ពេលអ្នកគួរប្រើ)
ទោះយ៉ាងណារដ្ឋបាលចំណីអាហារ និងឱសថអាមេរិកអះអាងថា ការប៉ះពាល់របស់មនុស្សទៅនឹង BPA គឺមានកម្រិតទាប ហើយដូច្នេះវាមានសុវត្ថិភាព។
វិធីសាស្ត្រថ្មីដែលបង្កើតឡើងដោយអ្នកស្រាវជ្រាវបានគូសបញ្ជាក់នៅក្នុងការសិក្សារបស់ពួកគេបង្ហាញថា ការវាស់វែងដែលត្រូវបានប្រើដោយរដ្ឋបាលចំណីអាហារ និងឱសថ និងភ្នាក់ងារបទបញ្ញត្តិដទៃទៀតបានមើលស្រាលចំពោះការប៉ះពាល់ BPA ដល់ទៅ ៤៤ ដង។
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
អ្នកនិពន្ធ Patricia Hunt ជាសាស្រ្តាចារ្យនៅសាលាម៉ូលេគុលជីវវិទ្យានៅសាកលវិទ្យាល័យរដ្ឋវ៉ាស៊ីនតោនបាននិយាយថា “ការសិក្សានេះបង្កការព្រួយបារម្ភយ៉ាងខ្លាំងអំពីថាតើយើងបានយកចិត្តទុកដាក់គ្រប់គ្រាន់អំពីសុវត្ថិភាពនៃជាតិគីមីនេះឬយ៉ាងណា”។
សាស្រ្តាចារ្យ Patricia Hunt បាននិយាយនៅក្នុងសេចក្តីប្រកាសព័ត៌មានរបស់សាកលវិទ្យាល័យថា អ្វីដែលវាកើតឡើងគឺថា ការសន្និដ្ឋានរបស់ទីភ្នាក់ងារសហព័ន្ធបាននិយាយអំពីវិធីគ្រប់គ្រង BPA អាចផ្អែកលើការវាស់មិនត្រឹមត្រូវ។
សហអ្នកនិពន្ធ Roy Royona គឺជាជំនួយការសាស្រ្តាចារ្យផ្នែកវេជ្ជសាស្ត្រនៅសាកលវិទ្យាល័យកាលីហ្វ័រញ៉ានៃសាន់ហ្វ្រាន់ស៊ីស្កូ។ លោកបានមានប្រសាសន៍ថា លោកសង្ឃឹមថាការរកឃើញនេះនឹងជំរុញឲ្យអ្នកជំនាញ និងមន្ទីរពិសោធន៍ដទៃទៀតពិនិត្យមើលឲ្យកាន់តែច្បាស់ និងវាយតម្លៃដោយឯករាជ្យនូវអ្វីដែលកំពុងកើតឡើង។
Roy Royona បាននិយាយថា “BPA នៅតែត្រូវបានវាស់វែងដោយប្រយោលតាមរយៈការស្ទង់មតិពិនិត្យសុខភាព និងអាហារូបត្ថម្ភជាតិរបស់អាមេរិក NHANES ហើយវាមិនមែនជាសារធាតុគីមីដែលរំខានដល់ក្រពេញ endocrine ដែលត្រូវបានវាស់តាមវិធីនេះទេ។
ការស្រាវជ្រាវត្រូវបានចេញផ្សាយនៅក្នុងទិនានុប្បវត្តិ Lancet Diabetes & Endocrinology៕