ផ្លែម្នាស់គឺជាផ្លែឈើមួយប្រភេទដែលមានការដុះលូតលាស់ច្រើនក្នុងស្រុកយើង។ វាក៏ជាផ្លែឈើដែលមានរសជាតិឆ្ងាញ់ ព្រមទាំងសម្បូរទៅដោយជីវជាតិយ៉ាងច្រើន។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)លើសពីនេះទៅទៀត ផ្លែម្នាស់ក៏អាចពង្រឹងដល់គុណភាពនៃជីវិតមនុស្សបានដែរ តាមរយៈការបញ្ចូលវាទៅក្នុងរបបអាហារ និងជាផ្លែឈើ។ ខាងក្រោមនេះគឺជាហេតុផល ៥យ៉ាងដែលអ្នកគួរតែចាប់ផ្តើមញ៉ាំផ្លែម្នាស់នៅថ្ងៃនេះ៖

សម្បូរវីតាមីន C

ផ្លែម្នាស់សម្បូរទៅដោយវីតាមីន C ដែលអាចជួយរាងកាយទប់ស្កាត់ និងប្រឆាំងវីរុសកុំឲ្យឈ្លានពានចូលទៅក្នុងរាងកាយបាន។ វាក៏ធ្វើឲ្យស្បែកធន់នឹងការខូចាត និងការពារពីការបង្ករោគទៀត។ យកល្អគួរតែព្យាយាមញ៉ាំផ្លែម្នាស់ និងទឹករបស់វាផង ដើម្បីទទួលបានប្រយោជន៍មួយនេះ។ 

ធ្វើឲ្យឆ្អឹងកាន់តែរឹងមាំ

ផ្លែម្នាស់ផ្ទុកទៅដោយជាតិម៉ង់ហ្គាណេស ដែលសំខាន់សម្រាប់ការពង្រឹងដល់សុខភាពឆ្អឹង និងជាលិកាក្នុងខ្លួន។ ជាមួយគ្នានេះដែរ ផ្លែម្នាស់ក៏អាចជួយសម្អាតធ្មេញបានដែរ។ 

ពង្រឹងដល់ការរំលាយអាហារ

ផ្លែម្នាស់ផ្ទុកទៅដោយអង់ហ្ស៊ីមជាច្រើនដែលអាចជយយដល់ការរំលាយអាហារដែលកំពុងតែចុះខ្សោយបាន។ អ្នកគួរតែញ៉ាំផ្លែម្នាស់នៅចន្លោះពេលញ៉ាំអាហារ ឬជាអាហារសម្រន់។ ក្រៅពីនេះ ផ្លែម្នាស់ក៏អាចជួយសម្រាលការក្អក និងមានប្រសិទ្ធភាពខ្លាំងក្នុងការបន្ថយការរលាកដែលបង្កឡើងដោយការបង្ករោគ បន្ថយការហើម ការជាំ ឈឺចាប់ក្រោយពីមានរបួស និងវះកាត់ ព្រមទាំងជំរុញដល់ភាពជារបួសថែមទៀតផង។ 

ល្អបំផុតសម្រាប់អ្នកចូលចិត្តផ្អែម

ផ្លែម្នាស់គឺជាអាហារដ៏ល្អមួយសម្រាប់អ្នកដែលចូលចិត្តផ្អែម នេះដោយសារតែវាផ្ទុកជាតិស្ករបែបធម្មជាតិ។ សម្រាប់អ្នកដែលតមអាហារដើម្បីសម្រកទម្ងន់ ក៏អាចញ៉ាំផ្លែម្នាស់បានដែរ ដោយសារតែផ្លែឈើនេះមានកាឡូរីទាប ខណៈពេលដែលមានជាតិទឹក ៨៧ភាគរយ។ (អាន:ថ្នាំងងុយគេង ពេលអ្នកគួរប្រើ)

ពង្រឹងដល់សុខភាពភ្នែក

ក្រៅពីការ៉ុត ផ្លែម្នាស់ក៏ពង្រឹងដល់សុខភាពភ្នែក និងបន្ថយការប្រឈមនឹងភាពងងឹតភ្នែកនៅពេលអាយុកាន់តែច្រើនរហូតដល់ ៣៦ភាគរយដែរ៕