ការងារហួសប្រមាណមានគ្រោះថ្នាក់ណាស់។ លោក Godfrey Gao ត្រូវបានគេរាយការណ៍ថាធ្វើការ ១៧ ម៉ោងមុនពេលការស្លាប់របស់គាត់។

ដំណឹងនៃការស្លាប់របស់តារាសម្តែង តារាម៉ូដែលតៃវ៉ាន់ – កាណាដា លោក Godfrey Gao បានធ្វើឲ្យអ្នកគាំទ្រទូទាំងពិភពលោកភ្ញាក់ផ្អើល។

(អាន:ថ្នាំងងុយគេង ពេលអ្នកគួរប្រើ)

បុរសវ័យ ៣៥ ឆ្នាំរូបនេះបានដួលនៅចំកណ្ដាលនៃការសម្តែងរឿងភាគចិន។ សារព័ត៌មានតៃវ៉ាន់រាយការណ៍ថា មរណភាពរបស់គាត់បណ្តាលមកពីគាំងបេះដូង។

កាសែតចិនស៊ីនឆេដេលីបានរាយការណ៍ថា បន្ទាប់ពីនោះ គ្រូពេទ្យមកពីមន្ទីរពេទ្យជាតិតៃវ៉ាន់ (NTUH) បានធ្វើការសន្និដ្ឋានថា ការគាំងបេះដូងរបស់គាត់អាចបណ្តាលមកពីការធ្វើការហួសកម្លាំង និងស្ត្រេស។

(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?

លោក Godfrey Gao ត្រូវបានគេជឿថាស្ថិតនៅក្រោមភាពតានតឹងយ៉ាងខ្លាំង ហើយ
បន្ទាប់ពីមរណភាពរបស់គាត់ គ្រូពេទ្យតៃវ៉ាន់បានកត់សម្គាល់ថា ការចូលគេងយឺត និងការងារហួសហេតុអាចបង្កឲ្យមានភាពតានតឹងយ៉ាងខ្លាំងលើរាងកាយ។
ដោយបង្ហាញភស្តុតាងនេះ គេហទំព័រម៉ាឡេស៊ី-ចិនមួយផ្សេងទៀតបានរាយការណ៍ថា លោក Godfrey Gao បានធ្វើការអស់រយៈពេល ១៧ ម៉ោងមុនពេលគាត់ស្លាប់។ គាត់បានធ្វើការរហូតដល់ម៉ោង ១.៤៥ ព្រឹក -៤៥ នាទីមុនពេលគាត់ទទួលមរណភាព។

គ្រូពេទ្យបានចង្អុលបង្ហាញថា Godfrey Gao ទំនងជាស្ថិតនៅក្រោមភាពតានតឹងជាច្រើនដែលនៅទីបំផុតនាំឲ្យមានការកើនឡើងនូវកម្រិត adrenaline របស់គាត់។ ជាលទ្ធផល នេះបណ្តាលឲ្យគាត់មានចង្វាក់បេះដូងលោតមិនទៀងទាត់ដែលត្រូវបានគេស្គាល់ថា Ventricular Tachycardia (VT) ក្នុងន័យវេជ្ជសាស្ត្រ។ នេះសន្មតថា វាអាចធ្វើឲ្យគាត់ដួលនិងស្លាប់ភ្លាមៗនៅពេលកំពុងថត។ គួរបញ្ជាក់ថា VT អាចកើតឡើងចំពោះមនុស្សដែលមានសុខភាពល្អបំផុត។

ហេតុដូច្នេះហើយ គ្រូពេទ្យបានជម្រុញឲ្យមនុស្សគ្រប់គ្នាចៀសវាងពីការចូលគេងយឺត ឬធ្វើការហួសកម្រិតដើម្បីកាត់បន្ថយឱកាសនៃការរងទុក្ខ។ លោកក៏បានណែនាំសមាជិកសាធារណៈឲ្យទៅពិនិត្យសុខភាពជាប្រចាំ ដើម្បីចៀសវាងស្ថានភាពអកុសលបែបនេះ៕