សរសៃមនុស្សយើងគឺមានលក្ខណៈប្រែប្រួលខ្លាំងបំផុតចាប់តាំងពីពណ៌ រហូតដល់លក្ខណៈរបស់វា។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ប៉ុន្តែតើអ្នកមានដឹងទេថា សរសៃសក់យើងក៏មានមុខងារជាច្រើនប្រភេទផងដែរដូចជា៖
- ការពារយើងពីរឿងជាច្រើនក្នុងមជ្ឈដ្ឋានជុំវិញខ្លួនរួមទាំង កាំរស្មីយូវី ធូលីដី និងកំទិចកំទី
- ជួយសម្រួលដល់សីតុណ្ហភាពរាងកាយ ឧទាហរណ៍ កាលណាសក់កាន់តែស្តើង វានឹងធ្វើឲ្យបែកញើសកាន់តែច្រើន
- ជំនួយដល់អារម្មណ៍កាយវិញ្ញាណ ដោយសារតែគល់រោមពោរពេញទៅដោយចុងសរសៃប្រសាទ
- ដើរតួនាទីដ៏សំខាន់មួយចំពោះរឿងផ្លូវចិត្តក្នុងការស្គាល់ខ្លួនឯងតែម្តង។
តើអ្នកធ្លាប់ឆ្ងល់ទេថា តើក្បាលរបស់យើងនេះមានសរសៃសក់ប៉ុន្មានសរសៃទៅ? ចម្លើយនោះគឺចន្លោះ ៨០០០០ទៅ ១២០០០០សរសៃ។
ខាងក្រោមនេះគឺជាការពិតមួយចំនួនអំពីសរសៃសក់មនុស្សយើង៖
- ជាមធ្យម សក់របស់មនុស្សយើងលូតលាស់ប្រហែល ១៥សង់ទីម៉ែត្រក្នុងរយៈពេលមួយឆ្នាំដែលស្មើ ១.២សង់ទីម៉ែត្រក្នុងមួយខែ។
- សក់មនុស្សប្រុសដុះលឿនជាងសក់មនុស្សស្រី
- អ្នកអាចជ្រុះសក់ពី ៥០ ទៅ ១០០សរសៃជារៀងរាល់ថ្ងៃ។ រឿងនេះអាស្រ័យទៅតាមទម្លាប់នៃការថែរក្សាសក់ដែរ ហើយក៏អាចជ្រុះច្រើនជាងនេះទៀតផង។
- ពណ៌សក់របស់យើងត្រូវបានកំណត់ដោយហ្សេន។ សក់ពណ៌ត្នោត ឬខ្មៅតែងតែមានញឹកញាប់បំផុត។ ប្រហែល ៩០ភាគរយនៃមនុស្សទាំងអស់ទូទាំងពិភពលោកគឺមានពណ៌សក់ប្រភេទនេះ។
- នៅពេលអាយុកាន់តែច្រើន សក់គឺងាយនឹងប្រែទៅជាស្កូវណាស់។ តាមពិទៀត ក្រោយពីអាយុបាន ៣០ឆ្នាំ កម្រិតនៃការប្រែពណ៌សក់ទៅជាស្កូវនឹងកើនឡើងប្រហែឡ ១០ ទៅ ២០ភាគរយជារៀងរាល់ ១០ឆ្នាំ។
- សរសៃសក់មានភាពរឹងមាំជាងអ្វីដែលអ្នកគិតទៅទៀត។ ឧទាហរណ៍ សរសៃសក់មួយសរសៃអាចមានទម្ងន់រហូតដល់ ១ភាគបួនផោនឯណោះ
- ទឹកអាចប៉ះពាល់ដល់សមាសធាតុរបស់សរសៃសក់ដែរ។ ឧទាហរណ៍ សរសៃសក់មនុស្សយើងអាចមានទម្ងន់ធ្ងន់ជាងមុន ពី ១២ ទៅ ១៨ភាគរយនៅពេលសើម។ សក់ដែលសើមក៏អាចលូតយឺតវែងជាងមុន ៣០ភាគរយ ដោយមិនមានការខូចខាតអ្វីទាំងអស់។
- រាងកាយមនុស្សយើងទាំងមូលមានគល់រោមសរុបទាំងអស់ប្រហែល ៥លានគល់រោម។ មនុស្សយើងកើតឡើងគឺមានគល់រោមទាំងអស់ ហើយក៏មិនកើតច្រើនទៀតដែរនៅពេលអាយុកាន់តែច្រើន។ (អាន:ថ្នាំងងុយគេង ពេលអ្នកគួរប្រើ)
- លើរាងកាយរបស់យើងមានកន្លែងតិចតួចណាស់ដែលមិនមានរោមដុះដូចជា បាតដៃ បាតជើង និងបបូរមាត់ផ្នែកក្រហមៗ៕