នារីទប់នោមច្រើន ប្រឈមមុខនឹងបញ្ហាអ្វីទៅ?

ខាងក្រោមនេះ យើងខ្ញុំនឹងបង្ហាញគ្រោះថ្នាក់ដែលនារីនឹងអាចប្រទះពេលដែលទប់មិននោម។ តើមានអ្វីខ្លះទៅ? (អាន:ថ្នាំងងុយគេង ពេលអ្នកគួរប្រើ)

1. នៅពេលដែលនារីចង់បត់ជើងតូច ប៉ុន្តែបែរជាមិនទៅបន្ទប់ទឹកដើម្បីនោម ព្រោះតែការងារច្រើន ឬកត្តាផ្សេង មិនព្រមទៅនោមសោះ ដោយខំប្រឹងទប់នោម នោះនារីនឹងអាចប្រឈមមុខនឹងបញ្ហាឈឺស្បូន។ ការឈឺស្បូននេះ បណ្តាលមកពីស្បូនត្រូវបានសង្កត់ ដោយធ្វើឲ្យឈាមនៅស្បូននោះមិនអាចដំណើរការបានល្អ។ ដូចនេះ យូរទៅនឹងអាចធ្វើឲ្យស្បូនអ្នកជួបប្រទះនឹងបញ្ហាធ្ងន់ធ្ងរជាមិនខានឡើយ។
2. សមត្ថភាពទប់នោមរបស់នារី មិនដូចនឹងបុរសទេ ដោយពេលដែលទប់នោមច្រើនដងពេក នឹងអាចធ្វើឲ្យនារីនោមដាក់ខោដោយមិនដឹងខ្លួន។ ជាពិសេស ធ្វើឲ្យនារីអាចប្រឈមមុខនឹងបញ្ហាជាច្រើនទៀត។ ដូចនេះ ប្រសិនជាអ្នកមានអារម្មណ៍ថាចង់ទៅបន្ទប់ទឹកនោម អ្នកគួរតែប្រញាប់ទៅ ទោះបីជាការងារច្រើនយ៉ាងណាក៏ដោយ ព្រោះមានតែសុខភាពល្អទេ ទើបអាចធ្វើឲ្យអ្នកបំពេញការងារបានល្អ ហើយអាចទទួលបានលទ្ធផលខ្ពស់ទៀតផង៕ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)