មនុស្សយើងគ្រប់គ្នា មិនខ្វល់ថានរណាឡើងតែងតែចង់បានជីវិតដែលមានសុខភាពល្អរយៈពេលយូរ ដូច្នេះតើអ្នកគួរតែធ្វើដូចម្តេចទើបទទួលបានរឿងនេះទៅ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)នោះគឺជាការចំណាយលុយតិចតួចដើម្បីធ្វើការម៉ាស្សាបាតជើងតែម្តង។ តើការម៉ាស្សានេះមានប្រយោជន៍អ្វីខ្លះទៅដល់ជីវិតរស់នៅយើងទៅ?
ជំរុញដល់សុខភាពផ្លូវចិត្តនិងការសុខស្រួល
ការម៉ាស្សាបាតជើងរាល់ថ្ងៃអាចថែរក្សាសុខភាពផ្លូវចិត្តបានយ៉ាងល្អ។ ការសិក្សាមួយកាលពីឆ្នាំ ១៩៩៩បានរកឃើញថា ការម៉ាស្សាបាតជើង ៥នាទីអាចកាត់បន្ថយស្រ្តេស សម្ពាធឈាម និងចង្វាក់បេះដូងលើអ្នកជំងឺជាច្រើនបាន។
ការសិក្សាកាលពីឆ្នាំ ២០១០ បានបង្ហាញថា ការម៉ាស្សាទៅលើប្រអប់ដៃ ឬជើងអាចផ្តល់នូវផាសុកភាពខាងផ្លូវចិត្តលើមនុស្សដែលតែងតែមានការព្រួយបារម្ភច្រើន។ ក្រៅពីនេះវាក៏ជួយកាត់បន្ថយការថប់អារម្មណ៍ និងធ្វើឲ្យអារម្មណ៍ល្អឡើងវិញក្រោយពីម៉ាស្សាបាន ១០នាទីរួច។
បំបាត់ការឈឺចាប់តាមបែបធម្មជាតិ
ការសិក្សាមួយកាលពីឆ្នាំ ២០០៤បានបង្ហាញថា អ្នកជំងឺក្រោយពីវះកាត់រួចដែលម៉ាស្សាបាតជើងរួចឃើញថាមានការថយចុះនូវការឈឺចាប់បានល្អជាងអ្នកដែលប្រើថ្នាំបំពាត់ឈឺចាប់តែមួយមុខ។
ចំពោះស្រ្តីដែលម៉ាស្សាបាតជើងក្រោយពីសម្រាលកូនដោយវះកាត់រួចក៏ឃើញថាអាចបន្ថយការឈឺចាប់បានយ៉ាងល្អដែរ។
បំបាត់រោគសញ្ញារបស់ជំងឺមហារីកនិងផលរំខាននៃការព្យាបាលដោយថ្នាំមហារីក
ការសិក្សាកំពុងតែបញ្ជាក់ថា អ្នកជំងឺមហារីកកំពុងតែមានអារម្មណ៍ធូរស្រាលពីការឈឺចាប់ច្រើនក្រោយពីម៉ាស្សាបាតជើងរួច។ ការសិក្សាមួយកាលពីឆ្នាំ ២០១២ បានបង្ហាញថា អ្នកជំងឺមហារីកសុដន់បានថយចុះនូវរោគសញ្ញាឈឺចាប់ក្នុងរាងកាយ ពិបាកដកដង្ហើម និងមានថាមពលឡើងវិញក្រោយពីម៉ាស្សាបាតជើងរួច។
អាចបញ្ចុះសម្ពាធឈាម
ការសិក្សាមួយបង្ហាញថា សម្ពាធឈាម Systolic និងកម្រិតជាតិខ្លាញ់ Triglyceride ក្នុងឈាមត្រូវបានថយចុះក្រោយពីធ្វើការម៉ាស្សាបាតជើងរួច។
ការស្រាវជ្រាវបន្ថែមត្រូវបានរកឃើញថា អ្នកជំងឺដែលមានសម្ពាធឈាមខ្ពស់ហើយទទួលយកការម៉ាស្សាជាពិសេសនោះ គឺបានធ្វើឲ្យសម្ពាធឈាមថយចុះ បំបាត់រោគសញ្ញារបស់ជំងឺ ហើយក៏អាចកាត់បន្ថយការប្រើប្រាស់ថ្នាំគ្រប់គ្រងសម្ពាធឈាមទៀតផង។
បំបាត់រោគសញ្ញានៃការឈឺចាប់ពេលមករដូវ
តាមការសិក្សាកាលពីឆ្នាំ ១៩៩៣ បានបង្ហាញថា ស្រ្តីដែលម៉ាស្សាបាតជើងរួច ឃើញថាមានការថយចុះរោគសញ្ញានៃការមករដូវរបស់ពួកគេយ៉ាងគួរឲ្យចាប់អារម្មណ៍។ (អាន:ថ្នាំងងុយគេង ពេលអ្នកគួរប្រើ)
បំបាត់ការហើមជើង
ការសិក្សាកាលពីឆ្នាំ ២០១០ បានរកឃើញថា ស្រ្តីមានផ្ទៃពោះដែលហើមជើងអាចនឹងស្រកទៅវិញក្រោយពីធ្វើការម៉ាស្សាបាតជើងជាទៀងទាត់៕