Join with Health.com.kh on Telegram

យើងធ្លាប់តែដឹងថា មានតែរបៀបរស់នៅ កន្លែងធ្វើការ សកម្មភាពការងារទេ ដែលធ្វើឲ្យមនុស្សយើងមានបញ្ហាផ្លូវចិត្តដូចជា បាក់ទឹកចិត្ត ថប់អារម្មណ៍ ឬពិបាកចិត្ត។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ទោះបីជាយ៉ាងណាក៏ដោយ អ្វីដែលយើងញ៉ាំ និងផឹកក៏អាចប៉ះពាល់ដោយផ្ទាល់ទៅលើរចនាសម្ព័ន្ធរបស់ខួរក្បាល និងមុខងារខួរក្បាលបានដែរ។ 

ធម្មតា Serotonin, dopamine និង Norepinephrine គឺជាសារធាតុចម្លងសរសៃប្រសាទដែលនិយាយអំពីសុខភាពផ្លូវចិត្ត។ កាលណាសារធាតុទាំងនេះត្រូវបានទប់ស្កាត់ដោយសារតែអាស៊ីតអាមីណេដែលចេញពីប្រូតេអ៊ីនមិនគ្រប់គ្រាន់ វាពិតជាអាចបណ្តាលឲ្យមានបញ្ហាផ្លូវចិត្តបាន។

វីតាមីន និងជាតិរ៉ែគឺជារបស់ដ៏សំខាន់សម្រាប់សំយោគ និងផ្តល់មុខងារដល់សារធាតុចម្លងសរសៃប្រសាទទាំងបីនេះ។ ដូច្នេះដើម្បីផ្តល់ផលិតផលរបស់សារធាតុចម្លងសរសៃប្រសាទទាំងបីនេះជាប់រហូត និងគ្រប់គ្រាន់ គ្មានអ្វីដែលត្រូវការក្រៅពីការញ៉ាំជីវជាតិត្រឹមត្រូវជារៀងរាល់ថ្ងៃឡើយ។ កាលណាមនុស្សម្នាក់ចេះតែមានបញ្ហាបាក់ទឹកចិត្តជាប់រហូត ក៏អាចដោយសារតែរបបអាហារកង្វះជីវជាតិដូចខាងក្រោមនេះដែរ៖

ខ្លាញ់អូមេហ្គាបី

ប្រភពដ៏ល្អរបស់ជីវជាតិមួយនេះគឺត្រីសម្បូរខ្លាញ់ និងស៊ុត ព្រមទាំងថ្នាំបំប៉ន។

អ៊ីយ៉ូត

ប្រភពដ៏ល្អរបស់ជាតិអ៊ីយ៉ូតគឺស្រួលរកណាស់ តាមរយៈការប្រើអំបិលអ៊ីយ៉ូតសម្រាប់ធ្វើម្ហូបអាហារ។ ក្រៅពីនេះអ្នកក៏អាចរកវាបានពីក្នុងអាហារមួយចំនួនដែរដូចជា ទឹកដោះគោ យ៉ាអួ និងស៊ុត។ 

ជាតិស័ង្គសី

ប្រភពដ៏ល្អនៃជាតិស័ង្គសីនោះគឺ អយស្ទើ ក្តាប សាច់គោ សាច់ចៀម សាច់ជ្រូក សាច់ក្រហម សាច់មាន់ គ្រាប់ស្វាយចន្ទី និងវីតាមីនចម្រុះដែលមានគុណភាពល្អ។

ជាតិម៉ាញ៉េស្យូម

ប្រភពដ៏ល្អនៃជាតិម៉ាញ៉េស្យូមមានដូចជា គ្រាប់ផ្លែឈើ បន្លែពណ៌បៃតងចាស់ គ្រាប់ធញ្ញជាតិ និងសូកូឡាខ្មៅ។

វីតាមីន D

ប្រភពអាហារធម្មជាតិដែលសម្បូរវីតាមីន D គឺត្រូវសម្បូរខ្លាញ់ ដូចជា ត្រីសាលម៉ុង សាឌីន និងស៊ុត។ ចំណែកឯពន្លឺព្រះអាទិត្យក៏សម្បូរវីតាមីន D ដែរ។ 

សេឡេញ៉ូម

ប្រភពដ៏ល្អរបស់សេឡេញ៉ូមគឺ សណ្តែក ត្រី បង្គា ថ្លើមសត្វ និងសាច់មាន់។

ជាតិដែក

ប្រភពជាតិដែកដ៏សំខាន់ៗមានដូចជា សាច់ជ្រូក សាច់គោ សាច់ចៀម សាច់មាន់ ស៊ុត ថ្លើមសត្វ អយស្ទើ និងសណ្តែកស។ 

វីតាមីន Bកំផ្លិច

វីតាមីន B អាចរកបានក្នុងគ្រាប់ធញ្ញជាតិ សណ្តែក បន្លែពណ៌បៃតង និងសាច់។

វីតាមីន C

វីតាមីន C ច្រើនតែមានក្នុងផ្លែឈើជូរៗ ផ្លែគីវី ម្ទេសប្លោក​ និងស្ត្របឺរី៕(អាន:ថ្នាំងងុយគេង ពេលអ្នកគួរប្រើ)