បើមានទម្លាប់ និងរបបអាហារទាំងនេះមែន អ្នកនឹងមិនងាយកើតតគ្រួសក្នុងថង់ទឹកប្រមាត់ទេ

រួសក្នុងថង់ទឹកប្រមាត់ច្រើនតែបណ្តាលមកពីជំងឺនៅក្នុងថង់ទឹកប្រមាត់ផ្ទាល់តែម្តង។ នៅពេលគ្រួសកើតជារូបរាង វាងាចនឹងមានទំហំច្រើនប្រភេទ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ដោយគ្រួសខ្លះតូចប៉ុនគ្រាប់ខ្សាច់ធំមួយ និងខ្លះទៀតធំរហូតដល់ប៉ុនគ្រាប់កូនហ្គោលក៏មានដែរ។ 

បើសិនជាអ្នកជាមនុស្សដែលប្រឈមខ្លាំងនឹងជំងឺនៅថង់ទឹកប្រមាត់មែននោះ ចូរធ្វើយ៉ាងណាថែទាំសុខភាពឲ្យមែនទែន។ អ្នកអាចធ្វើការផ្លាស់ប្តូររបៀបរស់នៅឲ្យកាន់តែល្អប្រសើរជាងមុនដើម្បីកាត់បន្ថយការប្រឈមនឹងជំងឺគ្រួសក្នុងថង់ទឹកប្រមាត់នៅថ្ងៃមុខ ដូចជា៖

សម្រប់ខ្លួនទៅនឹងការញ៉ាំអាហារមានជាតិខ្លាញ់ទាបនិងសរសៃខ្ពស់

ជាតិខ្លាញ់ ជាពិសេសខ្លាញ់ Saturated Fats ដែលមានក្នុងសាច់ ប័រ និងផលិតផលសត្វផ្សេងៗទៀត សុទ្ធតែជាប់ពាក់ព័ន្ធនឹងការធ្វើទុក្ខជំងឺគ្រួសក្នុងថង់ទឹកប្រមាត់ហើយ។ ដូច្នេះ យកល្អគួរតែជ្រើសរើសប្រភេទខ្លាញ់ Monounsaturated Fats ដូចជាប្រេងអូលីវ ឬអាស៊ីតខ្លាញ់អូមេហ្គាបីដែលមានក្នុងត្រី ជំនួសវិញទៅ។ ចូរញ៉ាំបន្លែ ផ្លែឈើឲ្យបានច្រើនៗផង។ 

អាចញ៉ាំគ្រឿងស្រវឹងបានខ្លះដែរ

ការសិក្សាបានរកឃើញថា ការញ៉ាំគ្រឿងស្រវឹងក្នុងកម្រិតមធ្យមជួយកាត់បន្ថយការប្រឈមនឹងជំងឺគ្រួសក្នុងថង់ទឹកប្រមាត់បាន។ ប៉ុន្តែគេក៏រកឃើញទៀតថា ការញ៉ាំគ្រឿងស្រវឹងប្រឈមនឹងជំងឺមហារីកសុដន់លើមនុស្សស្រីទៅវិញ។ ជាមួយគ្នានេះដែរ ស្រ្តីមានផ្ទៃពោះ និងអ្នកជំងឺថ្លើមមិនគួរណាញ៉ាំគ្រឿងស្រវឹងសោះឡើយ។ 

ញ៉ាំកាហ្វេ

ការសិក្សាបានរកឃើញថា ការញ៉ាំកាហ្វេមួយពែងក្នុងមួយថ្ងៃអាចកាត់បន្ថយការប្រឈមនឹងជំងឺគ្រួសក្នុងថង់ទឹកប្រមាត់បាន។ ជាតិកាហ្វេអ៊ីនក្នុងកាហ្វេអាចទៅភ្ញោចការកន្ទ្រាក់របស់ថង់ទឹកប្រមាត់ និងកាត់បន្ថយភាពខាប់របស់កូឡេស្តេរ៉ុលក្នុងទឹកប្រមាត់ទៀត។ 

រក្សាទម្ងន់ឲ្យនៅមានសុខភាព

ដូច្នេះអ្នកគួរតែធ្វើយ៉ាងណាថែរក្សាទម្ងន់ឲ្យនៅសមសួនជានិច្ច។ បើសិនជាអ្នកមិនច្បាស់ថាគួរធ្វើយ៉ាងណាដើម្បីសម្រកទម្ងន់ទេនោះ ចូរពិគ្រោះជាមួយគ្រូពេទ្យសិនទៅ។ (អាន:ថ្នាំងងុយគេង ពេលអ្នកគួរប្រើ)

ទោះបីជាយ៉ាងណាក៏ដោយ បើសិនជាអ្នកគ្រប់គ្រងការប្រឈមមុខខ្លួនឯងបានល្អហើយ អ្នកក៏អាចកាត់បន្ថយការប្រឈមនឹងជំងឺថង់ទឹកប្រមាត់ និងគ្រួសក្នុងថង់ទឹកប្រមាត់បានដែរ៕