ទឹកបន្លែ និងផ្លែឈើគឺជាមធ្យោបាយដ៏ល្អបំផុតមួយដែលអាចចូលរួមក្នុងការសម្រកទម្ងន់បានយ៉ាងអស្ចារ្យ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)មានបន្លែ និងផ្លែឈើច្រើនណាស់ដែលអ្នកអាចញ៉ាំបាន ហើយក៏អាចជួយមិនឲ្យឡើងទម្ងន់ដែរ។
ទឹកការ៉ុត
ការ៉ុតមានស្រទាប់ Cellulose ដ៏ក្រាស់នៅលើជញ្ជាំងកោសិការបស់វា ដែលអាចជួយការពាររាងកាយពីការបឺតស្រូប និងរំលាយជាតិរ៉ែ និងវីតាមីនចូលក្នុងរាងកាយមនុស្សយើង។ នៅពេលអ្នកកិនវាទៅជាទឹក ជញ្ជាំងកោសិការទាំងនោះនឹងខូច។ ដូច្នេះវានឹងផ្តល់ជាជីវជាតិយ៉ាងច្រើនជាងការញ៉ាំការ៉ុតឆៅទៅទៀត ហើយក៏ផ្តល់កាឡូរី និងខ្លាញ់ទាបដែរ។ វាក៏សម្បូរទៅដោយវីតាមីន និងជាតិរ៉ែសម្រាប់ជួយដល់ការសម្រកទម្ងន់ដែរ។
ទឹកត្រសក់
នៅពេលអ្នកកិនយកទឹកត្រសក់ស្រស់ៗ វានឹងផ្តល់ជាជាតិសរសៃយ៉ាងល្អមួយសម្រាប់ទទួលទាន។ ការកិននេះគួរតែលាយទឹកធម្មតាខ្លះផងទើបស្រួលទទួលទាន។ ទឹកត្រសក់ស័ក្តិសមបំផុតសម្រាប់ការសម្រកទម្ងន់។
ទឹកខ្ញី
ខ្ញីគឺជារបស់ដ៏ល្អមួយសម្រាប់ការសម្រកទម្ងន់ព្រោះតែវាមានសមត្ថភាពក្នុងការរំលាយជាតិខ្លាញ់។ ទឹកខ្ញីនឹងជួយដល់ការសម្រកទម្ងន់តាមរយៈធ្វើឲ្យឆាប់ឆ្អែត។
ទឹកក្រូចឆ្មា
ខណៈពេលដែលទឹកក្រូចឆ្មាមានប្រយោជន៍ក្នុងការសម្រកទម្ងន់នោះ វាក៏ជួយដល់ការសម្របសម្រួលការបឺតស្រូបជាតិស្ករដើម្បីរំលាយជាតិខ្លាញ់ផងដែរ។
ទឹកឪឡឹក
ផ្លែឪឡឹកគឺជាផ្លែឈើមានតម្លៃថោកមែន តែជួយដល់ការសម្រកទម្ងន់ និងលាងសម្អាតរាងកាយដែឬ។ គ្រាន់តែទឹករបស់ផ្លែឪឡឹកមួយពែកមានកាឡូរីតេ ៤៧កាឡូរីប៉ុណ្ណោះ។ (អាន:ថ្នាំងងុយគេង ពេលអ្នកគួរប្រើ)ផ្លែឪឡឹកមានជាតិទឹក ៩២ភាគរយ និងអាចបង្គ្រប់ជីជាតិមានសុខភាពរហូតដល់ ៨ភាគរយឯណោះ។ ដោយសារតែវាមានជាតិសរសៃខ្ពស់ ដូច្នេះវានឹងជួយដល់ការលាងសម្អាតពោះវៀន និងរាងកាយបានយ៉ាងអស្ចារ្យ៕