សាច់មាន់ សាច់គោ ដំឡូង សណ្តែកបៃតង ដំឡូងបារាំង … អាហារជាច្រើនមុខនៅលើតុ ពេលអ្នកមានកម្មវិធីជួបជុំញ៉ាំអាហារម្តងៗ ហើយវាអាចមើលទៅគួរឲ្យចង់ញ៉ាំ ប៉ុន្តែប្រសិនបើអ្នកមានជំងឺច្រាលអាស៊ីតក្រពះពោះវៀន (GERD) អ្នកគួរតែបង្កើន និងបន្តការប្រុងប្រយ័ត្នក្នុងការទទួលទាន។ នេះបើតាមប្រសាសន៍របស់អ្នកជំនាញ។
(អាន:ថ្នាំងងុយគេង ពេលអ្នកគួរប្រើ)
ជារឿយៗ ជំងឺច្រាលអាស៊ីតក្រពះពោះវៀន ត្រូវបានគេហៅថាការក្រហាយទ្រូងរ៉ាំរ៉ៃ ឬការចាល់អាស៊ីត។
វេជ្ជបណ្ឌិត Robert Kavitt ប្រធានមជ្ឈមណ្ឌលវេជ្ជសាស្ត្រនៃសាកលវិទ្យាល័យឈីកាហ្គោបាននិយាយថា នៅពេលនិយាយអំពីអ្វីដែលយើងញ៉ាំ និងផឹកនៅថ្ងៃឈប់សម្រាក ឬកម្មវិធីអ្វីមួយ វាចាំបាច់ដែលយើងត្រូវចងចាំថា “អ្វីៗគ្រប់យ៉ាង គឺល្មម”។
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
ជំងឺរំលាយអាហារទូទៅមួយ ដែលគេស្គាល់ថាជំងឺច្រាលអាស៊ីតក្រពះពោះវៀនកើតឡើងនៅពេលដែលទឹកអាស៊ីតក្រពះហូរត្រឡប់ទៅបំពង់អាហារវិញ ដែលជាបំពង់ដែលភ្ជាប់មាត់ និងក្រពះ។
លោកបាននិយាយបន្តថា វាមានសារៈសំខាន់ណាស់សម្រាប់អ្នកដែលមានជំងឺញ៉ាំយឺតៗ និងចៀសវាងការទទួលទានលើសកំណត់។ ការញ៉ាំយឺតៗផ្តល់ពេលវេលាឲ្យអ្នកមានអារម្មណ៍ឆ្អែត ដែលវានឹងបន្ថយហានិភ័យនៃការញ៉ាំ។
ចូរញ៉ាំអាហារយ៉ាងហោចណាស់មួយ ឬពីរម៉ោងមុនពេលចូលគេង ពីព្រោះវាកាន់តែពិបាកក្នុងការរំលាយចំណីអាហាររបស់អ្នកនៅពេលអ្នកគេងលក់។
ចូរផឹកទឹកឲ្យបានច្រើន និងកំណត់ភេសជ្ជៈដែលមានជាតិកាបូន និងអាល់កុល។ វេជ្ជបណ្ឌិត Yalini Vigneswaran មកពីមជ្ឈមណ្ឌលជំងឺបំពង់អាហារបានមានប្រសាសន៍ថា “ភេសជ្ជៈមានជាតិកាបូន និងជាតិអាល់កុលអាចបណ្តាលឲ្យសាច់ដុំយារ និងបង្កើនគ្រោះថ្នាក់នៃជំងឺច្រាលអាស៊ីតក្រពះពោះវៀន”៕