តើអ្នកមានដឹងទេថា អាហារអ្វីខ្លះដែលអ្នកគួរតែចៀសវាងជាបិសេសក្រោយពីហាត់ប្រាណរួច? មានអាហារមួយចំនួនដែលត្រូវបានណែនាំដោយអ្នកជំនាញខាងកាយសម្ពន្ធ ហើយក៏ជាអាហារដែលត្រូវចៀសវាងដែរ ក្រោយពីហាត់ប្រាណរួច បើសិនជាអ្នកចង់បានសាច់ដុំឡើងកង់ៗ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ព្រោះថា ការហាត់ប្រាណតែមួយមុខគឺមិនអាចជំរុញដល់សាច់ដុំលូតលាស់ល្អឡើយបើសិនជាមិនមានវត្តមានជីវជាតិត្រឹមត្រូវជំនួយទេ។ ដូច្នេះរបបអាហារក្រោយហាត់ប្រាណរួចគឺជារឿងសំខាន់។ ខាងក្រោមនេះគឺជាអាហារពិសេស ដែលអ្នកគួរតែចៀសវាងក្រោយពីហាត់ប្រាណរួច៖
អាហារខ្លាញ់
ចូរតមការញ៉ាំគ្រាប់ធញ្ញជាតិ ប្រេង អាហារចៀន ឬឆា និងគ្រាប់ផ្លែឈើផងក្រោយពីហាត់ប្រាណរួច។ នេះដោយសារតែជាតិខ្លាញ់របស់អាហារទាំងនេះនឹងធ្វើឲ្យការរំលាយអាហារយឺត ហើយក៏ពន្យាពេលការផ្គត់ផ្គង់ជីវជាតិទៅតាមតម្រូវការរបស់សាច់ដុំដែរ។
អាហារលឿន
ក្រោយពីហាត់ប្រាណរួច ប្រហែលជាអ្នកចង់ញ៉ាំអ្វីដែលលឿនៗណាស់ហើយជាពិសេស បឺហ្គឺតែម្តង ប៉ុន្តែយកល្អគួរតែកុំអី។ ខណៈពេលដែលអ្នកអាចនឹងឃ្លានរបស់ប្រៃៗក្រោយហាត់ប្រាណរួ អាហារលឿននឹងមិនមែនជារឿងល្អសម្រាប់ប៉ូវរាងកាយក្រោយហាត់ប្រាណរួចហើយ។
ភេសជ្ជៈផ្លែឈើ និងភេសជ្ជៈមានជាតិហ្គាស
មែនហើយ ខ្ញុំដឹងថាអ្នកស្រេកទឹកក្រោយពីហាត់ប្រាណរួច ប៉ុន្តែមិនខ្វល់ថាអ្នកស្រេកទឹកឬអត់ទេ មិនត្រូវបង្គ្រប់ជាតិទឹកក្នុងខ្លួនតាមរយៈការញ៉ាំភេសជ្ជៈមានជាតិផ្អែមឡើយ។ ខណៈពេលដែលក្នុងទឹកផ្លែឈើ ឬភេសជ្ជៈមានជាតិហ្គាសផ្សេងៗ មានជាតិស្ករ Fructose តែការញ៉ាំភេសជ្ជៈផ្អែមៗក្រោយហាត់ប្រាណដ៏ខ្លាំងក្លារួច គឺជារឿងដែលមិនគួរធ្វើឡើង ជាពិសេសអ្នកដែលកំពុងតែចង់ស្រកទម្ងន់ នេះដោយសារតែវានឹងបន្ថយឥទ្ធិពលរំលាយអាហារក្នុងខ្លួន។ អ្នកអាចញ៉ាំភេសជ្ជៈកីឡាបានតែក្នុងពេលអ្នកហាត់ប្រាណបែកញើសខ្លាំង ដើម្បីបង្គ្រប់ការបាត់បង់អេឡិចត្រូលីត្រក្នុងខ្លួនប៉ុណ្ណោះ។ ប៉ុន្តែដើម្បីបំបាត់ភាពស្រេកទឹក យកល្អគួរតែញ៉ាំទឹកធម្មតាវិញ និងញ៉ាំផ្លែចេកដែលសម្បូរជាតិប៉ូតាស្យូម។
អាហារហិរ
អាហារហិរ ឬអ្វីគ្រប់យ៉ាងដែលមានជាតិហិរ នឹងផ្តល់ភាពលំបាកដល់ការរំលាយអាហារ ហើយអ្នកក៏ត្រូវតែចៀសវាងអាហារប្រភេទនេះដែរ។ (អាន:ថ្នាំងងុយគេង ពេលអ្នកគួរប្រើ)រាងកាយរបស់មនុស្សយើង ទើបតែធ្វើការងាររួច ហើយក៏ត្រូវការជួសជុលដែរ ក្រោយពីហាត់ប្រាណរួច ដូច្នេះវាត្រូវការរបស់អ្វីដែលងាយស្រួលរំលាយ ជាតិស្ករតិចតួច និងប្រូតេអ៊ីនតិចតួច ដើម្បីបង្កើនចំនួនជាតិស្ករក្នុងឈាមឲ្យល្អឡើងវិញ ព្រមទាំងមានកម្លាំងថាមពលគ្រប់គ្រាន់ផង៕