របបអាហារដ៏ខ្លីមួយនេះគឺអស្ចារ្យខ្លាំងណាស់សម្រាប់ការលាងសម្អាតជាតិពុលដែលមានក្នុងរាងកាយ។ ទំពាំងបាយជូរពណ៌ខ្មៅអាចជួយច្រោះជាតិពុលក្នុងខ្លួន ផ្តល់ថាមពល រក្សាភាពក្មេងឡើងវិញដល់រាងកាយ ផ្តល់ភាពស្រស់ស្អាតដល់ស្បែក និងសក់។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
ទំពាំងបាយជូរពណ៌ខ្មៅមានអង់ទីអុកស៊ីដង់ សារធាតុប្រឆាំងរលាក និងអាឡែហ្ស៊ី ហើយនេះក៏ដោយសារតែវត្តមានរបស់ Flavonoid ដែលមានយើងច្រើនបំផុតក្នុងសម្បកគ្រាប់ផ្លែទំពាំងបាយជូរនេះដែរ។ សារធាតុ Flavonoid ដែលមានពីធម្មជាតិនេះ គឺសម្បូរទៅដោយអង់ទីអុកស៊ីដង់ ហើយក៏ផ្តល់សុខភាពបំផុតដល់រាងកាយមនុស្សយើងដែរ។ ម៉្យាងវិញទៀត វាអាចជួយថែរក្សាសុខភាពប្រព័ន្ធបេះដូងសរសៃឈាម និងប្រព័ន្ធសរសៃប្រសាទផង។
អ្នកជំនាញនិយាយថា របបអាហារជាទំពាំងបាយជូរខ្មៅរយៈពេលខ្លីម្តងម្កាល អាចជាវិធីច្រោះជាតិពុលពីក្នុងរាងកាយបាន ដោយគ្រាន់តែចំណាយពេលមួយទៅបីថ្ងៃប៉ុណ្ណោះ។ យកល្អគួរតែដឹងបន្ថែមទៀតថា វាគឺជាផ្លែឈើ ដែលមានសមត្ថភាពជាអាលកាឡាំងខ្ពស់ ហើយក៏មានប្រយោជន៍ខ្លាំងលើរាងកាយដែលមានភាពតានតឹងខ្លាំងជ្រុលដែរ។ ដោយសារតែធាតុផ្សំបែបនេះហើយ ទើបធ្វើឲ្យទំពាំងបាយជូរខ្មៅត្រូវបានគេហៅថា ជាភ្នាក់ងារច្រោះជាតិពុលដល់រាងកាយបែបធម្មជាតិ។
របបអាហារបែបនេះត្រូវបានណែនាំសម្រាប់តែអ្នកមានសុខភាពល្អប៉ុណ្ណោះ
បើសិនជាអ្នកមិនប្រាកដថា ខ្លួនឯងមានសុខភាពល្អឬអត់ទេ ចូរពិគ្រោះជាមួយគ្រូពេទ្យជាមុនសិន។ មនុស្សមានសុខភាពល្អដែលមិនមានការតបអាហារអ្វីសោះ អាចចំណាយពេលពីរបីថ្ងៃលើការជ្រើសរើសទំពាំងបាយជូរដើម្បីច្រោះជាតិពុលក្នុងខ្លួនបាន។ ទំពាំងបាយជូរនឹងភ្ញោចដល់មុខងារពោះវៀនធម្មតា ហើយដើរតួនាទីជាភ្នាក់ងារបញ្ចុះទឹកនោម។ ការច្រោះជាតិពុលរបស់ទំពាំងបាយជូរនៅថ្ងៃទីមួយ ឬទីពីរ គឺជារឿងដែកកើតឡើងញឹកញាប់បំផុតហើយ។ អ្វីដែលសំខាន់ និងធ្វើឲ្យដំណើរការណ៍នេះជោគជ័យក៏ដោយសារតែទំពាំងបាយជូរផ្តល់រសជាតិឆ្ងាញ់។
ការអនុវត្ត
ដើម្បីអាចប្រើវិធីច្រោះជាតិពុលក្នុងខ្លួនបាន អ្នកគួរតែញ៉ាំទំពាំងបាយជូរខ្មៅនេះឲ្យបាន ១.៥គីឡូក្រាម ក្នុងមួយថ្ងៃ ដោយបែងចែកជា ៤ ទៅ៦ពេល។ វាគឺជាចំនួនមួយដែលខ្ពស់។ ការញ៉ាំទឹកក៏ជារឿងសំខាន់ក្នុងការច្រោះជាតិពុលនេះដែរ ដោយយកល្អគួរតែញ៉ាំយ៉ាងហោចណាស់ ពីរបីកែវក្នុងមួយថ្ងៃ។
សារធាតុ Resveratrol (អង់ទីអុកស៊ីដង់ធម្មជាតិ) គឺជា Polyphenol ដែលគេស្គាល់ច្បាស់ជាងគេ ហើយក៏ត្រូវបានគេណែនាំឲ្យទទួលទានដើម្បីបេះដូង និងសរសៃឈាមកាន់តែមានសុខភាពល្អ ព្រមទាំងប្រើប្រាស់បានលើអ្នកធាត់ទៀតផង។(អាន:ថ្នាំងងុយគេង ពេលអ្នកគួរប្រើ) អ្នកវិទ្យាសាស្រ្តបានបញ្ជាក់ទៀតថា យកល្អគួរតែញ៉ាំទំពាំងបាយជូរដោយទំពារឲ្យបានម៉ត់ល្អ និងព្យាយាមខាំគ្រាប់របស់វាផង ដោយសារតែ វាផ្ទុកទៅដោយជាតិប្រេងដែលផ្តល់សុខភាពល្អបំផុតតិចតួច៕
