តើធ្វើដូចម្តេចទើបប្រាកដថា របបអាហារ និងគម្រោងហាត់ប្រាណ ព្រមទាំងថ្នាំដែលអ្នកប្រើប្រាស់អាចគ្រប់គ្រងជាតិស្ករក្នុងឈាមបានទៅ? (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)មែនហើយ អ្នកគួរតែធ្វើទៅតាមក្បួន ABCDE ខាងក្រោមនេះដើម្បីគ្រប់គ្រងជំងឺទឹកនោមផ្អែមកាន់តែមានប្រសិទ្ធភាព។
A គឺ A1c
មធ្យមភាគ អេម៉ូគ្លូប៊ីន A1c (HbA1c) រយៈពេលបីខែគួរតែធ្វើយ៉ាងណាទាបចជាង ៧ភាគរយ។ តែបើសិនជាមិនបានដូច្នេះទេ គ្រូពេទ្យប្រហែលជាត្រូវការផ្លាស់ប្តូរថ្នាំអ្នកដើម្បីបញ្ចុះវាឲ្យក្រោម ៧ហើយ។
B គឺ Blood Pressure (សម្ពាធឈាម)
អ្នកជំងឺទឹកនោមផ្អែមត្រូវការសម្ពាធឈាមទាបជាង ១៣០/៨០ mm Hg ដើម្បីបង្ការការប្រឈមនឹងជំងឺដូចជា ជំងឺបេះដូង តម្រងនោម ឬភ្នែកជាដើម។ ដូច្នេះមិនត្រូវភ្លេចការវាស់សម្ពាធឈាមជារៀងរាល់ខែផង។
C គឺ Cholesterol (កូឡេស្តេរ៉ុល)
កត្តាប្រឈមមុខដ៏សំខាន់របស់ជំងឺបេះដូងគឺកូឡេស្តេរ៉ុលក្នុងឈាមឡើងខ្ពស់ ជាពិសេសកូឡេស្តេរ៉ុលអាក្រក់តែម្តង ហើយវាក៏ជាសញ្ញានៃការកើនឡើងជាតិស្ករក្នុងឈាមច្រើនដែរ។ ដូច្នេះហើយ យកល្អគួឬតែបញ្ចុះកូឡេស្តេរ៉ុល ជាមួយនឹងការតាមដានសុខភាពជាញឹកញាប់។
D គឺ Diet (របបអាហារ)
គន្លឹះសំខាន់ដើម្បីគ្រប់គ្រងជាតិស្ករក្នុងឈាមបានគឺត្រូវតែមានរបបអាហារត្រឹមត្រូវ ដូចជា ញ៉ាំតិច ញ៉ាំត្រូវ និងញ៉ាំតាមពេលវេលា។ មិនត្រូវបង្អត់អាហារ និងផ្លាស់ប្តូរអាហារសម្បូរជាតិកាបូអ៊ីដ្រាតមកញ៉ាំអាហារសម្បូរប្រូតេអ៊ីនវិញ។
E គឺ Exercise (ហាត់ប្រាណ)
ការហាត់ប្រាណទៀងទាត់គឺជាគន្លឹះដ៏សំខាន់ដើម្បីរក្សារាង និងសុខភាពល្អ។ ការហាត់ប្រាណរយៈពេលយ៉ាងហោចណាស់ មួយម៉ោង ជារៀងរាល់ថ្ងៃគឺជាវិធានការដ៏ល្អសម្រាប់គ្រប់គ្រងជំងឺទឹកនោមផ្អែម។(អាន:ថ្នាំងងុយគេង ពេលអ្នកគួរប្រើ) ការហាត់ប្រាណដោយលើកទម្ងន់ ដើរ ធ្វើការងារផ្ទះ ឬឡើងកាំជណ្តើរ សុទ្ធតែជាអ្វីដែលអ្នកអាចធ្វើបានទាំងអស់ដើម្បីគ្រប់គ្រងជំងឺទឹកនោមផ្អែម៕