អស្ចារ្យណាស់! “ទឹកឪឡឹកស្រស់” ល្អចំពោះបេះដូង ការពារថ្លើម និងច្រើនទៀត

ទឹកឪឡឹកស្រស់ជាទឹកផ្លែឈើមួយប្រភេទដែលទទួលបានការពេញនិយមយ៉ាងខ្លាំងដោយវាមានរសជាតិផ្អែមឆ្ងាញ់ តម្លៃសមរម្យ និងងាយរកបានណាស់ក្នុងប្រទេសកម្ពុជា។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ទោះបីភាគច្រើននៃពួកយើងឧស្សាហ៍ ឬចូលចិត្តទទួលទានទឹកផ្លែឈើនេះ ប៉ុន្តែប្រហែលជាមិនធ្លាប់ចាប់អារម្មណ៍អំពីអត្ថប្រយោជន៍ដ៏អស្ចារ្យរបស់វាចំពោះសុខភាពឡើយ។ ថ្ងៃនេះវេបសាយសុខភាព Health.com.kh នឹងបង្ហាញឳ្យដឹងពីផលល្អៗនៃការទទួលទានទឹកឪឡឹកស្រស់ ៖

១. គ្រប់គ្រងសម្ពាធឈាម

នោះក៏ព្រោះតែឪឡឹកមានផ្ទុកសម្បូរទៅដោយជាតិទឹក ជាតិម៉ាញ៉េស្យូមនិងប៉ូតាស្យូមដែលល្អសម្រាប់អ្នកជំងឺលើសឈាម។ ឪឡឹកក៏ជួយទប់ស្កាត់បញ្ហាសម្ពាធឈាមឡើងខ្ពស់មិនអោយកើតឡើងចំពោះអ្នកដែលមានសម្ពាធឈាម
ធម្មតាផងដែរ។ លើសពីនេះទៅទៀត ឪឡឹកជាប្រភពនៃសារធាតុ L-citrulline និងអាស៊ីតអាមីណូដែលអាចជួយគ្រប់គ្រងនិងបញ្ចុះសម្ពាធឈាម។

២. ទប់ស្កាត់ហានិភ័យនៃជំងឺបេះដូង

ទឹកឪឡឹកស្រស់ជាប្រភពដ៏ប្រសើរនៃសារធាតុ lycopene ដែលមានប្រសិទ្ធភាពជួយកាត់បន្ថយហានិភ័យនៃជំងឺបេះដូងដោយបញ្ចុះកម្រិតកូឡេស្តេរ៉ូលមិនល្អ។

៣. ការពារថ្លើម

ទឹកឪឡឹកស្រស់មានផ្ទុកសារធាតុ diuretic ដែលជួយកម្ចាត់ជាតិពុលគ្រោះថ្នាក់ចេញពីរាងកាយ។ វាក៏ជួយជម្រុញមុខងារតម្រងនោម បន្សាបជាតិពុលក្នុងថ្លើម និងកាត់បន្ថយកម្រិតនៃជាតិអាស៊ីតអ៊ុយរិកក្នុងឈាមផងដែរ។

៤. ទប់ស្កាត់អាការៈទល់លាមក

នោះក៏ព្រោះតែទឹកឪឡឹកស្រស់មានផ្ទុកសម្បូរទៅដោយជាតិទឹកនិងជាតិសសៃដែលជួយសម្រួលចលនាពោះវៀន ព្រមទាំងទប់ស្កាត់បញ្ហាខ្សោះជាតិទឹកក្នុងរាងកាយដែលបណ្ដាលឳ្យទល់លាមកផងដែរ។

៥. ជួយឱ្យស្រកទម្ងន់

ទឹកឪឡឹកស្រស់មានផ្ទុកជាតិកាឡូរីទាប ប៉ុន្តែជាតិទឹកខ្ពស់ដែលជួយអោយអ្នកឆាប់ឆ្អែត ឬឆ្អែតបានយូរ។ ឪឡឹកក៏ជាប្រភពដ៏ប្រសើរនៃសារធាតុ arginine មានប្រសិទ្ធិភាពកាត់បន្ថយជាតិខ្លាញ់រាងកាយ ខណៈពេលជួយបង្កើនម៉ាសនៃសាច់ដុំគ្មានខ្លាញ់ផងដែរ។ ទោះជាយ៉ាងណា ត្រូវប្រាកដថាអ្នកមិនថែមស្ករក្នុងភេសជ្ជៈនេះ។

៦. កាត់បន្ថយហានិភ័យនៃជំងឺមហារីក

ឪឡឹកមានផ្ទុកសារធាតុ lycopene និងលក្ខណៈសម្បត្តិ anti-proliferative ដែលជួយកាត់បន្ថយហានិភ័យនៃជំងឺមហារីកគួរឱ្យកត់សម្គាល់៕