Join with Health.com.kh on Telegram

មិនខ្វល់ថាកូនអ្នកអាយុប៉ុន្មានទេ ការលេងគឺជាផ្នែកមួយដ៏សំខាន់សម្រាប់ការលូតលាស់របស់ពួកគេ ហើយវាក៏មានអត្ថន័យខុសៗគ្នាសម្រាប់ពួកគេផងដែរ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ទស្សនៈមួយនិយាយថា ការលេងតាមសួនច្បា ឬកន្លែងធំគ្មានទ្វារដូចជាមិនឃើញមានអ្វីរីកចម្រើនច្រើនឡើយ។ ហើយរឿងនេះស្តាប់មើលទៅគឺអញ្ជឹងមែន។ សម្រាប់ក្មេងៗសម័យឥឡូវ តែងតែងាយស្រួលក្នុងការប្រើប្រាស់កុំព្យូទ័រ iPads, iPhones និងឧបករណ៍អេឡិចត្រូនិចផ្សេងៗទៀត។ ដល់ពេលពួកគេត្រូវការធ្វើសកម្មភាពរាងកាយមួយចំនួនវិញនោះ ឪពុកម្តាយតែងនាំពួកគេទៅលេងតាមផ្សារទំនើបទៅវិញ ព្រោះថាជាកន្លែងមានផាសុកភាព និងសុវត្ថិភាព។ យ៉ាងណាមិញ មានហេតុផលច្រើនណាស់ដែលថា អ្នកគួរតែនាំកូនទៅលេងតាមសួនច្បាស់ច្រើនជាងផ្សារទំនើប។ 

សួនច្បាជួយបង្កើនមុខងារប្រព័ន្ធភាពស៊ាំ

ដំបូងឡើយ បើសិនជាអ្នកបារម្ភថា ការលេងនៅខាងក្រៅផ្ទះអាចធ្វើឲ្យកូនឈឺនោះ វាពិតជាមិនត្រឹមត្រូវឡើយ។ តាមពិត ការលេងនៅខាងក្រៅផ្ទះនឹងជួយក្មេងៗបង្កើនមុខងារប្រព័ន្ធភាពស៊ាំទៅវិញទេ។ កាលណាពួកគេលេងនៅលើដី និងស្មោះកាន់តែច្រើន ប្រព័ន្ធភាពស៊ាំពួកគេនឹងលូតលាស់បន្តិចម្តងៗ។ ម៉្យាងវិញទៀត ការលេងនៅក្តៅផ្ទះដូចជាក្នុងផ្សារទំនើប ឬក្នុងថ្នាក់រៀនអាចនឹងបង្កើនប្រតិកម្មអាឡែហ្ស៊ីនៅផ្លូវដង្ហើម និងងាយកើតជំងឺហឺតទៅវិញទេ។ 

លេងនៅតាមសួនច្បាស់នឹងជួយដល់ការរីកចម្រើនផ្នែកសង្គមនិងផ្លូវចិត្ត

ឥឡូវនេះចូរស្រមៃថា នៅកន្លែងលេងក្នុងផ្សារទំនើប មិនខ្វល់ថាមានតុក្កតាថ្លៃលេងច្រើនប៉ុណ្ណាទេ វាប្រាកដថាជាមិនអាចឲ្យក្មេងៗធ្វើការស្រមើស្រមៃលើអ្វីច្រើនជាងនេះឡើយ។ ចូរចាំថា ធម្មជាតិគឺជាគ្រូបង្រៀន ផ្ទៃមេឃដ៏បើកចំហ ស្មៅពណ៌បៃតង និងសកម្មភាពរាងកាយដែរប្រើប្រាស់ជាមួយគ្នាក្នុងសួនច្បារទើបអាចជំរុញដល់សមត្ថភាពខួរក្បាលរបស់ក្មេងបាន។ រឿងនេះក៏ជួយពង្រឹងដល់ការទំនាក់ទំនងក្នុងសង្គម ព្រមទាំងការរៀនសូត្រចេះដឹងរបស់ក្មងេដើម្បីដោះស្រាយបញ្ហាជាមួយក្មេងដទៃទៀតបានដែរ។ កន្លែងលេងក្នុងផ្សារទំនើបតែងមានការណែនាំ និងហាមឃាត់លើអ្វីមួយច្បាស់លាស់។ 

លេងក្នុងសួនច្បាស់ជួយកាត់បន្ថយស្រ្តេសរបស់ក្មេង

តាមពិត ការសិក្សាបានបង្ហាញថា ក្មេងដែលរស់នៅក្នុងតំបន់ស្រុកស្រែចំការមិនសូវស្រ្តេសច្រើនដូចក្មេងរស់នៅក្នុងទីក្រុងឡើយ។ នេះដោយសារតែក្មេងៗនៅតាមទីជនបទត្រូវបានហុំព័ទ្ធដោយធម្មជាតិពណ៌បៃតងច្រើនដែលងាយស្រួលក្នុងការបំបាត់ស្រ្តេស។ 

ការលេងក្នុងសួនច្បាស់ធ្វើឲ្យក្មេងសប្បាយចិត្តជាងនិងសុខភាពល្អជាង

ក្មេងដែលលេងដោយសេរីក្នុងសួនច្បាស់អាចលែងមានអារម្មណ៍តានតឹងក្នុងខ្លួន ហើយក៏អាចជាវិធីធ្វើឲ្យពួកគេសប្បាយចិត្តច្រើនដែរ។ (អាន:ថ្នាំងងុយគេង ពេលអ្នកគួរប្រើ)កាលណាពួកគេធ្វើសកម្មភាពរាងកាយកាន់តែច្រើន មានន័យថាពួកគេបានរំលាយជាតិខ្លាញ់កាន់តែច្រើន គេងកាន់តែលក់ស្រួល និងសុខភាពល្អរហូត៕