កើតរើមលើស្បែកក្បាល? ចង់ដឹងអំពីវិធីព្យាបាលដែរទេ?

ជំងឺរើម គឺជាការបង្ករោគមួយប្រភេទដែលបង្កឡើងដោយវីរុសតែមួយនឹងវីរុសបង្កជំងឺអ៊ុតស្វាយ។ មនុស្សយើងប្រហែល ៣៣ភាគរយអាចនឹងកើតជំងឺរើមនេះនៅថ្ងៃណាមួយនៃជិវិត។ ជំងឺរើមច្រើនកើតមានជាញឹកញាប់បំផុតលើមនុស្សអាយុចាប់ពី ៥០ឆ្នាំឡើងទៅ ប៉ុន្តែអ្នកក្មេងជាងនេះក៏អាចប្រឈមមុខបានដែរ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ជំងឺរើមច្រើនតែកើតឡើងលើតំបន់កណ្តៀតក្អមខាងក្រោយ ឬទ្រូង ប៉ុន្តែវាក៏អាចកើតឡើងគ្រប់កន្លែងដែរដូចជា មុខ ដៃ កំប៉េះគូថ ឬស្បែកក្បាល។ 

អាការៈដំបូងនៃជំងឺរើមអាចជាការឈឺចាប់ខ្លាំងដូចជា៖

• ក្រហាយៗ
• ឈឺចាប់ដូចមុន
• ឈឺឈៀបៗ
• ស្ពឹកៗនៅស្បែក
• រមាស់ ឬឈឺធ្ងន់ធ្ងរ
• អស់កម្លាំង
• ក្តៅខ្លួន។

យ៉ាងហោចណាស់ ១ ទៅ ១៤ថ្ងៃក្រោយពីចាប់ផ្តើមមានអារម្មណ៍ឈឺចាប់ អ្នកនឹងសម្គាល់ឃើញពងបែកកន្ទួលរមាស់ និងស្បែកទៅជាក្រហម។ នៅពេលជំងឺរើមកើតឡើងលើស្បែកក្បាល ឬក្បាល វាអាចបង្កជាអាការៈ ឈឺក្បាល ខ្សោយមុខមួយចំហៀងបើសិនជាកន្ទួលរមាស់កើតឡើងនៅជុំវិញត្រចៀក។ ភាគច្រើនជំងឺរើមភាគច្រើនកើតយូរចាប់ពី ៣ ទៅ៥សប្តាហ៍ឯណោះ។ 

ទោះបីជាយ៉ាងណាក៏ដោយ វានៅតែជារឿងដែលល្អបំផុតក្នុងការចាប់ផ្តើមព្យាបាលជំងឺរើមជាមួយនឹងថ្នាំសម្លាប់វីរុសដែលមានវេជ្ជបញ្ជាត្រឹមត្រូវនៅពេលមានអាការៈរបស់វាកើតឡើងដំបូង។ ពងបែកជំងឺរើមដែលកើតឡើងលើស្បែកក្បាល អាចឈឺខ្លាំងនៅពេលសិតសក់។ ដូច្នេះចូរប្រុងប្រយ័ត្នកុំឲ្យក្រាសសិតសក់ប៉ះនឹងពងបែករបស់ជំងឺរើមបាន។ បើសិនជាស្បែកក្បាលត្រូវបានអេសខ្លាំង ការកើតជាសម្លាកអាចនឹងបង្កជាកន្ទួលរមាសស់រហូតដល់ខូចខាតដល់កោសិកាដែលត្រូវការបណ្តុះគល់សក់បាន។ 

បើសិនជាការបង្ករោគមិនត្រូវបានព្យាបាលត្រឹមត្រូវ និងទាន់ពេលវេលាទេ វាអាចនាំឲ្យមានផលវិបាកជាប់រហូតដូចជា ទំពែកក្បាលមួយដុំៗ។ បើសិនជាជំងឺរើមកើតលើភ្នែកម្ខាង ឬទាំងសងខាងមែន វាអាចនឹងនាំឲ្យខ្វាក់បាន។ 

ដើម្បីព្យាបាលជំងឺរើម គ្រូពេទ្យអាចនឹងណែនាំវិធីព្យាបាលដូចខាងក្រោមនេះ៖

• ថ្នាំសម្លាប់វីរុសដែលចេញដោយគ្រូពេទ្យដូចជា Acyclovir (Zovirax)
• ថ្នាំបំបាត់ការឈឺចាប់
• ករណីខ្លះក៏អាចប្រើថ្នាំ Corticosteroids ដែរ។

វិធីបំបាត់ការឈឺចាប់ផ្សេងៗទៀត៖

• អាចត្រូវការចាក់ថ្នាំស្ពឹកនៅសរសៃប្រសាទដើម្បីបំបាត់ការឈឺចាប់លើករណីខ្លះ
• ថ្នាំលាបប្រភេទស្ពឹក
• ថ្នាំបំបាត់ការឈឺចាប់ដោយមិនបាច់មានវេជ្ជបញ្ជាដូចជា Acetaminophen (Tylenol) ឬ Acetylsalicylic Acid (Aspirin) 

វិធីថែរក្សាសុខភាពដោយខ្លួនឯងនៅពេលមានជំងឺរើមលើស្បែកក្បាល៖

• ស្អំទឹកត្រជាក់ ឬកន្សែងត្រជាក់លើកន្លែងកន្ទួលរមាស់
• ចៀសវាងការពាក់មួក និងស្រោមខ្នើយគួរតែមានលក្ខណៈពិសេសសម្រាប់កន្ទួលរមាស់លើស្បែកក្បាល(អាន:ថ្នាំងងុយគេង ពេលអ្នកគួរប្រើ)
• ចូរងូតទឹកក្តៅឧណ្ហៗ៕