ការស្រាវជ្រាវថ្មីមួយបានបង្ហាញថា ជនជាតិអាមេរិកដែលមានអាយុធ្វើការជាច្រើនខិតខំតស៊ូធ្វើការដើម្បីចំណាយសម្រាប់ថ្នាំបេះដូងដែលការពារពួកគេពីការគាំងបេះដូង ជំងឺដាច់សរសៃឈាមខួរក្បាល និងជំងឺបេះដូង។

(អាន:ថ្នាំងងុយគេង ពេលអ្នកគួរប្រើ)

អ្នកស្រាវជ្រាវបានឲ្យដឹងថា មនុស្សពេញវ័យម្នាក់ក្នុងចំណោម ៨ នាក់ដែលមានបញ្ហាបេះដូងដែលមានហានិភ័យខ្ពស់និយាយថា បញ្ហាហិរញ្ញវត្ថុបានបណ្តាលឲ្យពួកគេមិនលេបថ្នាំ ពន្យារពេលការលេបថ្នាំ ឬប្រើវាក្នុងកម្រិតទាបជាងវេជ្ជបញ្ជា។

(អាន:ថ្នាំងងុយគេង ពេលអ្នកគួរប្រើ)

អ្នកស្រាវជ្រាវជាន់ខ្ពស់ Khurram Nasir បាននិយាយទៀតថា អ្នកដែលមិនទាន់មានអាយុគ្រប់គ្រាន់ក្នុងការប្រើថ្នាំព្យាបាលត្រូវបានប៉ះពាល់យ៉ាងខ្លាំង។ Khurram Nasir គឺជាប្រធានផ្នែកការពារ និងសុខភាពសរសៃឈាមនៅមន្ទីរពេទ្យហ៊ូស្តុនមេតូឌីស (Houston Methodist Hospital) រដ្ឋតិចសាស់។

(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?

អ្នកស្រាវជ្រាវបានរកឃើញថា ការមិនប្រតិបត្តិតាមវេជ្ជបញ្ជាទាក់ទងនឹងការចំណាយ គឺច្រើនជាង ៣ ដងចំពោះមនុស្សដែលមានអាយុក្រោម ៦៥ ឆ្នាំ។

លោកបានបន្ថែមថាលទ្ធផលនេះជំរុញឲ្យមានអំណះអំណាងថា ជម្រើសធានារ៉ាប់រងសាធារណៈដូចជា Medicare-for-All អាចលើកកម្ពស់សុខភាពល្អប្រសើរក្នុងចំណោមប្រជាជនអាមេរិកបានក្នុងកម្រិតណា។

គាត់បានពន្យល់ថា ការរំលងថ្នាំព្យាបាលជំងឺលើសឈាម ថ្នាំបន្ថយកូឡេស្តេរ៉ុល និងការព្យាបាលដទៃទៀត គឺជាវិធីសាស្ត្រហិរញ្ញវត្ថុដ៏គ្រោះថ្នាក់មួយដែលបង្កើនឱកាសរបស់អ្នកជំងឺក្នុងការវិវត្តទៅជាជំងឺខ្សោយបេះដូង ឬមានជំងឺគាំងបេះដូង ឬដាច់សរសៃឈាមខួរក្បាល។

លោកវេជ្ជបណ្ឌិត Benjamin Hirsh ជាប្រធានផ្នែកជំងឺបេះដូងការពារនៅមន្ទីរពេទ្យ Northwell Health Sandra Atlas Bass ក្នុងទីក្រុង Manhasset រដ្ឋញូវយ៉កបានកត់សម្គាល់ថា “ជំងឺបេះដូងកំពុងតែកើនឡើងក្នុងអត្រាប្រកាសអាសន្ន ហើយអ្នកធ្វើគោលនយោបាយ និងអ្នកពាក់ព័ន្ធនានាត្រូវការជាចាំបាច់ ដើម្បីទប់ស្កាត់ការរីករាលដាលនៃជំងឺនេះតាមរយៈការដោះស្រាយបញ្ហាដែលទាក់ទងនឹងតម្លៃសមរម្យនៃថ្នាំ៕