មិនខ្វល់ថាអ្នកអោបគ្នាជាលក្ខណៈសមាជិកគ្រួសារ មិត្តភក្តិ ឬគូស្នេហ៍ឡើយ វានឹងផ្តល់ប្រយោជន៍ច្រើនដល់សុខភាពរបស់យើង។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
បំបាត់ស្រ្តេស
តើអ្នកកំពុងតែស្វែងរកមធ្យោបាដើម្បីបំបាត់ស្រ្តេសមែនទេ? អញ្ជឹងសាកល្បងប្រើវិធីអោបនរណាម្នាក់ទៅ។ ការដែលស្ថិតក្នុងការអោបរបស់មនុស្សជាទីស្រឡាញ់ម្នាក់ ពិតជាអាចលុបបំបាត់បញ្ហាព្រួយបារម្ភគ្រប់យ៉ាងបានទាំង បញ្ហាការងារ លុយកាក់ បញ្ហាជីវិតជាដើម។
បង្កើនមុខងារប្រព័ន្ធភាពស៊ាំ
មនុស្សគ្រប់គ្នាដឹងថា ស្រ្តេសអាចបណ្តាលឲ្យប្រព័ន្ធភាពស៊ាំចុះខ្សោយបាន ដូច្នេះអ្នកនឹងងាយកើតជំងឺណាស់ ជាពិសេសជំងឺផ្តាសាយតែម្តង។ ការអោបគ្នាគឺជាមធ្យោបាយដ៏ល្អបំផុតដើម្បីបំបាត់ស្រ្តេស ដូច្នេះវាក៏ជួយឲ្យប្រព័ន្ធភាពស៊ាំកាន់តែរឹងមាំដែរ។
ជួយឲ្យអារម្មណ៍ល្អ
ការអោបអាចធ្វើឲ្យមុខអ្នកញញឹមបាន។ តាមហេតុផលវិទ្យាសាស្រ្តបានឲ្យដឹងថា ការអោបធ្វើឲ្យបញ្ចេញអ័រម៉ូនអុកស៊ីតូស៊ីន ដែរលមានតួនាទីច្រើន ហើយក្នុងនោះក៏ធ្វើឲ្យមានអារម្មណ៍សប្បាយចិត្តដែរ។
បំបាត់ការថប់អារម្មណ៍
មានមធ្យោបាយច្រើនណាស់ដែលអាចបំបាត់អាការៈថប់អារម្មណ៍បាន ដូចជាការដកដង្ហើមជ្រៅៗ ការហាត់ក្បាច់យូហ្គា ញ៉ាំតែ និងស្តាប់ចម្រៀងជាដើម។ ប៉ុន្តែការអោបក៏អាចមានបំបាត់ការថប់អារម្មណ៍យ៉ាងមានប្រសិទ្ធភាពមួយដែរ។
សម្រួលសម្ពាធឈាម
ជំងឺលើសសម្ពាធឈាមអាចបណ្តាលអោយមានបញ្ហាទៅលើសរសៃឈាម បេះដូង និងសរីរាង្គផ្សេងៗទៀតដូចជា ភ្នែក និងតម្រងនោមជាដើម។ ដូច្នេះអញនកនឹងត្រូវធ្វើយ៉ាងណាដើម្បីសម្ពាធឈាមធ្លាក់មកធម្មតាតាមរយៈការផ្លាស់ប្តូររបបអាហារ របៀបរស់នៅ និងហាត់ប្រាណ។ ប៉ុន្តែការសិក្សាបានបង្ហាញទៀតថា ការអោបក៏ជួយធ្វើឲ្យសម្ពាធឈាមមកធម្មតាវិញដែរ។
កាន់តែនៅក្មេង
មនុស្សគ្រប់គ្នាដឹងថាស្រ្តេសអាចធ្វើឲ្យមុខឆាប់ចាស់។(អាន:ថ្នាំងងុយគេង ពេលអ្នកគួរប្រើ) ហេតុដូច្នេះហើយការអោបច្រើនតែជាការកែសម្ផស្សមួយដែលមិនបាច់ចំណាយលុយ តែអាចជួយបំបាត់បញ្ហាភាពចាស់លើមុខបានយ់ាងអស្ចារ្យ៕