យោងទៅតាមសេចក្តីរាយការណ៍ពីសារព័ត៌មាន Mail Online បានឲ្យដឹងថា ចូរញ៉ាំកាហ្វេមួយពែងទៀតទៅ! ការញ៉ាំកាហ្វេ ៦ពែងក្នុងមួយថ្ងៃ អាចបន្ថយការប្រឈមនឹងការឆាប់ស្លាប់រហូតដល់ ១៦ភាគរយ។ រឿងនេះត្រូវបានធ្វើឡើងដោយ US-led ប៉ុន្តែបើផ្អែកទៅលើការសិក្សារបស់អង់គ្លេសវិញគឺ មានគោលដៅដើម្បីវាយតម្លៃទៅលើទំនាក់ទំនងរវាងការញ៉ាំកាហ្វេ និងការប្រឈមនឹងការស្លាប់។ 

កាលពីមុន គ្រូពេទ្យមួយចំនួនបានដាក់បម្រាមមិនឲ្យញ៉ាំកាហ្វេមានជាតិកាហ្វេអ៊ីនច្រើនឡើយ ដោយសារតែវាអាចនាំឲ្យមានអារម្មណ៍ឆេវឆាវ និងគេងមិនលក់។ ប៉ុន្តែការសិក្សាជាច្រើនបានឲ្យដឹងថា ការញ៉ាំកាហ្វេមានជាប់ទាក់ទងនឹងការបន្ថយការប្រឈមនឹងជំងឺ ឬការស្លាប់បាន។ 

អ្នកស្រាវជ្រាវបានពិនិត្យទៅលើទិន្នន័យជនជាតិអង់គ្លេសប្រហែលជា ៥០០០០០នាក់។ រឿងនេះមានរាប់បញ្ចូលទាំងទិន្នន័យហ្សែនផងដែរ ដោយសារតែការស្រាវជ្រាវមុនៗបានឲ្យដឹងថា ការប្រែប្រួលរបស់ហ្សែនអាចប៉ះពាល់ទៅលើរបៀបដែលរាងកាយរំលាយជាតិកាហ្វេអ៊ីន លឿន ឬយឺត។ ការសិក្សាបច្ចុប្បន្នបានរកឃើញថា ការញ៉ាំកាហ្វេជាទូទៅមានជាប់ទាក់ទងនឹងការបន្ថយការស្លាប់បាន។ វាមិនបានធ្វើអ្វីខុសប្លែកថាតើមនុស្សម្នាក់មានហ្សែនដែលអាចរំលាយជាតិកាហ្វេអ៊ីន លឿន ឬយឺតជាមធ្យមឡើយ។

យ៉ាងណាមិញ ការញ៉ាំកាហ្វេតិចជាងមួយពែងក្នុងមួយថ្ងៃត្រូវបានគេរកឃើញថា អាចបន្ថយការស្លាប់បាន ៦ភាគរយ ហើយការញ៉ាំពី៦ ទៅ៧ពែង អាចបន្ថយការប្រឈមរហូតដល់ ១៦ភាគរយឯណោះ។ សម្រាប់អ្នកខ្លះវិញ ភាពខុសគ្នាប្រហែលជាមានលក្ខណៈតិចតួចណាស់ក្នុងការវិនិច្ឆន័យជាការញ៉ាំកាហ្វេក្នុងកម្រិតខ្ពស់ឬអត់។ 

អត្ថប្រយោជន៍ទាំងនេះមានលក្ខណៈស្រដៀងគ្នាដោយមិនខ្វល់ថា មនុស្សម្នាក់បានញ៉ាំកាហ្វេមានជាតិកាហ្វេអ៊ីន ឬគ្មានឡើយ។ ដូច្នេះដើម្បីអាចគេងលក់ពេលយប់ស្រួល យកល្អគួរតែញ៉ាំកាហ្វេគ្មានជាតិកាហ្វេអ៊ីននៅពេលល្ងាចទៅ៕