Join with Health.com.kh on Telegram

ខ្លាញ់ក្បាលពោះជាផ្នែកដែលពិបាកកម្ចាត់ចេញបំផុតមួយក្នុងរាងកាយ ស្រទាប់ខ្លាញ់ច្រើនតែបង្កឡើងដោយសារជម្រើសនៃការទទួលទានមិនត្រឹមត្រូវ និងរបៀបរស់នៅគ្មានសុខភាពល្អ។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ថាតើនរណាទៅមិនចង់បានរាងស្លីមស្អាតនោះ? ហើយអ្នកកំពុងស្វែងរកវិធីសាស្ត្រសម្រកទម្ងន់ ឬកម្ចាត់ខ្លាញ់ក្បាលពោះបែបងាយៗ ហើយទទួលបានលទ្ធផលឆាប់រហ័សមែនទេ? មិនពិបាកឡើយ អ្វីដែលអ្នកត្រូវធ្វើ គឺគ្រាន់តែព្យាយាមទទួលទានបន្លែមួយចំនួនដែលវេបសាយសុខភាព Health.com.kh បង្ហាញជូនខាងក្រោមនេះ ៖

១. ការ៉ុត

មិនត្រឹមតែល្អសម្រាប់សុខភាពភ្នែក និងប្រព័ន្ធភាពស៊ាំរាងកាយប៉ុណ្ណោះទេ ការ៉ុតក៏មានផ្ទុកសម្បូរទៅដោយសសៃដែលជួយកម្ចាត់ខ្លាញ់ក្បាលពោះឆាប់រហ័ស ហើយសម្រួលប្រព័ន្ធរំលាយអាហារឱ្យកាន់តែប្រសើរឡើងផងដែរ។

២. ត្រសក់

ជាប្រភពដ៏ប្រសើរនៃជាតិទឹកដែលជួយឱ្យឆាប់ឆ្អែត ហើយឆ្អែតបានយូរ។ អ្វីដែលសំខាន់ទៀតនោះ គឺត្រសក់ថែមទាំងមានផ្ទុកកាឡូរីទាប ប៉ុន្តែជាតិសសៃខ្ពស់ដែលជួយគ្រប់គ្រងទម្ងន់ និងកម្ចាត់ខ្លាញ់ដែលលើស។ ត្រសក់ជាជម្រើសនៃបន្លែដ៏ល្អបំផុតមួយសម្រាប់កម្ចាត់ខ្លាញ់ក្បាលពោះ។

៣. ប​ន្លែស្លឹកបៃតង

មានផ្ទុកសម្បូរទៅដោយជាតិសសៃ ប៉ុន្តែកាឡូរីនិងកាបូអ៊ីដ្រាតទាបដែលល្អសម្រាប់ការសម្រកទម្ងន់។

៤. ខ្ទឹមបារាំង

មានផ្ទុកកាឡូរីទាបដែលធ្វើឱ្យវាក្លាយជាជម្រើសនៃអាហារដ៏ប្រសើរសម្រាប់ការសម្រកទម្ងន់។

៥. ល្ពៅ

មានផ្ទុកជាតិសសៃ dietary ខ្ពស់ ប៉ុន្តែកាឡូរីទាបដែលជួយឱ្យស្រកទម្ងន់ឆាប់រហ័ស និងល្អសម្រាប់សុខភាពប្រព័ន្ធរំលាយអាហារ។ វាក៏ជាប្រភពដ៏ប្រសើរនៃជាតិរ៉ែនិងវីតាមីនដែលសំខាន់សម្រាប់សុខភាពរាងកាយទាំងមូលផងដែរ។

៦. ប៉េងប៉ោះ

មានផ្ទុកកាល់ស្យូម និងវីតាមីន C ដែលជួយកម្ចាត់ខ្លាញ់ក្បាលពោះបានយ៉ាងប្រសើរ។

៧. ខ្ទឹមស

តើអ្នកធ្លាប់ដឹងទេថាខ្ទឹមសមានប្រយោជន៍ណាស់ក្នុងការដុតបំផ្លាញខ្លាញ់ក្បាលពោះ? ខ្ទឹមសមានលក្ខណៈសម្បត្តិប្រឆាំងភាពធាត់ជ្រុលកម្ចាត់ជាតិខ្លាញ់ដែលតោងជាប់នឹងរាងកាយ។ លើសពីនេះទៅទៀត ការទទួលទានខ្ទឹមសក៏ជួយបញ្ចុះសម្ពាធឈាមកាត់បន្ថយហានិភ័យនៃជំងឺសសៃឈាមបេះដូង ជំងឺលើសឈាម និងជំងឺដាច់សសៃឈាមខួរក្បាលផងដែរ។ អ្នកអាចបន្ថែមខ្ទឹមសក្នុងអាហារ ឬទំពារខ្ទឹមសមួយកំពឹសរាល់ព្រឹក ប្រសិនបើអ្នកមិនចាញ់ក្លិន និងរសជាតិរបស់វា។

៨. ខ្ញី

ខ្ញីជាភ្នាក់ងារ thermogenic មានប្រសិទ្ធិភាពបង្កើនការរំលាយអាហារ និងដុតរំលាយជាតិខ្លាញ់បានយ៉ាងប្រសើរតាមរយៈការបង្កើនសីតុណ្ហភាពក្នុងរាងកាយ។