ជំងឺរបើកសុកគឺជាផលវិបាកដ៏ធ្ងន់ធ្ងរមួយនៃការមានផ្ទៃពោះ ប៉ុន្តែវាមិនមែនកើតឡើងជាញឹកញាប់នោះទេ។ (អាន:ថ្នាំងងុយគេង ពេលអ្នកគួរប្រើ)
សុកគឺជារចនាសម្ព័ន្ធមួយដែលកើតលូតលាស់ក្នុងស្បូនក្នុងពេលមានផ្ទៃពោះ ដើម្បីផ្តល់ជាជីវជាតិចិញ្ចឹមដល់ការលូតលាស់របស់ទារក។ បើសិនជាសុកទៅជារបើកចេញពីស្បូនមុនពេលសម្រាលទាំងរបើកតិចតួច ឬទាំងស្រុងនោះ វាពិតជារំខានដល់ការផ្គត់ផ្គង់អុកស៊ីសែន និងជីវជាតិដល់ទារក និងបង្កជាការហូរឈាមធ្ងន់ធ្ងរចំពោះម្តាយជាមិនខាន។
ជំងឺរបើកសុកច្រើនតែកើតមានភ្លាមៗ ដូច្នេះបើសិនជាមិនមានការព្យាបាលទែ ទាំងម្តាយ និងទារកនឹងមានគ្រោះថ្នាក់។
ជំងឺរបើកសុកទំនងជាកើតឡើងខ្លាំងបំផុតនៅត្រីមាស់ចុងក្រោយនៃការមានផ្ទៃពោះ ជាពិសេសរយៈពេលពីរបីសប្តាហ៍ចុងក្រោយមុនពេលសម្រាល។ ចំពោះរោគសញ្ញារបស់ជំងឺនេះវិញមានដូចជា៖
- ធ្លាក់ឈាមតាមទ្វារមាស
- ឈឺពោះ
- ឈឺខ្នង
- ឈឺតឹងក្នុងស្បូន
- ស្បូនកន្ត្រាក់ញ៉ាប់
ការឈឺពោះ និងឈឺខ្នងច្រើនតែចាប់ផ្តើមភ្លាមៗ។ ចំពោះការធ្លាក់ឈាមតាមទ្វារមាសវិញច្រើនតែប្រែប្រួលមិនទៀងទាត់ទេ ហើយក៏មិនសំខាន់ដែលបញ្ជាក់ថាសុកកំពុងតែរបៀកដែរ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ទោះបីជាយ៉ាងណាក៏ដោយ ការរបើកសុកធ្ងន់ធ្ងរក៏អាចគ្មានអាការៈធ្លាក់ឈាមដែរបើសិនជាឈាមនោះមិនហូរចេញពីក្នុងស្បូនទេនោះ។
ករនីខ្លះ ជំងឺរបើកសុកអាចកើតឡើងយឺតៗ។ បើសិនជារឿងនេះកើតឡើងមែន ការហូរឈាមអាចនឹងមានលក្ខណៈតិចតួច ឬកើតឡើងយូរៗម្តង។ កូនអ្នកប្រហែលជាមិនអាចលូតលាស់បានលឿនដូចការរំពឹងទុកទេ ហើយអ្នកក៏ប្រហែលជាអាចមានទឹកភ្លោះតិច ឬផលវិបាកផ្សេងៗទៀត៕