តាមការសិក្សាមួយរកឃើញថា ការញ៉ាំជាតិកាលស្យូមគួរតែធ្វើឡើងជាពិសេសនៅពេលស្រ្តីមានផ្ទៃពោះក្នុងត្រីមាសទីពីរ ទីបី និងកំពុងតែបំបៅដោះកូន។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)កាលស្យូមមានសារៈសំខាន់ណាស់សម្រាប់ការលូតលាស់របស់ទារក។ ខាងក្រោមនេះខ្ញុំសូមណែនាំនូវអាហារសម្បូរជាតិកាលស្យូមដែលស្រ្តីមានផ្ទៃពោះត្រូវតែញ៉ាំឲ្យបានច្រើន។
ផលិតផលធ្វើពីដោះគោមានជាតិខ្លាញ់ទាប
អ្នកគួរតែញ៉ាំផលិតផលធ្វើពីទឹកដោះគោ និងទឹកដោះគោយ៉ាអួពី ១០០ ទៅ១៥០ក្រាម។ អ្នកក៏នឹងត្រូវការញ៉ាំឈីស ៧៥ក្រាម ចំនួនពីរដងក្នុងមួយសប្តាហ៍បានហើយ។
ផ្លែអាលម៉ុន
ផ្លែឈើមួយនេះនឹងជួយផ្តល់ការលូតលាស់ដល់ឆ្អឹង ធ្មេញ និងសរសៃប្រសាទរបស់ទារក។ វាក៏កាត់បន្ថយការប្រឈមនឹងជំងឺត្រៀមក្រឡាភ្លើង និងជួយសុខភាពបេះដូងម្តាយល្អដែរ។
ត្រីសាលម៉ុង
គ្រូពេទ្យភាគច្រើនណែនាំឲ្យស្រ្តីមានផ្ទៃពោះញ៉ាំត្រីសាលម៉ុង និងត្រីផ្សេងៗទៀតដែលមានជាតិបារតទាប។ អ្នកគួរតែញ៉ាំត្រីបែបនេះ ៨៥ក្រាមក្នុងមួយសប្តាហ៍។ ត្រីនេះនឹងជួយដល់ការលូតលាស់របស់ទារក និងបង្កើនមុខងារប្រព័ន្ធភាពស៊ាំរបស់ម្តាយ។ ចូរកុំភ្លេចពិគ្រោះជាមួយគ្រូពេទ្យសិនមុនពេលអ្នកសម្រេចចិត្តញ៉ាំត្រី។
បន្លែពណ៌បៃតង
បន្លែពណ៌បៃតងដូចជា ស្ពៃស្ពីណាច និងប្រូខូលីសុទ្ធតែជាប្រភពកាលស្យូមដ៏ល្អ។ វាមានសារៈសំខាន់ណាស់សម្រាប់ស្បែកទារក ឆ្អឹង និងការលូតលាស់របស់កោសិកា។(អាន:ថ្នាំងងុយគេង ពេលអ្នកគួរប្រើ) អ្នកគ្រាន់តែញ៉ាំអាហារនេះតែ ១ ទៅ២ដងប៉ុណ្ណោះក្នុងមួយថ្ងៃគឺគ្រប់គ្រាន់ហើយ៕