នៅពេលយើងនិយាយអំពីការបង្ការជំងឺបេះដូងនោះ ជាតិប្រៃមិនមែនជាសត្រូវតែមួយគត់ដែលយើងត្រូវយកចិត្តទុកដាក់នោះទេ។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) យើងដឹងហើយថា ជាតិប្រៃនឹងបង្កើនកំហាប់ឈាមតាមរយៈការទាញទឹកចូលក្នុងសរសៃឈាមកាន់តែច្រើន ដូច្នេះវាក៏បង្កើនសម្ពាធឈាមក្នុងសរសៃឈាមក្នុងពេលដែលបេះដូងច្របាច់ឈាមដែរ។ មួយរយៈក្រោយមក សរសៃឈាមចាប់ផ្តើមរឹង ហើយក៏ធ្វើឱ្យសម្ពាធឈាមកាន់តែឡើងខ្ពស់ ដែលជាដំណាក់កាលមួយឈានទៅរកការខ្សោយបេះដូងថែមទៀត។
ខណៈពេលដែលរឿងនេះគឺជាការពិតនោះ ចំពោះស្ករសក៏ក្លាយទៅជាសត្រូវដ៏ធំមួយទៀតដែរ។ ការកាត់បន្ថយការញ៉ាំប្រៃ តែនៅញ៉ាំផ្អែមនៅតែអាចប៉ះពាល់ដល់សុខភាពបេះដូងដដែលទេ។
ញ៉ាំផ្អែមច្រើននឹងប្រឈមនឹងការស្លាប់ដោយសារតែជំងឺបេះដូងសរសៃឈាមកាន់តែខ្លាំង
ការសិក្សាមួយដែលចំណាយពេលរហូតដល់ ២០ឆ្នាំ ហើយបានចុះផ្សាយក្នុងសារព័ត៌មានជំងឺទូទៅ JAMA បានឱ្យដឹងថា អ្នកដែលញ៉ាំផ្អែមនឹងបង្កើនការឡូរីក្នុងខ្លួនពី ១០ ទៅ២០ភាករយ និងប្រឈមនឹងការស្លាប់ដោយសារជំងឺបេះដូងសរសៃឈាមរហូតដល់ ៣០ភាគរយឯណោះ។ សម្រាប់អ្នកដែលញ៉ាំកាឡូរីកាន់តែច្រើន ធ្វើឱ្យការប្រឈមមុខនេះកើនឡើងមួយទ្វេជាបីរហូតដល់ ២៥ភាគរយ។ យ៉ាងណាមិញ ការប្រឈមមុខនឹងថយចុះវិញ នៅពេលដែលពួកគេមិនញ៉ាំផ្អែមតិចជាង ១០កាឡូរី។
បង្កើនចំនួនកូឡេស្តេរ៉ុលអាក្រក់ក្នុងខ្លួន
នៅពេលយើងនិយាយអំពីជាតិផ្អែម មិនមែនមានតែស្ករសរដែលដាក់ក្នុងតែ និងកាហ្វេនោះទេ។ ទោះបីជារបបអាហារមានជាតិកាបូអ៊ីដ្រាតខ្ពស់ក៏អាចនាំឱ្យមានគ្រោះថ្នាក់ដូចគ្នាដែរ។ ចូរចាំថា ក្រោយពីរាងកាយរំលាយកាបូអ៊ីដ្រាតរួច វានឹងក្លាយទៅជាជាតិស្ករ និងបង្កើនចំនួនជាតិស្ករក្នុងឈាមទៀត។ ការសិក្សាបានឱ្យដឹងថា របបអាហារមានជាតិកាបូអ៊ីដ្រាតខ្ពស់គឺងាយនឹងធ្វើឲ្យធាត់ដុះក្បាលពោះ និងប្រឈមកាន់តែខ្លាំងនឹង Metabolic ។ (អាន:ថ្នាំងងុយគេង ពេលអ្នកគួរប្រើ)ដោយសារតែវាឲ្យកូឡេស្តេរ៉ុលអាក្រក់កើនឡើង និងស៊ាំនឹងអាំងស៊ុយលីនទៀតនោះ វាកាន់តែប្រឈមនឹងជំងឺបេះដូងសរសៃឈាមថែមទៀត។ យ៉ាងណាមិញ មិនមែនរាល់អាហារសម្បូរកាបូអ៊ីដ្រាតទាំងអស់សុទ្ធតែអាក្រក់នោះទេ។
ដូច្នេះអ្នកគួរតែកាត់បន្ថយការញ៉ាំជាតិផ្អែមឲ្យបានច្រើនតាមតែអាចធ្វើទៅបានដើម្បីសង្គ្រោះសុខភាពបេះដូង៕