Join with Health.com.kh on Telegram

ខ្ទឹមបារាំងជាបន្លែមើមមួយប្រភេទដែលសម្បូរណាស់ក្នុងប្រទេសកម្ពុជា។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) បើទោះជាភាគច្រើននៃពួកយើងសុទ្ធតែស្គាល់និងឧស្សាហ៍ទទួលទានខ្ទឹមបារាំង ប៉ុន្តែប្រហែលជាមិនធ្លាប់ដឹងអំពីអត្ថប្រយោជន៍ដ៏ប្រសើររបស់វាចំពោះសុខភាពទប់ស្កាត់ជំងឺឡើយ។ ថ្ងៃនេះវេបសាយសុខភាព Health.com.kh នឹងបង្ហាញឱ្យដឹងពីផលល្អនៃការទទួលទានខ្ទឹមបារាំង ៖

១. សុខភាពឆ្អឹង

នោះក៏ព្រោះតែខ្ទឹមបារាំងជាប្រភពដ៏ប្រសើរនៃជាតិកាល់ស្យូមនិងស្ពាន់ធ័រដែលចាំបាច់ក្នុងការរក្សាសុខភាពឆ្អឹងរឹងមាំគួរឱ្យកត់សម្គាល់។

២. ទប់ស្កាត់ជំងឺទឹកនោមផ្អែម

ខ្ទឹមបារាំងមានផ្ទុកសារធាតុដូចជាបាយអូទីនដែលមានប្រសិទ្ធិភាពខ្ពស់ជួយបញ្ចុះជាតិស្ករក្នុងឈាម និងទប់ស្កាត់ព្យាបាលជំងឺទឹកនោមផ្អែមប្រភេទទី ២។ ដូច្នេះហើយទើបការទទួលទានខ្ទឹមបារាំងឱ្យបានញឹកញាប់ ឬរួមបញ្ចូលវាក្នុងអាហារជាគំនិតប្រសើរបំផុត។

៣. សុខភាពប្រព័ន្ធរំលាយអាហារ

ខ្ទឹមបារាំងមានផ្ទុកសម្បូរទៅដោយជាតិសសៃដែលជាសារធាតុចាំបាច់ក្នុងការរក្សាសុខភាពប្រព័ន្ធរំលាយអាហារល្អប្រសើរ។

៤. បញ្ចុះសម្ពាធឈាម

សារធាតុស្ពាន់ធ័រក្នុងខ្ទឹមបារាំងដើរតួនាទីជាភ្នាក់ងារជួយបញ្ចុះសម្ពាធឈាមទប់ស្កាត់ហានិភ័យនៃជំងឺដាច់សសៃឈាមខួរក្បាល ឬគាំងបេះដូងគួរឱ្យកត់សម្គាល់។ ខ្ទឹមបារាំងក៏មានផ្ទុកសារធាតុ quercetin ជួយទប់ស្កាត់បញ្ហាស្ទះសសៃឈាមផងដែរ។

៥. ទប់ស្កាត់ជំងឺមហារីក

ខ្ទឹមបារាំំងមានផ្ទុកសម្បូរទៅដោយសារធាតុ flavonoids ពិសេស quercetin ដែលមានលក្ខណៈសម្បត្តិប្រយុទ្ធប្រឆាំងជំងឺមហារីកដោយកាត់បន្ថយការបំផ្លាញលើ DNA និងទប់ស្កាត់ដុំសាច់មហារីកមិនឱ្យកកើតឡើង។

៦. ពង្រឹងប្រព័ន្ធភាពស៊ាំរាងកាយ

ខ្ទឹមបារាំងជាប្រភពដ៏ប្រសើរនៃសារធាតុ phytochemicals និងវីតាមីន C ដែលល្អសម្រាប់ប្រព័ន្ធភាពស៊ាំរឹងមាំ ហើយកាន់តែមានប្រសិទ្ធភាព។

៧. កាត់បន្ថយហានិភ័យនៃជំងឺបេះដូង

ខ្ទឹមបារាំងមានផ្ទុកសម្បូរទៅដោយសារធាតុ flavonoid quercetin និងលក្ខណៈសម្បត្តិប្រឆាំងការរលាកដែលជួយទប់ស្កាត់ ក៏ដូចជាបញ្ចុះកម្រិតនៃកូឡេស្តេរ៉ូលមិនល្អក្នុងឈាមទប់ស្កាត់ហានិភ័យនៃជំងឺបេះដូងបានយ៉ាងប្រសើរ ។

៨. បំបាត់អាការៈឈឺសន្លាក់

ខ្ទឹមបារាំងជាប្រភពដ៏ប្រសើរនៃសារធាតុប្រឆាំងការរលាក quercetin។ លើសពីនេះទៅទៀតខ្ទឹមបារាំងក៏មានផ្ទុកនូវសមាសធាតុស្ពាន់ធ័រដែលជួយប្រយុទ្ធប្រឆាំងជំងឺរលាកសន្លាក់ដោយរារាំងការរលាក និងការបំផ្លាញសន្លាក់៕