ទោះបីជាមិនមានការព្យាបាលក៏ដោយ ក៏អាការៈនៃជំងឺឬសដូងបាតតូចៗ ឬស្រាលៗ អាចជាទៅវិញបានដែរក្នុងរយៈពេលពីរបីថ្ងៃ។ ប៉ុន្តែករណីជំងឺឬសដូងបាតជាលក្ខណៈរាំរ៉ៃ អាចកើតឡើងយូរ ព្រមទាំងអាចមានអាការៈធ្វើទុក្ខរបស់វាជាទៀងទាត់ថែមទៀតផង។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)

ជំងឺឬសដូងបាត មានន័យថា ជាការរីកធំ ឬហើមរបស់សរសៃឈាមវ៉ែននៅជុំវិញរន្ធគូថ។ សរសៃវ៉ែនទាំងនេះអាចហើមរហូតដល់ទៅជារលាកបាន។ ជំងឺឬសដូងបាតមានពីរប្រភេទ៖

  • ឬសដូងបាតខាងក្នុងរន្ធគូថ
  • ឬសដូងបាតខាងក្រៅរន្ធគូថ

បើសិនជាអ្នកមានជំងឺឬសដូងបាតដែលមិនព្រមជាទៅវិញ ឬចេះតែកើតឡើងម្តងហើយម្តងទៀត យកល្អគួរតែទៅជួបគ្រូពេទ្យដើម្បីពិនិត្យ និងព្យាបាល។ គ្រូពេទ្យអាចនឹងណែនាំឲ្យធ្វើការព្យាបាលជំងឺឬសដូងបាតដែលរ៉ាំរ៉ៃ ជាមួយនឹងការផ្លាស់ប្តូររបៀបរស់នៅបន្ថែមដូចជា៖

  • ព្យាយាមញ៉ាំអាហារសម្បូរជាតិសរសៃឲ្យបានច្រើន
  • បង្កើនការញ៉ាំទឹកជាប្រចាំ ជាពិសេសភេសជ្ជៈដែលគ្មានគ្រឿងស្រវឹង
  • កាត់បន្ថយការអង្គុយនៅបន្ទោបង់យូរៗ
  • ចៀសវាងការប្រឹងបន្ទោបង់
  • ចៀសវាងការលើករបស់ធ្ងន់ៗ

គ្រូពេទ្យក៏អាចណែណាំឲ្យប្រើវិធីផ្សេងទៀតសម្រាប់ជួយព្យាបាលខ្លួនបាន៖

  • ថ្នាំបំបាត់ការឈឺចាប់ដូចជា Ibuprofen (Advil), Acetaminophen (Tylenol), Naproxen (Aleve) ឬ Aspirin
  • ថ្នាំលាបដូចជា Hydrocortisone ឬ ថ្នាំលាបឲ្យស្ពឹក
  • ថ្នាំបន្ទន់លាមក ឬថ្នាំបំប៉នជាតិសរសៃ
  • អង្គុយត្រាំទឹកអំបិល។

ក្នុងករណីដែលព្យាបាលដោយខ្លួនឯង និងផ្លាស់ប្តូររបៀបរស់នៅមិនអាចបំបាត់អាការៈជំងឺឬសដូងបាតទេ គ្រូពេទ្យអាចនឹងប្រើវិធីព្យាបាលផ្សេងដូចជា៖

  • ការចងសរសៃឬសដូងបាត៖ វិធីនេះត្រូវបានគេប្រើលើករណីដែលមានការព្រលាត់ឬសដូងបាត ឬជាសរសៃឬសដូងដែលហូរឈាម។ គ្រូពេទ្យនឹងប្រើប្រភេទកៅស៊ូពិសេសដើម្បីចង់រឹតឬសរបស់សរសៃឬសដូងបាត់ដើម្បីបំបាត់ការផ្គត់ផ្គង់ឈាម។ នៅរយៈពេលមួយសប្តាហ៍ក្រោយ ចុងសរសៃឬសដូងដែលចងនោះនឹងជ្រុះចេញដោយខ្លួនឯង។ 
  • ការដុត ឬ Electrocoagulation៖ គ្រូពេទ្យនឹងប្រើប្រាស់ឧបករណ៍ពិសេសមួយដែលមានចរន្តអគ្គិសនីដើម្បីដុតកាត់ បង្រួញសរសៃឬសដូងនោះចេញ ដែលជាធម្មតាធ្វើជាញឹកញាប់លើប្រភេទឬសដូងបាតខាងក្នុង។ 
  • Sclerotherapy៖ គ្រូពេទ្យអាចនឹងចាក់ថ្នាំមួយប្រភេទដែលអាចបង្រួញសរសៃឬសដូងនោះបាន ដែលជាធម្មតាធ្វើទៅលើប្រភេទឬសដូងបាតខាងក្នុងតែម្តង។ (អាន:ថ្នាំងងុយគេង ពេលអ្នកគួរប្រើ)
  • Hemorrhoidectomy៖ លើករណីដែលការអនុវត្តព្យាបាលខាងលើមិនទទួលបានជោគជ័យទេ គ្រូពេទ្យនឹងសម្រេចចិត្តវះកាត់ឬសដូងនោះចោលតែម្តង ហើយជាធម្មតាអាចធ្វើចំពោះឬសដូងបាតដែលព្រលាត់ពីក្នុងមកក្រៅ និងប្រភេទឬសដូងបាតខាងក្រៅ៕