ចូរសាកល្បងវិធីងាយៗតែមានប្រសិទ្ធភាពខ្ពស់ក្នុងការរក្សាសម្រស់នៅក្មេងរហូត

និយាយអំពីរឿងក្មេងនោះ នរណាក៏ចង់បានរូបរាងខាងក្រៅរបស់ខ្លួនមើលទៅនៅក្មេងដែរ ព្រោះវានឹងបង្កើតបានជាភាពទាក់ទាញច្រើនពីមនុស្សនៅជុំវិញខ្លួន និងមានទំនុកចិត្តក្នុងការធ្វើរឿងគ្រប់យ៉ាងផងដែរ។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ទោះបីជាយ៉ាងណាក៏ដោយ វានឹងមិនក្លាយទៅជាការងារពិបាកទៀតទេ បើសិនជាអ្នកអាចធ្វើទៅតាមវិធីងាយៗខាងក្រោមនេះ។

កុំញ៉ាំអាហារឆ្អែតៗពេក

ការញ៉ាំអាហារច្រើនជ្រុលនិងមានជាតិខ្លាញ់ក្នុងខ្លួនច្រើនអាចធ្វើឲ្យរាងកាយ និងសរីរាង្គក្នុងខ្លួនងាយវិវឌ្ឈន៍រកភាពចាស់ខ្លាំងណាស់។ អ្នកវិទ្យាសាស្រ្តបានរកឃើញថា ការកាត់បន្ថយចំនួននៃការញ៉ាំអាហារ ២០ភាគរយអាចបន្ថយអ័រម៉ូនទីរ៉ូអ៊ីតដែលពន្យឺតដល់ការរំលាយអាហារ និងនាំឱ្យឆាប់ចាស់បាន។ 

បង្កើនការញ៉ាំជាតិសរសៃ

ជាតិសរសៃមាននៅក្នុងគ្រាប់ធញ្ញជាតិ បន្លែ និងផ្លែឈើ ហើយក៏អាចបន្ថយការប្រឈមនឹងជំងឺគាំងបេះដូងបានទៀតផង។ ជំងឺបេះដូងគឺជាឃាតករសម្លាប់មនុស្សប្រុសស្រីដ៏ពេញនិយមជាងគេក្នុងប្រទេសនៅលោកខាងលិច។ 

ឈប់ជក់បារី

ការជក់បារីនឹងធ្វើឲ្យស្បែក និងសារីរាង្គក្នុងខ្លួនឆាប់ចាស់។ ក្រៅពីនេះវាក៏បង្កើនការប្រឈមខ្លាំងនឹងជំងឺធ្ងន់ធ្ងរជាច្រើនទៀតដូចជា ជំងឺមហារីក ជំងឺទឹកនោមផ្អែម និងជំងឺបេះដូង ព្រមទាំងងាយនឹងឆាប់ចាស់ និងស្លាប់មុនអាយុទៀតផង។ 

ទទួលទានទឹកឲ្យបានច្រើន

កាលណាអ្នកទទួលទានទឹកច្រើន ស្បែកនឹងមិនសូវជាស្ងួតទេ ហើយសរីរាង្គក្នុងខ្លួន ព្រមទាំងប្រព័ន្ធរំលាយអាហារក៏បំពេញមុខងារកាន់តែល្អជាងមុនដែរ។ ប៉ុន្តែចូរចៀសវាងការទទួលទានជាតិកាហ្វេអ៊ីនច្រើនពេកព្រោះវាអាចឲ្យខ្សោះជាតិទឹកបាន។ 

ប្រើក្រែមការពារពន្លឺព្រះអាទិត្យគ្រប់ពេល

ចូរប្រាកដថា ផលិតផលថែរក្សាសម្រស់អ្នកមានផ្ទុកទៅដោយសារធាតុការពារកម្តៅព្រះអាទិត្យដែរ ដើម្បីជួយបង្ការភាពជ្រីវជ្រួញ និងការខូចខាតដោយសារកាំរស្មីយូវី។ ជាមួយគ្នានេះដែរ ការចៀសវាងការប៉ះពាល់កម្តៅព្រះអាទិត្យខ្លាំងក៏ជួយថែរក្សាស្បែក សក់ និងរាងកាយមើលទៅក្មេងជាងវ័យដែរ។ 

បន្ថយស្រ្តេស

ការថប់អារម្មណ៍ និងស្រ្តេសទំនងជាជម្រុញឲ្យកើតជំងឺបេះដូង ការចាស់មុនអាយុ និងឆាប់ស្លាប់។ ដូច្នេះអ្នកគួរតែចំណាយពេលវេលាដើម្បីហាត់ក្បាច់យូហ្គា អានសៀវភៅ ងូតទឹក និងបន្ធូរអារម្មណ៍ និងបន្ថយស្រ្តេសក្នុងរាងកាយខ្លះទៅ។ 

ចំណាយពេលហាត់ប្រាណ

ការសម្រកទម្ងន់ប្រហែលជារឿងដ៏ល្អបំផុតដែលអ្នកអាចធ្វើបានដើម្បីបន្ថយឥទ្ធិពលនៃការវិវឌ្ឈន៍ទៅរកភាពចាស់បាន។ អ្នកដែលមានខ្លាញ់ក្បាលពោះតិចហាក់បីដូចជាមានភាពទាក់ទាញខ្លាំងពីដៃគូរ។ (អាន:ថ្នាំងងុយគេង ពេលអ្នកគួរប្រើ)នេះដោយសារតែពួកគេមើលទៅដូចជានៅក្មេងតែម្តង៕