តើអ្នកមានឆ្ងល់ទេថា ហេតុអ្វីបានជាអ្នកគួរតែចាប់ផ្តើមធ្វើលំហាត់ប្រាណដែរទេ? មែនហើយ អ្នកនឹងមិនបាច់ឆ្ងល់ទៀតទេ បើសិនជាអ្នកកំពុងតែមានបញ្ហាដូចខាងក្រោមនេះ ព្រោះវានឹងក្លាយទៅជារឿងល្អវិញសម្រាប់អ្នកចាប់ផ្តើមធ្វើលំហាត់ប្រាណជាទៀងទាត់។ 

អ្នកមានអារម្មណ៍ថាខ្លួនឯងអសកម្មគ្រប់ពេលទាំងអស់

ដើម្បីមានកម្លាំង អ្នកគួរតែចំណាយកម្លាំងដែរ។ វាគឺជាហេតុផលដ៏ពិតប្រាកដមួយដែលអ្នកត្រូវហាត់ប្រានបើសិនជាអ្នកយល់ថា អ្នកមានអារម្មណ៍ល្ហិតល្ហៃពីមួយថ្ងៃទៅមួយថ្ងៃជាប់។ ជាពិសេសបើសិនជាអ្នកមានបញ្ហាផ្លូវចិត្តច្រើន វាគឺជារឿងល្អវិញដែលអ្នកគួរហាត់ប្រាណក្នុងកម្រិតមធ្យមនៅពេលព្រឹកដើម្បីមានកម្លាំងថាមពលគ្រប់គ្រាន់។ 

មានអារម្មណ៍ថាគាំងសន្លាក់

តើអ្នកច្រើនតែប្រើថ្នាំបំបាត់ការឈឺចាប់ដោយសារតែសន្លាក់ធ្វើការមិនបានល្អមែនទេ? រឿងនេះប្រហែលជាសន្លាក់កំពុងតែគាំងបន្តិចម្តងៗហើយ។ ការដែលមិនបានហាត់ប្រាណគ្រប់គ្រាន់ប្រហែលជាធ្វើឲ្យអ្នកឡើងទម្ងន់ ដែលវាគឺជារឿងមួយអាចឲ្យពិបាកដល់សន្លាក់បាន។ នៅពេលអ្នកធាត់ វាទំនងជាធ្វើឲ្យសន្លាក់កាន់តែគាំងទៅៗបាន។ 

កំពុងតែបាក់ទឹកចិត្ត

ការហាត់ប្រាណធ្វើឲ្យមានការផលិតអ័រម៉ូនសប្បាយចិត្ត។ បើសិនជាវាហាក់បីដូចជាធ្វើឲ្យអ្នកមានអារម្មណ៍អស់សង្ឃឹមរហូតនោះ យកល្អគួរតែលះបង់ការរស់នៅបែបស៊ីដេកៗចោលទៅ។ មុនពេលអ្នកទទួលយកថ្នាំប្រឆាំងការបាក់ទឹកចិត្តទៅប្រើ យកល្អគួរតែចំណាយពេលពីរបីនាទីដើម្បីដើរបន្ធូរអារម្មណ៍សិនទៅ? 

ថប់អារម្មណ៍

ការដែលមានរឿងដ៏គួរឲ្យខ្លាចច្រើនចរាចរណ៍ក្នុងខួរក្បាលអាចជារឿងធ្វើឲ្យអ្នកមិនអាចចេញទៅណាបានឡើយ ហើយក៏ពិបាកចិត្តថែមទៀត។ ដូច្នេះយ៉ាងហោចណាស់ក៏អ្នកគួរតែចំណាយពេល ២០នាទីហាត់ប្រាណបានរាល់ថ្ងៃដែរដើម្បីលុបបំបាត់អារម្មណ៍ថប់មួយនេះចេញបានខ្លះ៕