វិធីទាក់ទាញភ្ញៀវទេសចរមានច្រើនយ៉ាងណាស់ ហើយក្នុងនោះរួមមានទាំងការសាងសង់រូប សំណាកធំៗការបង្កើតសារមន្ទីរការបង្កើតហាងលក់វត្ថុអនុស្សាវរីយ៍ផងដែរ។
ប៉ុន្តែទីក្រុងមួយនៅក្នុងប្រទេសលីបង់ កាលពីពេលថ្មីៗនេះបាននឹកឃើញគំនិតចម្លែកខុសគេ នឹកស្មានមិនដល់ បន្ទាប់ពីចៅហ្វាយក្រុងបានបញ្ជាឱ្យប៉ូលិសចរាចរស្រីៗស្លៀកខោខ្លីបញ្ចេញ សាច់ភ្លៅ ដើម្បីទាក់ទាញទេសចរទៅវិញ។
លោក ព្យែរ អាចកា (Pierre Achkar) ចៅហ្វាយក្រុងប្រ៊ូមម៉ាណា (Brummana) ដែលមានចម្ងាយប្រមាណ ១៥ គីឡូម៉ែត្រក្រៅក្រុងបេរូត និយាយថា ចំណាត់ការថ្មីនេះធ្វើឡើង ដើម្បីទាក់ទាញភ្ញៀវទេសចរបស្ចិមប្រទេសកាន់តែច្រើន។
ទោះជាយ៉ាងណា ផែនការនេះបានរងការរិះគន់ពីភាគីនយោបាយទាំងសងខាង។ ក្រុមអភិរក្ស និយមនិយាយថា ឯកសណ្ឋាននេះមិនស័ក្តិសមសម្រាប់ប៉ូលិសឡើយ ហើយវាក៏មិនយុត្តិធម៌ដែរ ដែលបុរសៗត្រូវបានអនុញ្ញាតឱ្យស្លៀកខោជើងវែង៕
ប្រភព៖ rasmeinews.com