យោងទៅតាមទ្រឹស្តី បាតជើងរបស់យើងដំណាងឲ្យសរីរាង្គជាច្រើនក្នុងរាងកាយ ហើយការម៉ាស្សាបាតជើងក៏អាចផ្តល់ជាអត្ថប្រយោជន៍ចំពើសុខភាពច្រើនណាស់ដែរ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
គេងលក់ស្រួល
តើអ្នកកំពុងតែពិបាកគេងដែរទេ? ដូច្នេះអ្នកគ្រាន់តែធ្វើការម៉ាស្សាបាតជើងធម្មតាៗក៏អាចបំបាត់អាការៈគេងមិនលក់បានដែរ។ អ្នកគ្រាន់តែអង្គុយចុះ ហើយលើកជើងម្ខាងដាក់លើភ្លៅ បន្ទាប់មកប្រើមេដៃសង្កត់នៅពីក្រោមម្រាមមេជើងយ៉ាងហោចណាស់មួយនេះ និងធ្វើបែបនេះនៅម្រាមផ្សេងៗទៀតផង។ អ្នកក៏អាចបន្តក់ប្រេងដូង ឬប្រេងអូលីវនៅបាតជើងដើម្បីម៉ាស្សាបានដែរ។
បន្ថយស្រ្តេស
បើសិនជាអ្នកកំពុងតែមានបញ្ហាតានតឹងក្នុងអារម្មណ៍ពេញមួយថ្ងៃ ហើយចង់បន្ធូរអារម្មណ៍វិញនោះ ចូរសាកល្បងធ្វើការម៉ាស្សាបាតជើងទៅ។ ចូរអង្គុយចុះ ហើយលើកជើងម្ខាងដាក់លើភ្លៅម្ខាងទៀត ហើយយកប្រេងចាក់លើបាតដៃទំាងសងខាងហើយម៉ាស្សាលើបាតជើងចំនួន ៥នាទីទៅ។
បំបាត់ការនឿយហត់របស់បាតជើង
បាតជើងគឺជាកន្លែងដែលរងសម្ពាធជាប់មួយដោយសារតែវាស្ថិតនៅក្រោមសកម្មភាពទាំងអស់ដែលជើងបានធ្វើពេញមួយថ្ងៃ។ ដូច្នេះអ្នកគួរតែផ្តល់ការម៉ាស្សាដើម្បីបន្ធូរភាពតានតឹងរបស់វាផងទៅ។
បំបាត់ការឈឺកនិងខ្នង
អ្នកជំនាញខាងម៉ាស្សាបាតជើងនិយាយថា ការម៉ាស្សាម្រាមមេជើងតិចបំផុត ៥នាទី អាចផ្តល់ការបំបាត់អាការៈឈឺកញ្ចឹងកបាន។ អ្នកក៏ប្រហែលជាបំបាត់អាការៈឈឺខ្នងបានដែរតាមរយៈការប្រើម្រាមមេដៃម៉ាស្សានៅត្រង់បន្ទាត់ពីម្រាមមេជើងដល់កែងជើង។
អារម្មណ៍កាន់តែល្អ
តើអ្នកចង់បានអារម្មណ៍ស្រួលបួលដែរទេ? អ្នកអាចនឹងទទួលបានអារម្មណ៍នេះតាមរយៈការសង្កត់ម្រាមដៃនៅខាងក្រោមចំណុចកណ្តាលនៃបាតមេជើងរយៈពេលមួយនាទី ហើយចាំទៅសង្កត់នៅម្រាមមេជើងមួយទៀត។ ចូរធ្វើបែបនេះ ២ទៅ៣ដងក្នុងមួយថ្ងៃដើម្បីអាចបំបាត់អាការៈបាក់ទឹកចិត្តបាន។
ពង្រឹងដល់របត់ឈាមរត់
វិធីសាស្រ្តដ៏មានប្រសិទ្ធភាពបំផុតក្នុងការបង្កើនល្បឿននៃការធូរស្រាលឡើងវិញក្រោយពីអស់កម្លាំងពេញមួយថ្ងៃនោះគឺការម៉ាស្សាបាតជើងតែម្តង។ ការម៉ាស្សាជាមួយប្រេង និងការលុញបាតជើងជាមួយនឹងបាល់ត្រង់បាតគេងជើងសុទ្ធតែជារឿងមានប្រយោជន៍ទាំងអស់។ អ្នកគួរតែធ្វើបែបនេះច្រើនដងក្នុងរយៈពេលពីរបីនាទី៕
បញ្ចុះសម្ពាធឈាម
ពិតណាស់ការម៉ាស្សាបាតជើងអាចបញ្ចុះសម្ពាធឈាមមនុស្សយើងបាន។ (អាន:ថ្នាំងងុយគេង ពេលអ្នកគួរប្រើ)ចូរដកដង្ហើមជ្រៅៗ ហើយប្រើម្រាមមេដៃសង្កត់ឲ្យខ្លាំងនៅត្រង់កន្លែងប្រហោងនៃបាតជើង ហើយដកវិញជាមួយនឹងការដកដង្ហើមចេញដែរ៕