ការដែលមានវត្តមានឈាមក្នុងទឹកកាមអាចបណ្តាលមកពីមូលហេតុច្រើនយ៉ាងដែលទាក់ទងនឹងប្រព័ន្ធទឹកមូដរបស់បុរស។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) តំបន់ទាំងអស់ក្នុងប្រព័ន្ធនេះមានដូចជា ប្លោកនោម, បង្ហួរនោម, ពងស្វាស, បំពង់បង្ហូរទឹកកាមចេញពីពងស្វាស (Seminal Vesicles), បំពង់ Epididymis (តំបន់ដែលមានបំពង់សម្រាប់រក្សាទុក, បណ្តុះ និងដឹកជញ្ជូនមេជីវិតឈ្មោល) និងក្រពេញប្រូស្តាត។
ឈាមក្នុងទឹកកាមបណ្តាលមកពីការច្រឹបសាច់ក្រពេញប្រូស្តាតទៅវិញច្រើនជាងគេបំផុតតែម្តង។ ភាគច្រើនបុរសដែលក្រោយពីធ្វើបែបនេះរួចប្រហែលជាមានឈាមក្នុងទឹកកាមជាប់ពី ៣ទៅ៤សប្តាហ៍ឯណោះ។ ជាមួយគ្នានេះដែរ ការគ្រាវ ឬកាត់បំពង់បង្ហូរទឹកកាម (Vasectomy) ក៏អាចបណ្តាលអោយមានឈាមក្នុងទឹកកាមប្រមាណ ១សប្តាហ៍ដែរ។
ម៉្យាងវិញទៀត បុរសដែលមានវត្តមានឈាមក្នុងទឹកកាមដែលមិនបណ្តាលមកពីការគ្រាវ ឬច្រឹបសាច់ក្រពេញប្រូស្តាតទៅពិនិត្យ ប្រហែលជាប្រព័ន្ធទឹកមូដរបស់ពួកគេមានបញ្ហាដុំសាច់ស្លូត (Benign) ឬកាច់ (Malignant) ហើយ។ ប៉ុន្តែក៏មានករណីច្រើនណាស់ដែរ ដែលយើងមិនអាចរកឃើញមូលហេតុរបស់វាពិតប្រាកដ។
ខាងក្រោមនេះគឺជាជំងឺមួយចំនួនដែលត្រូវបានគេដឹងថាមានជាប់ពាក់ព័ន្ធធ្វើអោយមានឈាមក្នុងទឹកកាម៖
- ដុំសាច់ស្លូត ឬកាចដែលកើតមានលើក្រពេញប្រូស្តាត, ប្លោកនោម, ពងស្វាស ឬបំពង់ Seminal Vesicles
- ការបង្ករោគដូចជា ជំងឺប្រមេះទឹកថ្លា, ជំងឺប៉េស, ជំងឺបង្កដោយវីរ៉ុស Cytomegalovirus និងជំងឺទ្រីកូម៉ូណាស។
- គ្រួសក្នុងបំពង់ Seminal Vesicles ឬក្រពេញប្រូស្តាត។
- មានដុំសាច់ប៉ូលីពក្នុងផ្លូវបង្ហួរនោម
- ជំងឺមហារីករាលដាល (ចេញពីកន្លែងផ្សេងនៃរាងកាយ) នៅលើប្រព័ន្ធទឹកម៉ូដ(អាន:ថ្នាំងងុយគេង ពេលអ្នកគួរប្រើ)
- គីស, ការហូរឈាម ឬភាពមិនធម្មតាផ្សេងៗទៀតនៅក្នុងបំពង់ Seminal Vesicles៕