ការមានផ្ទៃពោះប្រៀបបានដូចជាការជិះរថភ្លើង Roller-coaster អញ្ចឹង។ វាអាចជាអារម្មណ៍មួយដែលស្រ្តីម្នាក់ៗមាន តែបទពិសោធន៍ខុសៗគ្នាទៅវិញដោយសារតែស្រ្តីគ្រប់រូបតែងតែមានលក្ខណៈខុសៗគ្នាទាំងអស់។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)យ៉ាងណាមិញ អ្នកប្រហែលជាជួបរឿងមួយចំនួនដែលគិតថា វាមិនមែនជារឿងធម្មតាទេ ដែលជាហេតុធ្វើឲ្យអ្នកបារម្ភកាន់តែខ្លាំង ប៉ុន្តែពេលខ្លះរឿងទាំងនោះត្រូវបានគេគិតថាជារឿងធម្មតាទាំងស្រុងទៅវិញ ហើយក៏មិនបាច់បារម្ភអ្វីច្រើនដែរ។
១. ការមានសម្ពាធនៅទ្វារមាស
ទោះបីជាមុនពេលអ្នកត្រូវការនោមជារៀងរាល់ម៉ោងក៏ដោយ អ្នកប្រហែលជាមានអារម្មណ៍ថា ដូចជាមានសម្ពាធក្នុងទ្វារមាសយ៉ាងចម្លែកអញ្ចឹង។វាទំនងជាមានអារម្មណ៍ដូចការឈឺរមួលៗតិចៗ ដែលស្រដៀងគ្នានឹងការមុនមករដូវដែរ។ យ៉ាងណាមិញ ការដែលមានសម្ពាធនៅក្នុងទ្វារមាសក្នុងពេលមានផ្ទៃពោះ អាចដោយសារតែស្បូនយឺតខ្លាំងដើម្បីទ្រទ្រង់ដល់ការលូតលាស់របស់ទារក។ ការឈឺចាប់បែបរមួលតិចតួចបែបនេះនឹងបាត់ទៅវិញនៅរយៈពេលពីរបីម៉ោងក្រោយ ដូច្នេះកុំបារម្ភអី។ ប៉ុន្តែបើសិនជាការរមួលនេះកើតឡើងជាមួយគ្នានឹងការធ្លាក់ឈាម ឬវិលមុខ ចូរទៅជួបពេទ្យភ្លាម។
២. ហើមជើង
នៅពេលកូនក្នុងផ្ទៃកំពូងតែលូតលាស់ ឈាមដែលត្រូវផ្គត់ផ្គង់ក្នុងស្បូន និងផ្នែកខាងក្រោមពាក់កណ្តាលនឹងមានកាន់តែច្រើន។ ការច្របាច់ឈាមចេញពីជើងទៅបេះដូងវិញគឺជាការងាររបស់ទំនាញផែនដី ប៉ុន្តែដោយសារតែវាមានចំនួនឈាមច្រើនបែបនេះទើបធ្វើឲ្យមានការចាលជាតិទឹកខ្លះទៅក្នុងកោសិកានៅជើង ទើបចេញជាការហើមជើងបែបនេះទៅ ជាពិសេសក្នុងត្រីមាសទីបីតែម្តង។ ប៉ុន្តែបើសិនជាការហើមជើងកើតឡើងជាមួយនឹងការលើសសម្ពាធឈាម ស្របាំងភ្នែក និងខ្លាចពន្លឺ អ្នកទំនងជាប្រឈមនឹងការត្រៀមក្រឡាភ្លើងហើយ។
៣. មានទឹករំអិលនៅទ្វារមាសច្រើនពេក
ស្រ្តីភាគច្រើនតែងមានការចេញទឹករំអិលពីទ្វារមាសកាន់តែច្រើនក្នុងពេលមានផ្ទៃពោះ។ ដោយសារតែមាត់ស្បូន និងជញ្ជាំងទ្វារមាសកាន់តែទន់ទៅៗដើម្បីរៀបចំការសម្រាលកូន ដូច្នេះវានឹងមានការហូរទឹករំអិលកាន់តែច្រើនដើម្បីកុំឲ្យមានការបង្ករោគ។ ប៉ុន្តែបើសិនជាការហូរទឹករំអិលនេះមានក្លិនស្អុយ រមាស់ និងធ្វើឲ្យអ្នកមានដំបៅវិញ នោះគឺជារឿងដែលត្រូវទៅជួបពេទ្យហើយ។
៤. ឈឺខ្នង
តើអ្នកមានអារម្មណ៍ថាឈឺខ្នងជាប់រហូតដែរទេក្នុងពេលមានផ្ទៃពោះ? ជាអកុសល្យ ការឈឺខ្នងនេះទំនងជាកាន់តែធ្ងន់ធ្ងរទៅៗនៅពេលមានផ្ទៃពោះកាន់តែយូរ ដោយសារតែសរសៃចងឆ្អឹងចាប់ផ្តើមធូរទៅៗដើម្បីងាយស្រួលដល់ការសម្រាល។
៥. មានអារម្មណ៍ថាក្តៅនិងបែកញើស
ក្នុងពេលមានផ្ទៃពោះ រាងកាយអ្នកនឹងចាប់ផ្តើមផ្គត់ផ្គង់ឈាមកាន់តែច្រើនដល់រាងកាយដើម្បីប្រាកដថាអ្នក និងកូនក្នុងផ្ទៃទទួលបានអុកស៊ីសែន និងជីវជាតិទៅតាមតម្រូវការគ្រប់គ្រាន់។ ថ្វីបើការបង្កើនការផ្គត់ផ្គង់ឈាមប្រហែលជាធ្វើឲ្យស្បែកទៅជាក្រហមព្រឿងៗក៏ដោយ តែនៅតំបន់ខាងក្រោមក៏មិនអាចដល់ដែរ។ ដូច្នេះវានឹងធ្វើឲ្យអ្នកមានអារម្មណ៍ក្តៅ និងបែកញើសច្រើនជាងធម្មតាដែរ។
៦. ចាញ់កូន
ការដែលចាប់ផ្តើមមានផ្ទៃពោះច្រើនតែសម្គាល់ដឹងតាមរយៈការក្អួតចង្អោ ឬខ្មែរយើងហៅថាចាញ់កូន។ អាការៈនេះគឺកើតមានជាញឹកញាប់ ហើយក៏ច្រើនតែបន្តរហូតដល់ត្រីមាសដំបូងផងដែរ។ បើសិនជាអ្នកមានអាការៈបែបនេះមែន ចូរកុំបារម្ភអី ព្រោះវាមានគ្រោះថ្នាក់អ្វីដល់កូនក្នុងផ្ទៃឡើយ។
៧. ជំងឺឬសដូងបាត
ស្រ្តីគ្រប់រូបដែលមានជំងឺឬសដូងបាតក្នុងពេលមានផ្ទៃពោះនឹងប្រាប់អ្នកថា វាពិតជាធ្ងន់ធ្ងរបំផុតហើយ។ ការពិតមួយដែលថា ជំងឺឬសដូងបាតអាចនឹងមិនធ្វើឲ្យពិបាកបន្ទោបង់ឡើយ។ (អាន:ថ្នាំងងុយគេង ពេលអ្នកគួរប្រើ)វាក៏អាចធ្វើឲ្យហូរឈាម និងឈឺចាប់ខ្លាំងដែរ។ ករណីជំងឺនេះកើតឡើងក្នុងពេលមានផ្ទៃពោះដោយសារតែស្បូនលូតលាស់រុញដល់សរីរាង្គផ្សេងៗទៀតទៅតំបន់ខាងក្រោមទើបធ្វើឲ្យសរសៃឈាមឬសដូងនេះរីកធំតែម្តងទៅ។ ដើម្បីបំបាត់ការឈឺចាប់ យកល្អគួរតែអង្គុយត្រាំក្នុងទឹកក្តៅឧណ្ហៗ និងញ៉ាំអាហារមានជាតិសរសៃឲ្យបានច្រើនបន្តិច។ ចូរចាំថា ជំងឺនេះនឹងស្រួលបួលទៅវិញក្រោយពីសម្រាលកូនបានពីរបីសប្តាហ៍រួច៕