អ្នកស្រាវជ្រាវជាច្រើនបានលើកឡើងថា ហានិភ័យនៃជំងឺមហារីកសុដន់អាចត្រូវបានថយចុះតាមរយៈការរក្សាបាននូវរបបអាហារសុខភាពល្អ ក៏ដូចជាទម្ងន់ត្រឹមត្រូវ។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ដូច្នេះហើយទើបការដកចេញ ឬរួមបញ្ចូលអាហារប្រភេទណាមួយក្នុងរបបអាហារប្រចាំថ្ងៃអាចបង្កើន និងទប់ស្កាត់ហានិភ័យនៃជំងឺដ៏កាចសាហាវនេះបាន។ ថ្ងៃនេះវេបសាយសុខភាព Health.com.kh នឹងបង្ហាញឱ្យដឹងពីអាហារដែលមានប្រសិទ្ធិភាពទប់ស្កាត់ជំងឺមហារីកសុដន់បានយ៉ាងប្រសើរ ៖
១. ផ្លែប៉ោម
សារធាតុប្រឆាំងអុកស៊ីតកម្ម flavonoids ជាតិសសៃខ្ពស់ និងលក្ខណៈសម្បត្តិប្រឆាំងការរលាកនៃទឹកផ្លែប៉ោមស្រស់អាចជួយទប់ស្កាត់កាត់បន្ថយហានិភ័យនៃជំងឺមហារីកច្រើនប្រភេទ ជាពិសេសមហារីកសួត ពោះវៀនធំ ស្បែក ក៏ដូចជាមហារីកសុដន់។
២. ផ្សិត
ជាប្រភពដ៏ល្អបំផុតមួយនៃវីតាមីន D ដែលជាសារធាតុចិញ្ចឹមមានប្រសិទ្ធិភាពទប់ស្កាត់ជំងឺមហារីកសុដន់បានយ៉ាងប្រសើរ។ ការទទួលទានផ្សិតជាប្រចាំអាចជួយអោយអ្នកជៀសផុតពីហានិភ័យនៃជំងឺមហារីកសុដន់គួរឱ្យកត់សម្គាល់។
៣. ខ្ទឹមស
ជាប្រភពដ៏ប្រសើរនៃស្ពាន់ធ័រ សារធាតុ arginine និងសេលេញ៉ូមដែលមានប្រសិទ្ធិភាពខ្ពស់ក្នុងការកាត់បន្ថយហានិភ័យនៃជំងឺមហារីក។ ដូច្នេះការទទួលទានខ្ទឹមសជាប្រចាំអាចជួយកាត់បន្ថយការវិវត្តនៃកោសិកាមហារីកផ្សេងៗនៅក្នុងរាងកាយ។
៤. គ្រាប់ធញ្ញជាតិ
មានផ្ទុកសម្បូរទៅដោយអាស៊ីតខ្លាញ់អូមេហ្គា ៣ ជួយប្រយុទ្ធប្រឆាំងការរលាកដែលជាអ្វីមួយផ្សារភ្ជាប់ទៅនឹងការវិវត្តនៃជំងឺមហារីក រួមទាំងមហារីកសុដន់ផងដែរ។
៥. ប្រេងអូលីវ
មានផ្ទុកសម្បូរទៅដោយសារធាតុ phytonutrients និងសារធាតុប្រឆាំងអុកស៊ីតកម្ម រួមបញ្ចូលទាំង squalene ដែលរារាំងការលូតលាស់នៃដុំសាច់មហារីក។
៦. ត្រីសម្បូរខ្លាញ់
ត្រីប្រភេទនេះជាប្រភពដ៏ប្រសើរនៃអាស៊ីតខ្លាញ់អូមេហ្គា ៣ ដែលជួយកាត់បន្ថយការរលាកក្នុងរាងកាយ។ ហើយអ្នកសិក្សាស្រាវជ្រាវជាច្រើនជឿថា ការរលាកក្នុងរាងកាយរ៉ាំរ៉ៃបង្កើនហានិភ័យនៃជំងឺមហារីកសុដន់។
៧. ប៉េងប៉ោះ
មានផ្ទុកសម្បូរទៅដោយសារធាតុ lycopene ដែលជាសារធាតុប្រឆាំងអុកស៊ីតកម្មដ៏មានឥទ្ធិពលទប់ស្កាត់ប្រឆាំងនឹងជំងឺមហារីកសុដន់ដោយរារាំងការលូតលាស់នៃកោសិកាមហារីក។
៨. ផ្កាខាត់ណា
បន្លែនេះមានផ្ទុកសម្បូរទៅដោយសារធាតុ phytonutrients ដែលទប់ស្កាត់ការរាលដាលនៃជំងឺមហារីក និងបញ្ឈប់កោសិកាមហារីកមិនឱ្យលូតលាស់ឡើង។ លើសពីនេះទៅទៀត សារធាតុ phytonutrients ក៏ជួយរាងកាយក្នុងការផលិតអ័រម៉ូនអេស្ត្រូសែនត្រឹមត្រូវទប់ស្កាត់ហានិភ័យនៃជំងឺមហារីកសុដន់ផងដែរ។
៩. រមៀត
រមៀត ជាប្រភពដ៏ប្រសើរនៃសារធាតុ curcumin ដែលជួយការពារកោសិកាសុខភាពល្អមិនឱ្យក្លាយទៅជាកោសិកាមហារីក។
១០. ល្ពៅ
សារធាតុ beta-carotene នៃផ្លែល្ពៅត្រូវបានបំលែងជាវីតាមីន A នៅក្នុងរាងកាយ ហើយជួយការពារកោសិកាប្រយុទ្ធប្រឆាំងនឹងរ៉ាឌីកាល់សេរីដែលបង្កជំងឺមហារីក។ លើសពីនេះទៅទឿត គ្រាប់នៃផ្លែល្ពៅមានសមាសធាតុ phytoestrogens និងជាតិសសៃខ្ពស់ ដែលអាចជួយទប់ស្កាត់ជំងឺមហារីកសុដន់បានយ៉ាងប្រសើរ៕