ទារកក្នុងផ្ទៃត្រូវការជីវជាតិដែលត្រឹមត្រូវដើម្បីរាងកាយ និងខួរក្បាលមានសមត្ថភាពពេញលេញ។ ហេតុដូច្នេះហើយទើបឪពុកម្តាយគួរតែចាប់ផ្តើមផ្តល់អាហារណាដែលជំនួយដល់ខួរក្បាលពួកគេនៅពេលគេអាចញ៉ាំអាហារបន្ថែមក្រៅបាន។ នៅពេលក្មេងអាយុបាន ២ឆ្នាំ ខួរក្បាលគេមានទម្ងន់ស្មើនឹង ៨០ភាគរយនៃទម្ងន់ខ្លួនសរុប។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)មានន័យថា ក្នុងរយៈពេលពីរបីឆ្នាំដំបូង ឪពុកម្តាយត្រូវតែផ្តល់ជីវជាតិដែលត្រឹមត្រូវសម្រាប់កូនរបស់ខ្លួនដើម្បីមានការអភិវឌ្ឈន៍ខួរក្បាលបានយ៉ាងល្អ។
ពេលក្មេងអាយុបាន ៦ខែ គេត្រូវការជីវជាតិដូចខាងក្រោមដើម្បីប្រាកដថាខួរក្បាលរបស់គេមានការលូតលាស់ និងអភវិឌ្ឈន៍បានត្រឹមត្រូវហើយ។ ជីវជាតិទាំងនោះមានដូចជា៖
- ជាតិដែក
- ស័ង្គសី
- ប្រូតេអ៊ីន
ចូរចាំថា ទារកគួរតែទទួលបានការផ្គត់ផ្គង់អាហារដែលសម្បូរទៅដោយជីវជាតិបំផុតនៅពេលគេអាចញ៉ាំអាហារបន្ថែមក្រៅបាន។
ត្រីសម្បូរខ្លាញ់
ត្រីសម្បូរខ្លាញ់ មានន័យថាខ្លាញ់នោះជាប្រភេទអាស៊ីតខ្លាញ់អូមេហ្គាបី ដែលល្អបំផុតសម្រាប់ការអភិវឌ្ឈន៍ខួរក្បាលរបស់ទារក។ ឪពុកម្តាយគួរតែផ្តល់ខ្លាញ់ទាំងនេះដល់កូនរបស់ខ្លួនទទួលទាន ព្រោះថាខួរក្បាលរបស់មនុស្សគឺផ្សំឡើងដោយជាតិខ្លាញ់ ៨០ភាគរយទៅហើយ។ ត្រីសម្បូរខ្លាញ់បែបនេះមានដូចជា ត្រីធូណា ឬត្រីសាលម៉ុង។ ក្រៅពីនេះ អាស៊ីតខ្លាញ់អូមេហ្គាបី ក៏ជួយពង្រឹងដល់មុខងារប្រព័ន្ធភាពស៊ាំ និងមានជាតិស័ង្គសី ព្រមទាំងជាតិដែកដ៏អស្ចារ្យទៀតផង។
ស៊ុតត្រី
ស៊ុតមានអ្វីៗគ្រប់យ៉ាងដែលទារកក្នុងផ្ទៃត្រូវការដើម្បីលូតលាស់ និងអភិវឌ្ឈន៍បានគ្រប់គ្រាន់។ ក្រៅពីប្រូតេអ៊ីនសំខាន់ៗ វាក៏ផ្ទុកទៅដោយជីវជាតិជាច្រើនដែលទ្រទ្រង់ដល់ការអភិវឌ្ឈន៍ធម្មតារបស់រាងកាយផងដែរ។
ស៊ុតត្រីមានគឺជាប្រភពនៃវីតាមីន D ខូលីន និង Folate ដ៏អស្ចារ្យ។ ខូលីនគឺជាជីវជាតិដ៏សំខាន់សម្រាប់ការអភិវឌ្ឈន៍ខួរក្បាលយ៉ាងល្អ ព្រោះវាទៅភ្ញោចដល់ការសំយោគសារធាតុចម្លងសរសៃប្រសាទ និងDNA ប្រកបដោយសុខភាពល្អ។ Folate ជួយការពារការកើតជំងឺខូចបំពង់សរសៃប្រសាទក្នុងពេលមានផ្ទៃពោះ។
ថ្លើមសត្វ
ថ្លើមសត្វក៏មិនខុសគ្នាដែរ គឺពោរពេញទៅដោយជីវជាតិដ៏ច្រើន។ អ្វីដែលគួរឲ្យសោកស្តាយនោះគឺថា ថ្លើមមិនត្រូវបានគេចាត់ទុកថាជាអាហារមានជីវជាតិ និងសំខាន់សម្រាប់សម័យបច្ចុប្បន្ននេះឡើយ។ (អាន:ថ្នាំងងុយគេង ពេលអ្នកគួរប្រើ)ប៉ុន្តែថ្លើមគឺជាអាហារដ៏មានជីវជាតិបំផុតដែលអ្នកគួរតែញ៉ាំក្នុងពេលមានផ្ទៃពោះ ព្រោះតែវាមាន៖
- វីតាមីន B ដែលរួមទាំង Folate ផងដែរ
- ជាតិដែក និងស័ង្គសី
- វីតាមីន A និង D
- ខូលីន៕