ការបរិភោគអាហារដែលត្រូវគឺអាចធ្វើឲ្យអ្នកមានសុខភាពល្អ ប៉ុន្តែបើអ្នកជ្រើសរើសអាហារដែលខុស ហើយចេះតែពិសារផ្តេសផ្តាស នោះអ្នកនឹងងាយប្រឈមមុខនឹងជំងឺមហារីកថ្លើមខ្លាំងណាស់។ ដូចនេះតើមានអាហារអ្វីខ្លះដែលអាចធ្វើឲ្យអ្នកមានជំងឺនោះទៅ? (អាន:ថ្នាំងងុយគេង ពេលអ្នកគួរប្រើ)

មីកំប៉ុង ឬកញ្ចប់

មានអ្នកខ្លះនៅពេលដែលខ្ជិលដាំបាយ ធ្វើម្ហូបបែរជាឆុងមីមកញ៉ាំទៅវិញ ដូចនេះតើអ្នកដឹងទេថានៅក្នុងមីមួយកញ្ចប់មានសារធាតុជាច្រើនរហូតដល់ទៅ២៣មុខដែលអាចបំផ្លាញសុខភាពអ្នកយ៉ាងងាយ វាមិនត្រឹមតែអាចប៉ះពាល់ដល់ក្រពះនោះទេ វាថែមទាំងអាចប៉ះពាល់ដល់ថ្លើម និងផ្នែកជាច្រើនទៀតផង។

សាច់ក្រក

សាច់ក្រកក៏ជាអាហារពេញនិយមរបស់មនុស្សមួយចំនួនដែរ ព្រោះវាងាយស្រួលចម្អិននៅពេលដែលពួកគេរវល់ ប៉ុន្តែបើអ្នកហ៊ានតែពិសារច្រើន វានឹងនាំយកជំងឺមកឲ្យអ្នក ព្រោះវាមានសារធាតុដែលអាក្រក់ជាច្រើនដែលអាចបំផ្លាញសុខភាពអ្នកងាយណាស់ ដូចនេះចូលអ្នកកុំញ៉ាំច្រើនឲ្យសោះ។

ទឹកផ្លែឈើកក

មានអ្នកម្តាយមួយចំនួនចូលចិត្តទិញទឹកផ្លែឈើដែលមានលក្ខណៈដូចការ៉េម យកមកក្លាសេនៅកន្លែងដែលកកទុកឲ្យកូនញ៉ាំដូចទឹកកកឈូស វាជាទង្វើដែលខុសដែលអ្នកមិនគួរធ្វើ ដោយសារតែពេលដែលកូនញ៉ាំហើយ វានឹងធ្វើឲ្យគេមានជំងឺប្រតិកម្ម ថែមទាំងអាចរារាំងការស្រូបយកនៃកាលស្យូមទៀតផង។

ការ៉េម

ការ៉េមអ្នកក៏មិនអាចបរិភោគច្រើនដែរ ព្រោះវាសុទ្ធតែជារបស់ដែលអាចធ្វើឲ្យអ្នកមានជំងឺដោយមិនដឹងខ្លួន។

នំ

នៅក្នុងនំ និងស្ករផ្សេងៗសុទ្ធតែមានសារធាតុដែលអាចបំផ្លាញសុខភាពអ្នក ដូចនេះចូលអ្នកកុំបរិភោគច្រើនឲ្យសោះ។

តែគុជ

តែគុជនេះគឺជាចំណូលចិត្តរបស់មនុស្សមួយចំនួន ព្រោះវាមានរសជាតិឆ្ងាញ់ ដែលធ្វើឲ្យអ្នកញ៉ាំហើយចង់ញ៉ាំទៀត ប៉ុន្តែតើអ្នកដឹងទេថានៅពេលដែលអ្នកពិសារច្រើន កោសិការមហារីកនឹងងាយរីកដុះដាលក្នុងរាងកាយអ្នក ម្យ៉ាងទៀតវាក៏មានជាតិស្ករខ្ពស់ដែរ។

ស្ករកៅស៊ូ

អ្នកមិនគួរឲ្យកូនទំពារស្ករកៅស៊ូឡើយ ព្រោះវាអាចធ្វើឲ្យកូនមានគ្រោះថ្នាក់យ៉ាងងាយដោយសារតែពេលខ្លះគេអាចលេបចូលទៅក្នុងពោះបាន ម្យ៉ាងទៀតវាអាចធ្វើឲ្យកូនគេងមិនលក់ដូចគ្នា៕ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)