Join with Health.com.kh on Telegram

ការរស់នៅជាមួយនឹងអាការៈឈឺក្បាលស្ទើរតែរាល់ថ្ងៃពិតជាមិនផ្តល់សេចក្តីសុខដល់ជីវិត និងផលិតភាពការងារឡើយ។ ករណីភាគច្រើន ការឈឺក្បាលគឺជាសញ្ញាមួយនៃបញ្ហាសុខភាព ឬទម្លាប់មិនល្អណាមួយ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ដូច្នេះខ្ញុំសូមបង្ហាញនូវមូលហេតុដែលមិនគួរឲ្យជឿមួយចំនួនដែលតែងតែបង្កការឈឺក្បាលដល់មនុស្សយើងជាញឹកញាប់។ 

ទល់លាមកឬរលាកពោះវៀន

ការសិក្សាជាច្រើនបានរកឃើញថា វាមានទំនាក់ទំនងគ្នាមួយរវាងការឈឺក្បាលបែបប្រកាំង និងការទល់លាមក ឬរលាកពោះវៀន។ វាត្រូវបានគេរកឃើញថា ការព្យាបាលការទល់លាមករួចរាល់ បែរជាធ្វើឲ្យអ្នកជំងឺលែងសូវឈឺក្បាលទៀតដែរ។ 

ប្រើថ្នាំច្រើនជ្រុល

ការឈឺក្បាលដែលបង្កឡើងដោយការប្រើថ្នាំច្រើនជ្រុលគឺជាមូលហេតុដ៏ចំបងមួយនៃការឈឺក្បាលខុសធម្មតា ហើយអ្នកស្រាវជ្រាវបានប៉ាន់ប្រមាណឃើញថា រឿងនេះមានប្រមាណ ១ ទៅ២ភាគរយដែរនៃចំនួនអ្នកឈឺក្បាលទូទាំងពិភពលោក។ បើសិនជាអ្នកកំពុងតែប្រើថ្នាំព្យាបាលការឈឺក្បាល ហើយរោគសញ្ញានៅតែមិនបាត់ទៅវិញនោះ អ្នកគួរតែដល់ពេលពិគ្រោះជាមួយគ្រូពេទ្យហើយ។ 

ការប្រែប្រួលអាកាសធាតុ

អ្នកស្រាវជ្រាវបានរកឃើញថា ការឈឺក្បាលបែបប្រកាំងដែលបង្កឡើងដោយអាការសធាតុត្រជាក់ ឬក្តៅគឺជាបញ្ហាដែលកើតមានជាញឹកញាប់មួយរហូតដល់ ២០ ទៅ៣០ភាគរយឯណោះ។ នេះដោយសារតែខួរក្បាលត្រូវបញ្ចេញសារធាតុ Serotonin ដែលជាអ័រម៉ូនស្ត្រេសក្នុងពេលមានការប្រែប្រួលអាកាសធាតុបែបនេះ ដូច្នេះវាក៏បង្កជាការឈឺក្បាលទៅ។ 

ខ្សោះជាតិទឹក

បើសិនជាអ្នកមានបញ្ហាឈឺក្បាលជាប់រហូតជាមួយនឹងអាការៈផ្សេងៗដូចជា ចង្អោ និងឈឺរាងកាយនោះ រឿងនេះអាចទាក់ទងនឹងការខ្សោះជាតិទឹកក្នុងខ្លួនហើយ។ ដូច្នេះចូរញ៉ាំទឹកឲ្យបានគ្រប់គ្រាន់ក្នុងមួយថ្ងៃដើម្បីបំបាត់ការឈឺក្បាលបែបនេះ។ 

ញ៉ាំជាតិកាហ្វេអ៊ីនច្រើនពេក

គ្រូពេទ្យបានរកឃើញថា អ្នកដែលញៀននឹងជាតិកាហ្វេអ៊ីនគឺជាមូលហេតុមួយទៀតដែលនាំឲ្យឈឺក្បាលញឹកញាប់។ តាមពិត ទោះបីជា កាហ្វេអ៊ីន ១០០មីលីក្រាមក៏អាចបង្កការឈឺក្បាលបានដែរ។ ដូច្នេះអ្នកគួរតែកាត់បន្ថយវាបើសិនជាចង់បំបាត់ការឈឺក្បាល៕