Join with Health.com.kh on Telegram

ភាគច្រើនប្រហែលជាមិនធ្លាប់ចាប់អារម្មណ៍អំពីទម្លាប់ធម្មតាៗ ប៉ុន្តែអាចបង្កប៉ះពាល់ដល់សុខភាពខួរក្បាលឡើយ! (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ថាតើទម្លាប់អ្វីខ្លះទៅដែលអាចធ្វើឱ្យអ្នកមានខួរក្បាលមិនឆ្លាតវៃ? ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីសកម្មភាពប្រចាំថ្ងៃដែលគួរបញ្ឈប់ភ្លាមប្រសិនបើចង់រក្សាបាននូវសុខភាពខួរក្បាលល្អប្រសើរ ៖

១. គេងមិនបានគ្រប់គ្រាន់

ការគេងអនុញ្ញាតឱ្យខួរក្បាលមានពេលសម្រាក។ ម្យ៉ាងវិញទៀតការគេង គឺចាំបាច់ណាស់សម្រាប់ពង្រឹងការតភ្ជាប់រវាងណឺរ៉ូន ដូច្នេះហើយទើបការគេងមិនគ្រប់រយៈពេលយូរអាចបណ្ដាលឱ្យងាប់កោសិកាខួរក្បាល និងជះឥទ្ធិពលអវិជ្ជ
មានលើការចងចាំ។

២. ពិសាគ្រឿងស្រវឹងច្រើន

ក្រៅពីសុខភាពថ្លើមហើយនោះ ការទទួលទានគ្រឿងស្រវឹងច្រើនជាប្រចាំក៏ជះឥទ្ធិពលលើសុខភាពនិងសមត្ថភាពយល់ដឹងចងចាំរបស់ខួរក្បាលផងដែរ។ដូច្នេះដើម្បីរក្សាបាននូវសុខភាពខួរក្បាលល្អប្រសើរចូរបញ្ឈប់ ឬកាត់បន្ថយការទទួលទានគ្រឿងស្រវឹង។

៣. ជក់បារី

សារធាតុគីមីក្នុងបារីមានឥទ្ធិពលធ្វើឱ្យខួរក្បាលរួមតូច ហើយអាចឈានដល់ថ្នាក់កើតជំងឺភ្លេចភ្លាំង ឬវង្វេងវង្វាន់ទៀតផង។

៤. បញ្ហាទីរ៉ូអ៊ីត

ជាពិសេសជំងឺខ្សោយក្រពេញទីរ៉ូអ៊ីត! នោះក៏ព្រោះតែជំងឺនេះបង្កបញ្ហាដល់ការគេង និងអាចឈានដល់ថ្នាក់ធ្លាក់ទឹកចិត្ត (Depression) ដែលមិនល្អសោះចំពោះទាំងសុខភាពខួរក្បាល ក៏ដូចជាសមត្ថភាពនៃការចងចាំចុះខ្សោយទៀត។

៥. បញ្ហាថប់បារម្ភនិងធ្លាក់ទឹកចិត្ត (Depression)

នោះក៏ព្រោះតែនៅពេលថប់បារម្ភរាងកាយនឹងចាប់ផ្ដើមបញ្ចេញអ័រម៉ូនស្ត្រេស Cortisol ដែលជះឥទ្ធិពលលើកោសិកាខួរក្បាលគួរឱ្យព្រួយបារម្ភ។

៦. ទទួលទានអាហារមានផ្ទុកជាតិសូដ្យូម

ការទទួលទានអាហារមានផ្ទុកជាតិសូដ្យូម ឬអាហារប្រៃច្រើនពេក គឺមិនល្អសម្រាប់សុខភាពសម្ពាធឈាមនិងបេះដូងឡើយ។ លើសពីនេះទៅទៀតការទទួលទានអាហារមានជាតិសូដ្យូមច្រើនអាចបង្កផលប៉ះពាល់ដល់មុខងារនៃភាពយល់ដឹងរបស់ខួរក្បាលគួរអោយព្រួយបារម្ភ។ ដូច្នេះប្រសិនបើអ្នកចង់រក្សាបាននូវសុខភាពខួរក្បាល ក៏ដូចជាបេះដូងល្អប្រសើរ ចូរកាត់ប​​​ន្ថយ ឬបញ្ឈប់ការទទួលទានអាហារដែលមានផ្ទុកសម្បូរទៅដោយជាតិសូដ្យូម៕