ដើម្បីកុំឲ្យជំងឺរលាកសន្លាក់ហ្គោដធ្វើទុក្ខ គេអាចញ៉ាំផ្លែម្នាក់បាន

ជំងឺរលាកសន្លាក់ហ្គោដ ឬខ្មែរយើងចំណាំហៅថា ជំងឺប្រគ្រីវ គឺជាការរលាកសន្លាក់មួយប្រភេទដែលធ្វើឲ្យមានការឈឺចាប់ រលាក ឡើងក្រហម និងហើមក្នុងសន្លាក់ភ្លាមៗ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ជំងឺនេះកើតឡើងដោយសារតែការកើនឡើងនៃអាស៊ីតអ៊ុយរិកក្នុងរាងកាយ ហើយចាលទៅក្នុងសន្លាក់។ ជាធម្មតារាងកាយរបស់យើងនឹងផលិតអាស៊ីតអ៊ុយរិកនេះដោយខ្លួនឯង តែវានឹងកើតឡើងកាន់តែច្រើនបើសិនជាអ្នកញ៉ាំអាហារ និងភេសជ្ជៈដែលសម្បូរទៅដោយសារធាតុគីមី Purine។ ជាធម្មតា ជំងឺនេះកើតឡើងនៅលើសន្លាក់ម្រាមមេជើងជាងគេ។ ជាធម្មតាគ្រូពេទ្យតែចេញជាថ្នាំ Nonsteroidal Anti-inflammatory Drugs (NSAIDs), Corticosteroids និងថ្នាំសម្រាប់ទប់ស្កាត់ការផលិតអាស៊ីតអ៊ុយរិក។ ប៉ុន្តែ ការញ៉ាំផ្លែម្នាស់ក៏អាចបន្ថយអាការៈនៃការធ្វើទុក្ខរបស់ជំងឺរលាកសន្លាក់ប្រភេទនេះបានដែរ ជាពិសេសការរលាកដ៏ឈឺចាប់តែម្តង។ 

Bromelain 

ផ្លែម្នាក់ផ្ទុកទៅដោយអង់ស៊ីមមួយឈ្មោះថា Bromelain ដែលត្រូវបានគេស្គាល់ថា អាចបន្ថយការរលាក និងជំនួយដល់ការរំលាយអាហារបាន។ ខណៈពេលដែលមិនមានការសិក្សាត្រង់ៗណាមួយទៅលើទំនាក់ទំនង Bromelain និងជំងឺរលាកសន្លាក់ហ្គោដក៏ដោយ តែការសិក្សាបានបញ្ជាក់ថា ថ្នាំបំប៉នប្រភេទ Bromelain អាចបន្ថយអាការៈនៃការរលាករបស់ជំងឺរលាកសន្លាក់ហ្គោដបាន។

ជាតិសរសៃ

ផ្លែម្នាក់សម្បូរទៅដោយជាតិសរសៃ ដែលជាជីវជាតិមួយជួយថែរក្សាផ្លូវក្រពះពោះវៀនឲ្យមានសុខភាពល្អ។ អ្នកវិទ្យាសាស្រ្តបានរកឃើញថា របបអាហារមានជាតិសរសៃខ្ពស់អាចបន្ថយការរលាកដែលបង្កឡើងដោយជំងឺសន្លាក់ហ្គោដបាន។ អាហារសម្បូរជាតិសរសៃក៏អាចជួយការពារការធ្វើទុក្ខរបស់ជំងឺសន្លាក់ហ្គោដដែរ។ 

Folate

ផ្លែម្នាក់មួយកូនចានចង្កឹះមានវីតាមីន Folate ស្មើនឹង ៧ភាគរយនៃតម្រូវការប្រចាំថ្ងៃ។ ខណៈពេលដែលមិនមានទំនាក់ទំនងអ្វីសោះរវាងការញ៉ាំ Folate និងការបន្ថយអាការៈជំងឺសន្លាក់ហ្គោដ តែវាអាចជួយរំលាយប្រូតេអ៊ីនមួយឈ្មោះថា Homocysteine ដែលមានច្រើនលើអ្នកជំងឺសន្លាក់ហ្គោដ។ 

វីតាមីន C 

វីតាមីន C អាចបន្ថយចំនួនអាស៊ីតអ៊ុយរិកក្នុងឈាមបាន។ ប៉ុន្តែការសិក្សាទៅលើឥទ្ធិពលរបស់វីតាមីន C ទៅលើអ្នកជំងឺសន្លាក់ហ្គោដវិញ មិបានរកឃើញទំនាក់ទំនងដ៏ច្បាស់លាស់មួយរវាងការញ៉ាំវីតាមីន C បន្ថែម និងការថយចុះនៃភាពធ្វើទុក្ខខ្លាំងរបស់ជំងឺសន្លាក់ហ្គោដនៅឡើយទេ។ ការញ៉ាំថ្នាំបំប៉នវីតាមីន C មិនបានជួយបន្ថយចំនួនអាស៊ីតអ៊ុយរិកគួរឲ្យកត់សម្គាល់ឡើយ លើអ្នកជំងឺសន្លាក់ហ្គោដ។ 

របៀបនៃការប្រើប្រាស់ម្នាស់សម្រាប់ជំងឺរលាកសន្លាក់ហ្គោដ

ការបន្ថែមផ្លែម្នាក់ទៅក្នុងរបបអាហាររាល់ថ្ងៃ អាចជួយបង្ការការធ្វើទុក្ខរបស់ជំងឺនេះ និងភាពធ្ងន់ធ្ងររបស់អាការៈជំងឺនេះដែរ។ (អាន:ថ្នាំងងុយគេង ពេលអ្នកគួរប្រើ)យកល្អគួរតែញ៉ាំផ្លែម្នាស់មួយពេលក្នុងមួយថ្ងៃ។ ចូរចៀសវាងភេសជ្ជៈមានជាតផ្អែមជាប្រភេទម្នាក់ ឬញ៉ាំបង្អែមម្នាស់៕