ក្នុងផ្ទះបើមានរបស់ បីយ៉ាងនេះ អាចព្យាបាលការក្អកស្ងួតតិចតួចបានយ៉ាងអ៊ែម

ការក្អកស្ងួតមិនដូចគ្នានឹងការក្អកមានស្លេស្មឡើយ ព្រោះវាមិនអាចបញ្ចេញស្លេស្ម ឬសារធាតុបង្ករលាកចេញពីសួត ឬផ្លូវក្នុងច្រមុះបានឡើយ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ការក្អកស្ងួតអាចមានរយៈពេលយូរថ្ងៃក្រោយពីជាជំងឺផ្តាសាយរួច។ វាក៏អាចបង្កឡើងដោយមូលហេតុមួយចំនួនដែរដូចជា៖ 

• ហូរទឹកសម្បោនៅបំពង់កខាងក្រោយ
• ជំងឺហឺត
• ច្រាលទឹកអាស៊ីតក្រពះមកបំពង់ក

ការក្អកស្ងួតអាចជារឿងមួយមិនផ្តល់ផាសុកភាពខ្លាំង ហើយក៏ប្រហែលជាកើតឡើងទាំងកូនក្មេង និងមនុស្សធំផងដែរ។ ប៉ុន្តែមានវិធីព្យាបាលដោយខ្លួនឯងច្រើនដែលអាចជួយបំបាត់ការក្អកស្ងួតនេះបាន។ ខាងក្រោមនេះ គឺជារបស់បីយ៉ាងដែលអាចជួយបំបាត់ការក្អកស្ងួតបានយ៉ាងល្អ៖

ទឹកឃ្មុំ

សម្រាប់មនុស្សធំនិងកូនក្មេងអាយុចាប់ពីមួយឆ្នាំឡើងទៅ អាចប្រើប្រាស់ទឹកឃ្មុំសម្រាប់ការព្យាបាលនៅពេលថ្ងៃ និងការក្អកស្ងួតនៅពេលយប់បាន។ ទឹកឃ្មុំមានសមាសធាតុសម្លាប់បាក់តេរី ហើយក៏អាចជួយស្រោមបំពង់កកុំឲ្យមានការរលាក ឬរមាស់ បានដែរ។ ម៉្យាងវិញទៀត ទឹកឃ្មុំមានសមាសធាតុជា Dextromethorphan ដែលអាចទប់ស្កាត់ការក្អកបានយ៉ាងល្អ ហើយក៏បន្ថយការក្អកនៅពេលយប់ចំពោះកូនក្មេងផងដែរ។ អ្នកអាចសាកល្បងញ៉ាំទឹកឃ្មុំមួយស្លាបព្រាកាហ្វេច្រើនដងជារៀងរាល់ថ្ងៃ ឬបន្ថែមវាទៅក្នុងទឹកក្តៅឧណ្ហៗក៏បានដែរ។

រមៀត

រមៀតផ្ទុកទៅដោយសារធាតុ Curcumin ដែលអាចមានលក្ខណៈដូចគ្នានឹងប្រឆាំងការរលាក សម្លាប់វីរុស និងបាក់តេរីដែរ។ វាក៏មានប្រយោជន៍ចំពោះជំងឺជាច្រើនថែមទៀតដូចជា ក្អកស្ងួតជាដើម។ សារធាតុ Curcumin នឹងបឺតស្រូបចូលទៅក្នុងចរន្តឈាមបានយ៉ាងល្អនៅពេលញ៉ាំជាមួយនឹងម្រេចខ្មៅ។ អ្នកក៏អាចប្រើវាសម្រាប់ធញវើជាភេសជ្ជៈញ៉ាំជាមួយម្រេចខ្មៅបានដែរ ជាពិសេសតែក្តៅឧណ្ហៗតែម្តង។ រមៀតត្រូវបានគេប្រើប្រាស់សម្រាប់ព្យាបាលជំងឺផ្លូវដង្ហើមខាងលើ រលាកទងសួត និងជំងឺហឺត។ 

ខ្ញី

ខ្ញីផ្ទុកទៅដោយសារធាតុសម្លាប់បាក់តេរី និងប្រឆាំងការរលាក។ វាក៏ត្រូវបានគេរកឃើញថា បង្កើនមខុងារប្រព័ន្ធភាពស៊ាំ និងបំបាត់ការឈឺចាប់។ (អាន:ថ្នាំងងុយគេង ពេលអ្នកគួរប្រើ)ខ្ញីអាចត្រូវបានគេរកឃើញជាធាតុផ្សំក្នុងតែភាគច្រើនដែរ។ ការបន្ថែមទឹកឃ្មុំញ៉ាំជាមួយតែខ្ញីប្រហែលជាមានប្រយោជន៍កាន់តែខ្លាំងលើការបំបាត់អាការៈក្អកស្ងួតនេះ៕