តួលេខស្រឡាំងកាំងពីសមាគមភេសជ្ជៈអង់គ្លេសបានបង្ហាញថា បរិមាណភេសជ្ជៈប៉ូវកម្លាំងដែលប្រើប្រាស់នៅចក្រភពអង់គ្លេសកើនឡើងដល់ ៦៧៩ លានលីត្រកាលពីឆ្នាំមុន។
អ្នកជំនាញអះអាងថា ភេសជ្ជៈប៉ូវកម្លាំងអាចបង្កើនហានិភ័យនៃជំងឺដាច់សរសៃឈាមខួរក្បាលដល់ទៅ ៥០០% ដែលវាហាក់ដូចជាការញៀនដែលបណ្តាលឲ្យចង្វាក់បេះដូងលោតមិនទៀងទាត់។
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
តួលេខស្រឡាំងកាំងពីសមាគមភេសជ្ជៈអង់គ្លេសបានបង្ហាញអំពីបរិមាណភេសជ្ជៈថាមពលដែលប្រើប្រាស់នៅចក្រភពអង់គ្លេសបានកើនឡើងពី ៤៦៣ លានលីត្រក្នុងឆ្នាំ ២០១០ ដល់ ៦៧៩ លានលីត្រក្នុងឆ្នាំ ២០១៧ ។
ទីផ្សារផលិតភេសជ្ជៈប៉ូវកម្លាំងនៅចក្រភពអង់គ្លេសពេលនេះមានតម្លៃដល់ទៅ ២ ពាន់លានផោនក្នុងមួយឆ្នាំ។
វាត្រូវបានគេគិតថា ការកើនឡើងនៃការប្រើប្រាស់ភេសជ្ជៈប៉ូវកម្លាំងត្រូវបានផ្សារភ្ជាប់ទៅនឹងការកើនឡើងនៃចង្វាក់បេះដូងខុសធម្មតា ដែលជាការកើនឡើងហានិភ័យនៃជំងឺដាច់សរសៃឈាមខួរក្បាលប្រាំដង។
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
ស្ថាបនិក និងជានាយកប្រតិបត្តិរបស់ The Arrhythmia Alliance លោក Trudie Lobban បានមានប្រសាសន៍ថា “អ្នកមិនចាំបាច់មានបញ្ហាបេះដូងនោះទេ ត្រឹមតែសារធាតុរំញោចដែលមានផ្ទុកជាតិកាហ្វេអ៊ីនក៏អាចបណ្តាលឲ្យកើតមានបញ្ហាចង្វាក់បេះដូងនេះដែរ។
កាហ្វេ ៦ ឬ ៧ កំប៉ុងក្នុងមួយថ្ងៃអាចធ្វើបាន ប៉ុន្តែភេសជ្ជៈប៉ូវកម្លាំងទាំងនេះពិតជាមានហានិភ័យខ្ពស់ណាស់។
លោក Mark Horsman អាយុ ៥២ ឆ្នាំបាននិយាយអំពីបទពិសោធន៍គួរឲ្យរន្ធត់របស់គាត់អំពីបញ្ហាមិនប្រក្រតីដែលធ្វើឲ្យគាត់គិតថា គាត់ជិតស្លាប់ហើយ។
អ្នកគ្រប់គ្រងសំណង់មកពី Brighton បានទទួលទានកាហ្វេប្រហែល ៨ ពែងក្នុងមួយថ្ងៃ រួមជាមួយនឹងភេសជ្ជៈប៉ូវកម្លាំង Red Bull ៣ កំប៉ុង ដើម្បីធ្វើឲ្យគាត់បន្តដំណើរការទៅមុខទៀត។
បន្ទាប់ញ៉ាំ Red Bull ចំនួនពីរកំប៉ុងជាប់គ្នា គាត់បានពិពណ៌នាពីអារម្មណ៍របស់គាត់ដែលមានសម្លេងលោតខ្លាំង ហើយបេះដូងរបស់គាត់ហាក់ចង់លោតចេញមកក្រៅ។
គ្រូពេទ្យបានធ្វើរោគវិនិច្ឆ័យលោកថា មានបញ្ហាចង្វាក់បេះដូងលោតខុសធម្មតា ដែលជាលទ្ធផលនៃការទម្លាប់ផឹកកាហ្វេអ៊ីន និងភេសជ្ជៈប៉ូវកម្លាំង។
បន្ទាប់ពីនោះ គាត់បានកាត់ផ្តាច់រាល់ភេសជ្ជៈប៉ូវកម្លាំង និងជាតិកាហ្វេអ៊ីន។
គិលានុបដ្ឋាយិកាបេះដូងជាន់ខ្ពស់សម្រាប់ មូលនិធិបេះដូងអង់គ្លេស (British Heart Foundation) លោកស្រី Julie Ward បាននិយាយថា ការទទួលទានជាតិកាហ្វេអ៊ីនក្នុងបរិមាណមធ្យមមិនត្រូវបានរកឃើញថាគ្រោះថ្នាក់នោះទេ ប៉ុន្តែគាត់បានព្រមានអ្នកផឹកអំពីរោគសញ្ញានៃការទទួលទានហួសកម្រិត។
នាងបាននិយាយថា អ្នកដែលមានអារម្មណ៍ថា “ដង្ហក់ ឬញាប់ញ័រ” បន្ទាប់ពីទទួលទានជាតិកាហ្វេអ៊ីន គួរតែបញ្ឈប់ការទទួលទាន៕