Join with Health.com.kh on Telegram

ជាញឹកញយនៅពេលអស់កម្លាំងភាគច្រើននៃពួកយើងចូលចិតទទួលទានភេសជ្ជៈប៉ូវកម្លាំងផ្សេងៗដែលមិនល្អចំពោះសុខភាពសោះឡើយ។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) តើធ្លាប់ដឹងទេអាហារតាមពិតទៅមានអាហារមួយចំនួនអាចផ្ដល់ថាមពលដល់រាងកាយឆាប់រហ័សដោយមិនជះឥទ្ធិពលអាក្រក់អ្វី? ថ្ងៃនេះវេបសាយសុខភាព Health.com.kh នឹងបង្ហាញឱ្យដឹងពីអាហារ ក៏ដូចជាភេសជ្ជៈធម្មជាតិដែលជួយបង្កើនថាមពលរាងកាយ ៖

១. ទឹកក្រូចឆ្មារ

ជាប្រភពដ៏ប្រសើរនៃអេឡិចត្រូលីត្រដែលចាំបាច់សម្រាប់កោសិកាក្នងការផលិតថាមពល។

២. ផ្លែបឺរ

មានផ្ទុកសម្បូរទៅដោយជាតិខ្លាញ់ល្អៗ ព្រមទាំងសារធាតុចិញ្ចឹមចាំបាច់ដែលជាប្រភពនៃថាមពលនិងជួយបង្កើនអារម្មណ៍ប្រសើរឆាប់រហ័ស។

៣. គ្រាប់ធញ្ញជាតិ

គ្រាប់ធញ្ញជាតិភាគច្រើនមានផ្ទុកសម្បូរទៅដោយជាតិម៉ាញ៉េស្យូមដែលជួយបំលែងស្ករទៅជាថាមពល។ គ្រាប់ធញ្ញជាតិក៏ជាប្រភពដ៏ល្អបំផុតមួយនៃប្រូតេអ៊ីននិងជាតិសសៃដែលជួយឱ្យឆ្អែតនិងគ្រប់គ្រងកម្រិតជាតិស្ករក្នុងឈាមបានយ៉ាងប្រសើរផងដែរ។

៤. សូកូឡាខ្មៅ

ជាប្រភពនៃសារធាតុ theobromine ដែលមានប្រសិទ្ធភាពជម្រុញថាមពលនិងលើកកម្ពស់អារម្មណ៍ល្អប្រសើរដោយគ្មានជះឥទ្ធិពលប៉ះពាល់ដល់សុខភាពរាងកាយ។ ទោះជាយ៉ាងណាអ្នកគួរជ្រើសរើសសូកូឡាខ្មៅដែលផ្សំឡើងពីជាតិកាកាវយ៉ាងហោចណាស់ ៧០ ភាគរយ។

៥. ផ្លែឈើស្រស់ៗ

ផ្លែឈើមានផ្ទុកជាតិស្ករធម្មជាតិដែលជួយបង្កើនថាមពលរាងកាយឆាប់រហ័ស ហើយក៏រក្សាស្ថេរភាពនៃកម្រិតជាតិស្ករក្នុងឈាមផងដែរ៕