ការរាំអាចពង្រឹងដល់មុខងាររបស់ខួរក្បាលបានច្រើនកម្រិតណាស់។ ទីមួយ សាច់ដុំដែលទទួលការខុសត្រូវលើការចងចាំអនុញ្ញាតិឲ្យយើងធ្វើការរាំដោយមិនបានគិតអំពីជំហ៊ានអ្វីៗទាំងអស់។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)តាមអ្នកវិទ្យាសាស្រ្តខាងសរសៃប្រសាទ លោក Daniel Glaster ដែលបាននិយាយនៅក្នុងការសែត The New York Times បានឲ្យដឹងថា រឿងនេះកើតឡើងដោយសារតែចលនានៃការរាំបានគូរជាផែនទីនៅក្នុងខួរក្បាល ដើម្បីបង្កើតបានជាផ្លូវកាត់មួយរវាងការគិត និងការធ្វើ។
ម៉្យាងវិញទៀត យើងចងចាំនូវរបៀបដែលយើងធ្វើយ៉ាងមានប្រសិទ្ធភាព និងមិនត្រូវការការខិតខំប្រឹងប្រែងអ្វីខ្លាំងក្លាឡើយ។ ក្នុងពេលរាំ អញនកនឹងត្រូវធ្វើចលនាដដែលៗជាប់រហូត ដែលប្រៀបបានដូចជាការអនុវត្តអ្វីមួយបែបអូតូម៉ាទិចអញ្ជឹង។
ថ្វីបើសាច់ដុំទទួលខុសត្រូវលើការចងចាំមិនអាចញ៉ែកឲ្យដាច់ថាចលនាមួយត្រូវ ឬខុសក៏ដោយ ក៏ការស្រាវជ្រាវមួយចំនួនណែនាំថា ក្រោយពីធ្វើចលនារាំងបានជោគជ័យវានឹងបញ្ចេញសារធាតុ Endorphins ទៅក្នុងឈាមដែលជាហេតុនាំឲ្យខួរក្បាលរក្សាវាទុកក្លាយទៅជាការធ្វើចលនារាងកាយដ៏តឹ្រមត្រូវ ហើយក៏ងាយស្រួលក្នុងការរំលឹកចលនានោះឡើងវិញផងដែរ។ (អាន:ថ្នាំងងុយគេង ពេលអ្នកគួរប្រើ)
សរុបសេចក្តីមក ការរាំនឹងជំរុញដល់រាងកាយក្នុងការបញ្ចេញសារធាតុដែលអាចលើកទឹកចិត្តដល់ខួរក្បាលមានការចងចាំកាន់តែល្អ ជាពិសេសសាច់ដុំដែលជំរុញដល់ការចងចាំតែម្តង៕