Join with Health.com.kh on Telegram

អ័រម៉ូនភេទរបស់មនុស្សស្រីមួយឈ្មោះថា អេស្ត្រូជែន (Estrogen) មានតួនាទីគ្រប់គ្រងការលូតលាស់សុដន់ វដ្តរដូវ រោមនៅថ្ងាសក្រោម និងរោមឃ្លៀក។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)លើសពីនេះទៅទៀត អេស្រ្តូជែនក៏ជួយសម្រួលដល់កម្រិតកូឡេស្តេរ៉ុល ការពារសុខភាពឆ្អឹង និងខួរក្បាលផងដែរ។ ដូច្នេះហើយ វាពិតជាផ្នែកមួយសំខាន់ណាស់ដើម្បីមានសុខភាពល្អក្នុងដំណើរការណ៍នានាក្នុងរាងកាយមនុស្សស្រី។ 

យ៉ាងណាមិញ មានស្រ្តីមួយចំនួនតូចដែលដឹងថា មានអាការៈមិនស្រួលក្នុងខ្លួននៅពេលដែលអ័រម៉ូនដ៏សំខាន់នេះកើនឡើងក្នុងខ្លួនច្រើនពេក។ អ្វីដែលជាការពិតនោះគឺថា កាលណាអ័រម៉ូននេះឡើងច្រើនពេក វាអាចប្រឈមនឹងជំងឺមហារីកមួយចំនួនជាពិសេសមហារីកសុដន់តែម្តង។ 

អាការៈដែលបញ្ជាក់ថាមានអ័រម៉ូនអេស្រ្តូជែនច្រើនក្នុងរាងកាយនោះគឺភាគច្រើនស្តែងចេញស្រស់ៗ ប៉ុន្តែបែរជាគេគិតថា វាជាសញ្ញារបស់អាការៈឈឺចាប់ជិតមករដូវទៅវិញ។ បើសិនជាយើងមិនដោះស្រាយអាការៈនេះទែ ហើយវាចេះតែបន្តកើតមករយៈពេលយូរនោះ វាអាចនឹងនាំឲ្យគ្មានកូន រលូតកូន មានដុំសាច់ក្នុងស្បូន និងជំងឺមហារីកមួយចំនួន។ 

ខាងក្រោមនេះគឺជាអាការៈមួយចំនួនដែលត្រូវស្វែងយល់ក្នុងពេលដែលអ័រម៉ូនអេស្រ្តូជែនឡើងខ្ពស់ក្នុងខ្លួន៖

  • ខ្សោយចំណង់ផ្លូវភេទ
  • រដូវមកមិនទៀងទាត់
  • ហើមពោះ
  • ឈឺក្បាល
  • អារម្មណ៍មិនល្អ
  • ត្រជាក់ចុងដៃ ចុងជើង
  • ជ្រុះសក់
  • ក្រពេញទីរ៉ូអ៊ីតធ្វើការមិនបានល្អ
  • អស់កម្លាំង(អាន:ថ្នាំងងុយគេង ពេលអ្នកគួរប្រើ)
  • ពិបាកគេង៕